ਲੰਡਨ – ਉੱਤਰ ਪ੍ਰਦੇਸ਼ ਦੇ ਬਹਿਰਾਈਚ ਜ਼ਿਲ੍ਹੇ ਦੇ ਇਕ ਪਿੰਡ ਦੀ ਇਕ 18 ਸਾਲਾ ਈ-ਰਿਕਸ਼ਾ ਚਾਲਕ ਇਸ ਹਫ਼ਤੇ ਲੰਡਨ ਵਿਚ ਵੱਕਾਰੀ ਮਹਿਲਾ ਸਸ਼ਕਤੀਕਰਨ ਪੁਰਸਕਾਰ ਪ੍ਰਾਪਤ ਕਰਨ ਤੋਂ ਬਾਅਦ ਬਕਿੰਘਮ ਪੈਲੇਸ ਵਿਚ ਕਿੰਗ ਚਾਰਲਸ ਤੀਜੇ ਨੂੰ ਮਿਲ ਕੇ ਬੇਹੱਦ ਖੁਸ਼ ਹੈ। ਆਰਤੀ ਨੇ ਲੰਡਨ ਵਿਚ ਪਿ੍ਰੰਸ ਟਰੱਸਟ ਐਵਾਰਡਜ਼ ਵਿਚ ‘ਅਮਲ ਕਲੂਨੀ ਵੂਮੈਨਜ਼ ਐਂਮਪਾਵਰਮੈਂਟ ਐਵਾਰਡ’ ਪ੍ਰਾਪਤ ਕੀਤਾ, ਜਿਸ ਦਾ ਨਾਂ ਵਿਸ਼ਵ ਪ੍ਰਸਿੱਧ ਮਨੁੱਖੀ ਅਧਿਕਾਰ ਬੈਰਿਸਟਰ ਦੇ ਨਾਂ ’ਤੇ ਰੱਖਿਆ ਗਿਆ ਹੈ। ਉਸ ਨੂੰ ਸਰਕਾਰ ਦੀ ਪਿੰਕ ਈ-ਰਿਕਸ਼ਾ ਪਹਿਲਕਦਮੀ ਦੇ ਨਾਲ ਆਪਣੇ ਕੰਮ ਰਾਹੀਂ ਹੋਰ ਨੌਜਵਾਨ ਲੜਕੀਆਂ ਨੂੰ ਪ੍ਰੇਰਿਤ ਕਰਨ ਲਈ ਸਨਮਾਨਤ ਕੀਤਾ ਗਿਆ, ਜੋ ਅਸਲ ਵਿੱਚ ਤਬਦੀਲੀ ਲਿਆਉਣ ਦੇ ਮਿਸ਼ਨ ਨਾਲ ਦੂਜੀਆਂ ਔਰਤਾਂ ਲਈ ਸੁਰੱਖਿਅਤ ਆਵਾਜਾਈ ਪ੍ਰਦਾਨ ਕਰਦਾ ਹੈ।