ਭਾਰਤ ਦੇ ਸਿਵਲ ਏਵੀਏਸ਼ਨ ਡਾਇਰੈਕਟੋਰੇਟ ਜਨਰਲ (ਡੀਜੀਸੀਏ) ਨੇ ਏਅਰਲਾਈਨ ਟਰਾਂਸਪੋਰਟ ਪਾਇਲਟ ਲਾਇਸੈਂਸਾਂ (ਏਟੀਪੀਐਲ) ਲਈ ਇਲੈਕਟ੍ਰਾਨਿਕ ਪਰਸਨਲ ਲਾਇਸੈਂਸ (ਈਪੀਐਲ) ਸੇਵਾ ਸ਼ੁਰੂ ਕੀਤੀ ਹੈ। ਡੀਜੀਸੀਏ ਦੁਆਰਾ ਈਪੀਐਲ ਸੇਵਾ ਦਾ ਉਦਘਾਟਨ ਇਸਦੇ ਡਿਜੀਟਲ ਪਰਿਵਰਤਨ ਯਾਤਰਾ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ।
ਇਸ ਸੇਵਾ ਦੀ ਸ਼ੁਰੂਆਤ ਕਰਦਿਆਂ ਡਾਇਰੈਕਟਰ ਜਨਰਲ (ਸੀਏ) ਨੇ ਕਿਹਾ ਕਿ, “ਈਪੀਐਲ ਪਹਿਲ ਸੁਰੱਖਿਅਤ, ਆਧੁਨਿਕ ਅਤੇ ਭਵਿੱਖ ਲਈ ਤਿਆਰ ਡਿਜੀਟਲ ਪ੍ਰਣਾਲੀਆਂ ਰਾਹੀਂ ਭਾਰਤ ਦੇ ਸਿਵਲ ਹਵਾਬਾਜ਼ੀ ਰੈਗੂਲੇਟਰੀ ਪ੍ਰਣਾਲੀ ਨੂੰ ਮਜ਼ਬੂਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ। ਡਾਇਰੈਕਟਰ ਜਨਰਲ (ਸੀਏ) ਨੇ ਡੀਜੀਸੀਏ ਟੀਮਾਂ ਅਤੇ ਤਕਨਾਲੋਜੀ ਭਾਈਵਾਲਾਂ ਨੂੰ ਇਸ ਪਹਿਲਕਦਮੀ ਨੂੰ ਲਾਗੂ ਕਰਨ ਵਿੱਚ ਉਨ੍ਹਾਂ ਦੇ ਯਤਨਾਂ ਲਈ ਵਧਾਈ ਦਿੱਤੀ ਅਤੇ ਨਵੀਂ ਪ੍ਰਣਾਲੀ ਨੂੰ ਅਪਣਾਉਣ ਵਿੱਚ ਹਵਾਬਾਜ਼ੀ ਉਦਯੋਗ ਅਤੇ ਹਿੱਸੇਦਾਰਾਂ ਦੁਆਰਾ ਦਿੱਤੇ ਗਏ ਸਹਿਯੋਗ ਦੀ ਸ਼ਲਾਘਾ ਕੀਤੀ।
ਇਲੈਕਟ੍ਰਾਨਿਕ ਪਰਸਨਲ ਲਾਇਸੈਂਸ ਇੱਕ ਸੁਰੱਖਿਅਤ ਡਿਜੀਟਲ ਲਾਇਸੈਂਸ ਹੈ ਜੋ ਪ੍ਰਮਾਣਿਕਤਾ ਨੂੰ ਯਕੀਨੀ ਬਣਾਉਣ, ਛੇੜਛਾੜ ਨੂੰ ਰੋਕਣ ਅਤੇ ਤੇਜ਼, ਸਮੇਂ ਸਿਰ ਤਸਦੀਕ ਨੂੰ ਸਮਰੱਥ ਬਣਾਉਣ ਲਈ ਆਈਸੀਏਓ-ਅਨੁਕੂਲ ਸੁਰੱਖਿਆ ਵਿਸ਼ੇਸ਼ਤਾਵਾਂ ਨੂੰ ਸ਼ਾਮਲ ਕਰਦਾ ਹੈ। ਈਪੀਐਲ ਈਜੀਸੀਏ ਮੋਬਾਈਲ ਐਪਲੀਕੇਸ਼ਨ ਰਾਹੀਂ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।
ਡੀਜੀਸੀਏ ਨੇ ਫਰਵਰੀ 2025 ਵਿੱਚ ਕਮਰਸ਼ੀਅਲ ਪਾਇਲਟ ਲਾਇਸੈਂਸ (ਸੀਪੀਐਲ) ਅਤੇ ਫਲਾਈਟ ਰੇਡੀਓ ਟੈਲੀਫੋਨ ਆਪਰੇਟਰ (ਪ੍ਰਤੀਬੰਧਿਤ) ਲਾਇਸੈਂਸ (ਐਫਆਰਟੀਓਐਲ) ਦੀ ਸ਼ੁਰੂਆਤ ਨਾਲ ਈਪੀਐਲ ਦੀ ਸ਼ੁਰੂਆਤ ਕੀਤੀ ਸੀ। ਏਟੀਪੀਐਲ ਲਈ ਈਪੀਐਲ ਸੇਵਾਵਾਂ ਦੀ ਸ਼ੁਰੂਆਤ ਦੇ ਨਾਲ ਡੀਜੀਸੀਏ ਹਵਾਬਾਜ਼ੀ ਖੇਤਰ ਵਿੱਚ ਨਿਪੁੰਨਤਾ, ਪਾਰਦਰਸ਼ਤਾ ਅਤੇ ਬਿਹਤਰ ਸੇਵਾ ਪ੍ਰਦਾਨ ਕਰਨ ਲਈ ਆਪਣੀ ਵਚਨਬੱਧਤਾ ਨੂੰ ਹੋਰ ਮਜ਼ਬੂਤ ਕਰਦਾ ਹੈ।