ਨਿਹੰਗ ਅੰਦਲੋਨ ਨੂੰ ਸਮਰਥਨ ਦੇਣਗੇ ਜਾਂ ਜਾਣਗੇ ਘਰ, ਮਹਾਪੰਚਾਇਤ ’ਚ ਹੋਵੇਗਾ ਫੈਸਲਾ

ਸੋਨੀਪਤ – ਕੁੰਡਲੀ ਬਾਰਡਰ ’ਤੇ ਆਗਾਮੀ 27 ਅਕਤੂਬਰ ਨੂੰ ਹੋਣ ਵਾਲੀ ਨਿਹੰਗਾਂ ਦੀ ਮਹਾਪੰਚਾਇਤ ’ਚ ਨਿਹੰਗ ਖੇਤੀ ਸੁਧਾਰ ਕਾਨੂੰਨਾਂ ਦੇ ਵਿਰੁੱਧ ’ਚ ਚੱਲ ਰਹੇ ਅੰਦੋਲਨ ਦਾ ਸਾਥ ਦੇਣ ਜਾਂ ਇਸ ਨੂੰ ਛੱਡ ਕੇ ਆਪਣੇ ਘਰ ਜਾਣ ’ਤੇ ਫੈਸਲਾ ਲੈਣਗੇ। ਲਖਬੀਰ ਸਿੰਘ ਦੀ ਹੱਤਿਆ ਦੇ ਮਾਮਲੇ ’ਚ ਸੰਯੁਕਤ ਕਿਸਾਨ ਮੋਰਚਾ ਦੇ ਆਗੂਆਂ ਦੇ ਬਿਆਨਾਂ ਤੋਂ ਨਿਹੰਗ ਨਾਰਾਜ਼ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਮੋਰਚੇ ਦੇ ਆਗੂਆਂ ਦੀ ਬਿਆਨਬਾਜ਼ੀ ਕਾਰਨ ਹੀ ਪੁਲਿਸ ਕਾਰਵਾਈ ਦੀ ਹਿੰਮਤ ਕਰ ਸਕੀ ਹੈ। ਮੋਰਚੇ ਦੇ ਆਗੂ ਅੰਦਲੋਨ ’ਚ ਨਿਹੰਗਾਂ ਨੂੰ ਅੱਗੇ ਕਰ ਦਿੰਦੇ ਹਨ ਤੇ ਫਿਰ ਖੁਦ ਪੱਲਾ ਝਾਡ਼ ਲੈਂਦੇ ਹਨ। ਅਜਿਹੇ ’ਚ ਕੁੰਡਲੀ ਬਾਰਡਰ ’ਤੇ ਦੋਵਾਂ ਪੱਖਾਂ ਦੇ ਮੁਖੀ ਆਪਣੀ-ਆਪਣੀ ਰਣਨੀਤੀ ਤਿਆਰ ਕਰਨ ’ਚ ਜੁੱਟੇ ਹਨ। ਜ਼ਿਕਰਯੋਗ ਹੈ ਕਿ ਨਿਹੰਗਾਂ ’ਤੇ ਬੀਤੇ ਸ਼ੁੱਕਰਵਾਰ ਨੂੰ ਪੰਜਾਬ ਦੇ ਐੱਸਸੀ ਨੌਜਵਾਨ ਲਖਬੀਰ ਦੇ ਹੱਥ-ਪੈਰ ਕੱਟ ਕੇ ਹੱਤਿਆ ਕਰਨ ਦੇ ਦੋਸ਼ ਹਨ। ਉਸਦੀ ਲਾਸ਼ ਨੂੰ ਅੰਦੋਲਨ ਸਥਾਨ ’ਤੇ ਲਟਕਾ ਦਿੱਤਾ ਗਿਆ ਸੀ। ਇਸ ਭਿਆਨਕ ਵਾਰਦਾਤ ਦੇ ਵੀਡੀਓ-ਫੋਟੋ ਦੇਸ਼ਭਰ ’ਚ ਵਾਇਰਲ ਹੋ ਗਏ ਸਨ। ਨਿਹੰਗਾਂ ਨੇ ਲਖਬੀਰ ’ਤੇ ਬੇਅਦਬੀ ਦਾ ਦੋਸ਼ ਲਾਇਆ ਸੀ। ਮਾਮਲੇ ਦੇ ਤੂਲ ਫਡ਼ਨ ’ਤੇ ਸੰਯੁਕਤ ਕਿਸਾਨ ਮੋਰਚਾ ਨੇ ਇਸ ਵਾਰਦਾਤ ਤੋਂ ਪੱਲਾ ਝਾਡ਼ ਲਿਆ ਸੀ। ਰਾਕੇਸ਼ ਟਿਕੈਤ, ਯੋਗੇਂਦਰ ਯਾਦਵ, ਬਲਵੀਰ ਸਿੰਘ ਰਾਜੇਵਾਲ ਤੇ ਅਭਿਮਨਿਊ ਕੋਹਾਡ਼ ਨੇ ਪੁਲਿਸ ਤੇ ਕਾਨੂੰਨ ਨੂੰ ਆਪਣਾ ਕੰਮ ਕਰਨ ਦੀ ਸਲਾਹ ਦਿੱਤੀ ਸੀ। ਨਿਹੰਗਾਂ ’ਤੇ ਅੰਦੋਲਨ ਨੂੰ ਬਦਨਾਮ ਕਰਨ, ਕਈ ਵਾਰ ਗੰਭੀਰ ਸਥਿਤੀ ’ਚ ਪਾਉਣ ਦੇ ਦੋਸ਼ ਲਾਏ ਹਨ। ਇਸਦੇ ਨਾਲ ਹੀ ਨਿਹੰਗਾਂ ਦੇ ਕਿਸਾਨ ਨਹੀਂ ਹੋਣ ਦੇ ਬਾਵਜੂਦ ਅੰਦੋਲਨ ’ਚ ਸ਼ਾਮਿਲ ਹੋਣ ’ਤੇ ਚਰਚਾ ਹੋਣ ਲੱਗੀ। ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਕਿਹਾ ਗਿਆ ਕਿ ਬਾਰਡਰ ’ਤੇ ਕੋਈ ਧਰਮ ਦੀ ਰੱਖਿਆ ਲਈ ਅੰਦੋਲਨ ਨਹੀਂ ਹੋ ਰਿਹਾ ਹੈ। ਅਜਿਹੇ ’ਚ ਧਰਮ ਰੱਖਿਆਕ ਨਿਹੰਗਾਂ ਦਾ ਇੱਥੇ ਕੀ ਕੰਮ ਹੈ।ਸੰਯੁਕਤ ਕਿਸਾਨ ਮੋਰਚਾ ਦੇ ਬਿਆਨ ਦੇ ਬਾਅਦ ਪੁਲਿਸ ਨੇ ਕਾਰਵਾਈ ਸ਼ੁਰੂ ਕਰ ਦਿੱਤੀ। ਨਿਹੰਗਾਂ ਦਾ ਮੰਨਣਾ ਹੈ ਕਿ ਮੋਰਚਾ ਆਗੂਆਂ ਦੇ ਨਾਲ ਛੱਡ ਦੇਣ ਨਾਲ ਪੁਲਿਸ ਦੀ ਹਿੰਮਤ ਵੱਧ ਗਈ। ਮੋਰਚੇ ਦੇ ਪੱਲਾ ਝਾਡ਼ ਲੈਣ ਨੂੰ ਨਿਹੰਗ ਆਪਣਾ ਬੇਇਜ਼ਤੀ ਮੰਨ ਰਹੇ ਹਨ। ਇਸ ਦੇ ਚਲਦੇ ਉਨ੍ਹਾਂ ਨੇ ਮਹਾਪੰਚਾਇਤ ਸੱਦੀ ਹੈ। ਇਸ ਨਾਲ ਮੋਰਚਾ ਆਗੂਆਂ ਦੀ ਨੀਂਦ ਉੱਡ ਗਈ ਹੈ।ਪਹਿਲਾਂ ਧਰਮ ਹੈ, ਖੇਤੀ ਬਾਅਦ ’ਚ ਹੈ। ਧਰਮ ਨਹੀਂ ਬਚੇਗਾ ਤਾਂ ਖੇਤੀ ਕੌਣ ਕਰੇਗਾ? ਅਸੀਂ ਧਰਮ ਦੀ ਰੱਖਿਆ ਲਈ ਹਾਂ। ਮੋਰਚਾ ਆਗੂਆਂ ਦੇ ਬਿਆਨ ਦੁਖੀ ਕਰਨ ਵਾਲੇ ਹਨ। ਬੇਅਦਬੀ ਦੇ ਬਾਅਦ ਸਾਡਾ ਕਦਮ ਇਕਦਮ ਸਹੀ ਸੀ। ਅਸੀਂ ਉਸ ’ਤੇ ਕਾਇਮ ਹਾਂ। ਜੋ ਇਸ ਕਦਮ ਨੂੰ ਸਹੀ ਮੰਨ ਕੇ ਸਾਡਾ ਸਾਥ ਦੇਵੇਗਾ, ਨਿਹੰਗ ਸਿਰਫ ਉਨ੍ਹਾਂ ਦਾ ਹੀ ਸਾਥ ਦੇਣਗੇ।