ਨੈਨੀਤਾਲ – ਕੱਲ੍ਹ ਭਾਵ ਬੁੱਧਵਾਰ ਨੂੰ ਦਿਨ ਅਤੇ ਰਾਤ ਬਰਾਬਰ ਹੋਣਗੇ। ਇਸਦੇ ਨਾਲ ਇਕ ਹੋਰ ਖਗੋਲੀ ਘਟਨਾ ਵਿਗਿਆਨੀਆਂ ਅਤੇ ਖਗੋਲ ’ਚ ਰੁਚੀ ਰੱਖਣ ਵਾਲਿਆਂ ਦਾ ਆਪਣੇ ਵੱਲ ਧਿਆਨ ਖਿੱਚੇਗੀ। ਬੁੱਧਵਾਰ ਦੀ ਰਾਤ ਧਰਤੀ ਨੇੜਿਓਂ ਇਕ ਗ੍ਰਹਿ ਭਾਵ Asteroid ਲੰਘਣ ਵਾਲਾ ਹੈ। ਇਸਦੀ ਲੰਬਾਈ ਪੈਰਿਸ ਦੇ ਏਫਿਲ ਟਾਵਰ ਤੋਂ ਵੀ ਵੱਧ, ਭਾਵ ਤਿੰਨ ਸੌ ਮੀਟਰ ਤੋਂ ਵੱਧ ਹੈ, ਪਰ ਇਸਦਾ ਵਿਆਸ ਘੱਟ ਹੈ। ਵਿਗਿਆਨੀਆਂ ਨੇ ਇਸਨੂੰ 2021 ਐੱਨਵਾਈ-1 ਨਾਮ ਦਿੱਤਾ ਹੈ। ਅਮਰੀਕਾ ਦੀ ਪੁਲਾੜ ਏਜੰਸੀ ਨਾਸਾ ਨੇ ਇਸਨੂੰ ਧਰਤੀ ਲਈ ਸੰਭਾਵਿਤ ਖ਼ਤਰੇ ਦੀ ਸ਼੍ਰੇਣੀ ’ਚ ਰੱਖਿਆ ਹੈ।