ਨਵੀਂ ਦਿੱਲੀ – ਦਿੱਲੀ-ਐੱਨਸੀਆਰ ਦੇ ਚਾਰੇ ਬਾਰਡਰ (ਸਿੰਘੂ, ਟੀਕਰੀ, ਸ਼ਾਹਜ਼ਹਾਂਪੁਰ ਤੇ ਗਾਜੀਪੁਰ) ‘ਤੇ ਬੈਠੇ ਕਿਸਾਨ ਆਖਿਰ ਕਦੋਂ ਧਰਨਾ ਪ੍ਰਦਰਸ਼ਨ ਖ਼ਤਮ ਕਰਨਗੇ, ਇਸ ਨੂੰ ਲੈ ਕੇ ਸ਼ਨੀਵਾਰ ਨੂੰ ਦਿੱਲੀ-ਹਰਿਆਣਾ ਦੇ ਸਿੰਘੂ ਬਾਰਡਰ ‘ਤੇ ਸੰਯੁਕਤ ਕਿਸਾਨ ਮੋਰਚੇ ਦੀ ਅਹਿਮ ਬੈਠਕ ਹੋਵੇਗੀ। ਇਸ ਵਿਚ ਤੈਣ ਹੋਵੇਗਾ ਕਿ ਅੰਦੋਲਨ ਖ਼ਤਮ ਕੀਤਾ ਜਾਵੇਗਾ ਜਾਂ ਫਿਰ ਇਸ ਨੂੰ ਜਾਰੀ ਰੱਖਿਆ ਜਾਵੇਗਾ।ਦੱਸਣਯੋਗ ਹੈ ਕਿ ਨਰਿੰਦਰ ਮੋਦੀ ਸਰਕਾਰ ਨੇ ਪਿਛਲੇ ਹਫ਼ਤੇ ਹੀ ਤਿੰਨ ਖੇਤੀ ਕਾਨੂੰਨਾਂ ਨੂੰ ਵਾਪਸ ਲੈਣ ਦਾ ਐਲਾਨ ਕੀਤਾ ਹੈ, ਜਿਸ ਤੋਂ ਬਾਅਦ ਸੰਯੁਕਤ ਕਿਸਾਨ ਮੋਰਚਾ ‘ਤੇ ਅੰਦੋਲਨ ਖ਼ਤਮ ਕਰਨ ਦਾ ਨੈਤਿਕ ਦਬਾਅ ਵੀ ਹੈ, ਕਿਉਂਕਿ ਇਸ ਨਾਲ ਦਿੱਲੀ-ਐੱਨਸੀਆਰ ਦੇ ਲੱਖਾਂ ਲੋਕ ਰੋਜ਼ਾਨਾ ਪ੍ਰਭਾਵਿਤ ਹੋ ਰਹੇ ਹਨ।ਰਾਕੇਸ਼ ਟਿਕੈਤ ਨੇ ਵੀਰਵਾਰ ਨੂੰ ਕਿਹਾ ਕਿ ਪਿਛਲੇ ਇਕ ਸਾਲ ਦੌਰਾਨ ਕਿਸਾਨਾਂ ਨੇ ਕੁਝ ਨਹੀਂ ਗੁਆਇਆ ਹੈ ਪਰ ਇਕਜੁੱਟਤਾ ਹਾਸਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਇੱਕ ਸਾਲ ਵਿੱਚ ਇਹ ਸਭ ਕੁਝ ਸਿੱਖਿਆ ਹੈ ਕਿ ਅੰਦੋਲਨ ਕਿਵੇਂ ਘਰ-ਘਰ ਚਲਦਾ ਹੈ, ਅੰਦੋਲਨ ਕਿਵੇਂ ਵਿਚਾਰਧਾਰਕ ਤੌਰ ‘ਤੇ ਚੱਲਦਾ ਹੈ। ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਸਾਰੇ ਉਤਪਾਦ ਅੱਧੇ ਮੁੱਲ ‘ਤੇ ਵੇਚੇ ਜਾ ਰਹੇ ਹਨ, ਇਸ ਲਈ ਸਾਡੀ ਜਿੱਤ ਕਿੱਥੇ ਹੈ। ਸਾਨੂੰ MSP ‘ਤੇ ਗਾਰੰਟੀ ਦੀ ਲੋੜ ਹੈ।ਯੂਪੀ ਗੇਟ ਨੂੰ ਸੱਤ ਜ਼ੋਨਾਂ ਅਤੇ 12 ਸੈਕਟਰਾਂ ਵਿੱਚ ਵੰਡ ਕੇ ਸੁਰੱਖਿਆ ਦੇ ਪੁਖ਼ਤਾ ਪ੍ਰਬੰਧ ਕੀਤੇ ਗਏ ਹਨ। 150 ਵਾਧੂ ਪੁਲੀਸ ਮੁਲਾਜ਼ਮ ਡਿਊਟੀ ’ਤੇ ਲਾਏ ਗਏ ਹਨ। ਖੁਫੀਆ ਵਿਭਾਗ ਨੂੰ ਅਲਰਟ ਕਰ ਦਿੱਤਾ ਗਿਆ ਹੈ। ਰਾਜੀਵ ਸੱਭਰਵਾਲ ਅਤੇ ਪ੍ਰਵੀਨ ਕੁਮਾਰ ਨੇ ਅਧਿਕਾਰੀਆਂ ਨੂੰ ਜ਼ਰੂਰੀ ਦਿਸ਼ਾ ਨਿਰਦੇਸ਼ ਦਿੱਤੇ ਹਨ।ਸਾਬਕਾ ਮੇਅਰ ਆਸ਼ੂ ਵਰਮਾ ਵੀਰਵਾਰ ਨੂੰ ਯੂਪੀ ਗੇਟ ਪਹੁੰਚੇ। ਉਨ੍ਹਾਂ ਪ੍ਰਦਰਸ਼ਨਕਾਰੀਆਂ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਨੂੰ ਰਾਕੇਸ਼ ਟਿਕੈਤ ਦੇ ਨਾਂ ਇਕ ਪੱਤਰ ਸੌਂਪਿਆ ਗਿਆ। ਇਸ ਵਿਚ ਲਿਖਿਆ ਗਿਆ ਸੀ ਕਿ ਅਸੀਂ ਦੇਸ਼ ਦੇ ਮਾਮਲਿਆਂ ਦਾ ਹੱਲ ਲੱਭ ਲਵਾਂਗੇ। ਇਸ ਨੂੰ ਕਿਸੇ ਵਿਦੇਸ਼ੀ ਸਹਾਇਤਾ ਦੀ ਲੋੜ ਨਹੀਂ ਹੈ।