ਭਾਰਤ ਦੇ ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਦੁਆਰਾ ਜਾਰੀ ਕੀਤੇ ਗਏ ਤਾਜ਼ਾ ਅੰਕੜਿਆਂ ਅਨੁਸਾਰ ਸਾਲ 2023 ਦੌਰਾਨ ਭਾਰਤ ਵਿੱਚ 24,678 ਰੇਲ ਹਾਦਸਿਆਂ ਵਿੱਚ 21,803 ਲੋਕਾਂ ਦੀ ਜਾਨ ਚਲੀ ਗਈ। ਰਿਪੋਰਟ 2022 ਦੇ ਮੁਕਾਬਲੇ ਰੇਲਵੇ ਹਾਦਸਿਆਂ ਵਿੱਚ ਚਿੰਤਾਜਨਕ 6.7 ਪ੍ਰਤੀਸ਼ਤ ਵਾਧੇ ਨੂੰ ਉਜਾਗਰ ਕਰਦੀ ਹੈ, ਜਦੋਂ 23,139 ਅਜਿਹੀਆਂ ਘਟਨਾਵਾਂ ਦਰਜ ਕੀਤੀਆਂ ਗਈਆਂ ਸਨ।
ਰੇਲ ਹਾਦਸਿਆਂ ਵਾਲੇ ਸਭ ਤੋਂ ਵੱਧ ਪ੍ਰਭਾਵਿਤ ਰਾਜਾਂ ਵਿੱਚੋਂ ਮਹਾਰਾਸ਼ਟਰ ਅਤੇ ਉੱਤਰ ਪ੍ਰਦੇਸ਼ ਵਿੱਚ ਸਭ ਤੋਂ ਵੱਧ ਹਾਦਸਿਆਂ ਅਤੇ ਮੌਤਾਂ ਦੀ ਰਿਪੋਰਟ ਕੀਤੀ ਗਈ। ਇਕੱਲੇ ਮਹਾਰਾਸ਼ਟਰ ਵਿੱਚ ਸਾਰੇ ਰੇਲ ਹਾਦਸਿਆਂ ਦਾ 22.5 ਪ੍ਰਤੀਸ਼ਤ (5,559 ਮਾਮਲੇ) ਅਤੇ ਕੁੱਲ ਮੌਤਾਂ ਦਾ 15.8 ਪ੍ਰਤੀਸ਼ਤ (3,445) ਹੈ, ਜਦੋਂ ਕਿ ਉੱਤਰ ਪ੍ਰਦੇਸ਼ ਵਿੱਚ 13 ਪ੍ਰਤੀਸ਼ਤ ਹਾਦਸਿਆਂ (3,212 ਮਾਮਲੇ) ਅਤੇ 14.4 ਪ੍ਰਤੀਸ਼ਤ ਮੌਤਾਂ (3,149 ਮੌਤਾਂ) ਹੋਈਆਂ। ਅੰਕੜਿਆਂ ਦੇ ਅਨੁਸਾਰ ਜ਼ਿਆਦਾਤਰ ਰੇਲ ਹਾਦਸੇ 74.9 ਪ੍ਰਤੀਸ਼ਤ (18,480 ਮਾਮਲੇ) ਜਾਂ ਤਾਂ ਚੱਲਦੀਆਂ ਰੇਲ ਗੱਡੀਆਂ ਤੋਂ ਡਿੱਗਣ ਜਾਂ ਪਟੜੀਆਂ ‘ਤੇ ਲੋਕਾਂ ਨਾਲ ਟਕਰਾਉਣ ਦੇ ਕਾਰਣ ਹੋਏ। ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਦੇ ਵਿੱਚ ਕੁੱਲ ਮੌਤਾਂ 72.8 ਪ੍ਰਤੀਸ਼ਤ ਸਨ ਜਿਸ ਵਿੱਚ 2023 ਵਿੱਚ 15,878 ਲੋਕਾਂ ਦੀ ਜਾਨ ਗਈ।
ਸਾਲ 2023 ਵਿੱਚ ਰੇਲਵੇ ਨਾਲ ਸਬੰਧਤ ਘਟਨਾਵਾਂ ਵਿੱਚ 3,014 ਲੋਕ ਜ਼ਖਮੀ ਹੋਏ ਸਨ, ਜਿਨ੍ਹਾਂ ਵਿੱਚੋਂ 2,115 ਸੱਟਾਂ – ਲਗਭਗ 70 ਪ੍ਰਤੀਸ਼ਤ – ਇਕੱਲੇ ਮਹਾਰਾਸ਼ਟਰ ਵਿੱਚ ਦਰਜ ਕੀਤੀਆਂ ਗਈਆਂ, ਜੋ ਦੇਸ਼ ਦੇ ਰੇਲ ਹਾਦਸਿਆਂ ਦੇ ਅੰਕੜਿਆਂ ਵਿੱਚ ਰਾਜ ਦੇ ਵੱਡੇ ਹਿੱਸੇ ਨੂੰ ਉਜਾਗਰ ਕਰਦੀਆਂ ਹਨ।
ਭਾਰਤ ਦੇ ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਦੇ ਅਨੁਸਾਰ 56 ਰੇਲ ਹਾਦਸੇ ਰੇਲ ਡਰਾਈਵਰਾਂ ਦੀ ਗਲਤੀ ਦੇ ਕਾਰਣ ਵਾਪਰੇ ਅਤੇ 43 ਟੈਕਨੀਕਲ ਖਰਾਬੀਆਂ ਦੇ ਕਾਰਣ ਰੇਲ ਹਾਦਸੇ ਵਾਪਰੇ ਜਿਹਨਾਂ ਵਿੱਚ ਵੱਡੀ ਗਿਣਤੀ ਦੇ ਵਿੱਚ ਲੋਕਾਂ ਨੂੰ ਆਪਣੀ ਜਾਨ ਗੁਆਉਣੀ ਪਈ।