ਅਨਿਲ ਕਪੂਰ, ਸ਼੍ਰੀਦੇਵੀ ਅਤੇ ਉਰਮਿਲਾ ਮਾਤੋਂਡਕਰ ਦੀ ਫਿਲਮ ਜੁਦਾਈ 1997 ਦੀ ਸਭ ਤੋਂ ਵਧੀਆ ਫਿਲਮਾਂ ਵਿੱਚੋਂ ਇੱਕ ਹੈ, ਜਿਸਨੂੰ ਲੋਕ ਅੱਜ ਵੀ ਪਸੰਦ ਕਰਦੇ ਹਨ। ਫਿਲਮ ਦੇ ਹਰ ਕਿਰਦਾਰ ਨੇ ਲੋਕਾਂ ਨੂੰ ਪ੍ਰਭਾਵਿਤ ਕੀਤਾ ਸੀ, ਚਾਹੇ ਉਹ ਲੀਡ ਸਟਾਰ ਹੋਵੇ ਜਾਂ ਸਹਾਇਕ ਅਦਾਕਾਰ । ਇੱਥੇ ਅਸੀਂ ਉਸੇ ਫਿਲਮ ਦੀ ਇੱਕ ਸਹਾਇਕ ਅਦਾਕਾਰਾ ਦੀ ਗੱਲ ਕਰ ਰਹੇ ਹਾਂ, ਜਿਸਦਾ ਨਾਮ ਹੈ ਉਪਾਸਨਾ ਸਿੰਘ, ਜੋ ਕਪਿਲ ਸ਼ਰਮਾ ਦੇ ਸ਼ੋਅ ‘ਕਾਮੇਡੀ ਨਾਈਟਸ ਵਿਦ ਕਪਿਲ’ ਵਿੱਚ ਭੂਆ ਦਾ ਰੋਲ ਨਿਭਾ ਕੇ ਅਕਸਰ ਲੋਕਾਂ ਨੂੰ ਹਸਾਉਂਦੀ ਹੈ । ਤੁਹਾਨੂੰ ਦੱਸ ਦੇਈਏ ਕਿ ਇਹ ਉਹੀ ਉਪਾਸਨਾ ਹੈ ਜੋ ਫਿਲਮ ਵਿੱਚ ਅੱਬਾ ਡੱਬਾ ਚੱਬਾ ਦਾ ਡਾਇਲਾਗ ਬੋਲ ਕੇ ਮਸ਼ਹੂਰ ਹੋਈ ਸੀ ਅਤੇ ਹਾਲ ਹੀ ਵਿੱਚ ਉਸਨੇ ਆਪਣੇ ਸ਼ੁਰੂਆਤੀ ਸੰਘਰਸ਼ ਬਾਰੇ ਵੀ ਦੱਸਿਆ ਸੀ । ਕਰੀਬ ਚਾਰ ਦਹਾਕੇ ਪਹਿਲਾਂ ਬਾਲੀਵੁੱਡ ’ਚ ਪ੍ਰਵੇਸ਼ ਕਰਨ ਵਾਲੀ ਅਦਾਕਾਰਾ ਉਪਾਸਨਾ ਸਿੰਘ ਨੇ ਆਪਣੀ ਯਾਦਗਾਰੀ ਅਦਾਕਾਰੀ ਨਾਲ ਦਰਸ਼ਕਾਂ ਦਾ ਮਨ ਮੋਹ ਲਿਆ ਹੈ । 1997 ਦੀ ਫਿਲਮ ‘ਜੁਦਾਈ’ ਦਰਸ਼ਕਾਂ ਦੁਆਰਾ ਪਸੰਦ ਕੀਤੀ ਗਈ ਉਸਦੀ ਸ਼ਾਨਦਾਰ ਭੂਮਿਕਾਵਾਂ ਵਿੱਚੋਂ ਇੱਕ ਹੈ । ਰਾਜ ਕੰਵਰ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਉਪਾਸਨਾ ਨੇ ਦੋਹਰੀ ਭੂਮਿਕਾ ਨਿਭਾਈ ਹੈ । ਜੁਦਾਈ ਵਿੱਚ ਜਿੱਥੇ ਉਪਾਸਨਾ ਅਭਿਨੇਤਾ ਪਰੇਸ਼ ਰਾਵਲ ਦੀ ਪਤਨੀ ਦੀ ਭੂਮਿਕਾ ਵਿੱਚ ਨਜ਼ਰ ਆਈ ਸੀ, ਉੱਥੇ ਦੂਜੇ ਪਾਸੇ ਉਸ ਨੇ ਉਸ ਦੀ ਬੇਟੀ ਦਾ ਵੀ ਕਿਰਦਾਰ ਨਿਭਾਇਆ ਸੀ ਜੋ ਜੌਨੀ ਲੀਵਰ ਦੇ ਕਿਰਦਾਰ ਨਾਲ ਰੋਮਾਂਟਿਕ ਰੂਪ ਵਿੱਚ ਜੁੜ ਜਾਂਦੀ ਹੈ। ਫਿਲਮ ’ਚ ਉਨ੍ਹਾਂ ਦਾ ਡਾਇਲਾਗ ‘ਅੱਬਾ ਡੱਬਾ ਜੱਬਾ’ ਮਸ਼ਹੂਰ ਹੋਇਆ ਸੀ ਅਤੇ ਇਸ ਸੀਨ ਨੂੰ ਦੇਖ ਕੇ ਨਾ ਚਾਹੁੰਦੇ ਹੋਏ ਵੀ ਲੋਕਾਂ ਦੇ ਚਿਹਰਿਆਂ ’ਤੇ ਮੁਸਕਰਾਹਟ ਆ ਜਾਂਦੀ ਹੈ। ਇਸ ਫਿਲਮ ਰਾਹੀਂ ਉਪਾਸਨਾ ਨੂੰ ਕਾਫੀ ਪ੍ਰਸਿੱਧੀ ਮਿਲੀ । ਉਪਾਸਨਾ ਸਿੰਘ ਨੇ ਇਕ ਅਖਬਾਰ ਨੂੰ ਦੱਸਿਆ ਕਿ ਫਿਲਮ ’ਚ ਆਪਣੀ ਸ਼ਮੂਲੀਅਤ ਬਾਰੇ ਚਰਚਾ ਦੌਰਾਨ ਉਨ੍ਹਾਂ ਨੇ ਸ਼੍ਰੀਦੇਵੀ ਦੀ ਪ੍ਰਸ਼ੰਸਾ ਕੀਤੀ ਸੀ । ਸ਼ੁਰੂਆਤੀ ਇਤਰਾਜ਼ਾਂ ਦੇ ਬਾਵਜੂਦ ਉਪਾਸਨਾ ਨੇ ਫਿਲਮ ਦੇ ਮਸ਼ਹੂਰ ਡਾਇਲਾਗ ‘ਅੱਬਾ ਡੱਬਾ ਜੱਬਾ’ ਨੂੰ ਬਹੁਤ ਵਧੀਆ ਢੰਗ ਨਾਲ ਪੇਸ਼ ਕੀਤਾ । ਉਸਨੇ ਇਸ ਪਾਤਰ ਦੇ ਵੱਖੋ-ਵੱਖਰੇ ਪ੍ਰਗਟਾਵੇ ਪ੍ਰਤੀ ਆਪਣੀ ਵਚਨਬੱਧਤਾ ’ਤੇ ਜ਼ੋਰ ਦਿੱਤਾ । ਉਸਨੇ ਸਾਂਝਾ ਕੀਤਾ, ਜਦੋਂ ਮੈਨੂੰ ਅੱਬਾ ਡੱਬਾ ਚੱਬਾ ਲਾਈਨ ਬਾਰੇ ਦੱਸਿਆ ਗਿਆ ਤਾਂ ਮੈਨੂੰ ਯਕੀਨ ਨਹੀਂ ਆਇਆ ਕਿ ਕੋਈ ਗੂੰਗਾ ਵਿਅਕਤੀ ਇਹ ਹੀ ਸ਼ਬਦ ਕਹਿ ਸਕਦਾ ਹੈ । ਉਪਾਸਨਾ ਸਿੰਘ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਸ਼ੁਰੂ ਵਿੱਚ ਉਸ ਨੂੰ ਜੁਦਾਈ ਦੀ ਕਹਾਣੀ ਅਜੀਬ ਲੱਗੀ, ਜਿੱਥੇ ਪਤਨੀ ਆਪਣੇ ਪਤੀ ਨੂੰ ਵੇਚਦੀ ਹੈ, ਹਾਲਾਂਕਿ, ਉਸ ਸਮੇਂ ਮੈਂ ਆਪਣੀ ਭੂਮਿਕਾ ਨੂੰ ਸਵੀਕਾਰ ਕਰ ਲਿਆ । ਉਨ੍ਹਾਂ ਨੇ ਯਾਦ ਕਰਦੇ ਹੋਏ ਦੱਸਿਆ, ‘ਮੈਂ ਸੋਚ ਰਹੀ ਸੀ ਕਿ ਲੋਕ ਇਸ ਨੂੰ ਕਿਵੇਂ ਹਜ਼ਮ ਕਰਨਗੇ। ਪਰ ਜੁਦਾਈ ਇੰਨੀ ਵੱਡੀ ਹਿੱਟ ਹੋ ਗਈ ਕਿ ਲੋਕ ਮੈਨੂੰ ਮੇਰੇ ਅਸਲੀ ਨਾਂ ਦੀ ਬਜਾਏ ‘ਅੱਬਾ ਡੱਬਾ ਚੱਬਾ’ ਕਹਿਣ ਲੱਗ ਪਏ। ਮੈਂ ਬਹੁਤ ਸਾਰੇ ਲਾਈਵ ਸ਼ੋਅ ਕੀਤੇ ਜਿੱਥੇ ਲੋਕਾਂ ਨੇ ਮੈਨੂੰ ਉਹ ਡਾਇਲਾਗ ਬੋਲਣ ਦੀ ਮੰਗ ਕੀਤੀ । 5“ ਨਾਲ ਗੱਲਬਾਤ ਵਿੱਚ, ਉਪਾਸਨਾ ਸਿੰਘ ਨੇ ਦੱਖਣ ਫਿਲਮ ਉਦਯੋਗ ਵਿੱਚ ਉਸ ਸੰਘਰਸ਼ ਬਾਰੇ ਵੀ ਗੱਲ ਕੀਤੀ । ਉਪਾਸਨਾ ਲਈ ਮਨੋਰੰਜਨ ਉਦਯੋਗ ਵਿੱਚ ਆਪਣੇ ਲਈ ਰਾਹ ਬਣਾਉਣਾ ਅਸਾਨ ਨਹੀਂ ਸੀ। ਅਦਾਕਾਰਾ ਨੇ ਦੱਸਿਆ ਕਿ ਇੱਕ ਸਮਾਂ ਸੀ ਜਦੋਂ ਇੱਕ ਭਿਆਨਕ ਘਟਨਾ ਤੋਂ ਬਾਅਦ ਮੈਂ ਫਿਲਮਾਂ ਕਰਨਾ ਬੰਦ ਕਰ ਦਿੱਤਾ ਸੀ । ਉਸ ਨੇ ਕਿਹਾ, ਮੈਂ ਨਾਂ ਨਹੀਂ ਲਵਾਂਗੀ ਪਰ ਇਕ ਦੱਖਣੀ ਨਿਰਦੇਸ਼ਕ ਨੇ ਮੈਨੂੰ ਅਨਿਲ ਕਪੂਰ ਦੇ ਨਾਲ ਕਾਸਟ ਕੀਤਾ ਸੀ ਅਤੇ ਫਿਰ ਮੈਂ ਇਸ ਬਾਰੇ ਆਪਣੇ ਸਾਰੇ ਨਜ਼ਦੀਕੀਆਂ ਨੂੰ ਦੱਸ ਦਿੱਤਾ ਸੀ । ਪਰ ਬਾਅਦ ਵਿੱਚ ਡਾਇਰੈਕਟਰ ਨੇ ਮੈਨੂੰ ਦੇਰ ਰਾਤ ਫੋਨ ਕਰਕੇ ਹੋਟਲ ਵਿੱਚ ਮੀਟਿੰਗ ਲਈ ਬੁਲਾਇਆ ਅਤੇ ਉਸ ਸਮੇਂ ਮੇਰੀ ਉਮਰ ਸਿਰਫ਼ 17 ਸਾਲ ਸੀ । ਅਦਾਕਾਰਾ ਨੇ ਅੱਗੇ ਕਿਹਾ ਕਿ ‘ਮੈਨੂੰ ਸਮਝ ਨਹੀਂ ਆ ਰਹੀ ਸੀ ਕਿ ਕੀ ਕਹਾਂ ਅਤੇ ਮੈਂ ਉਸ ਨੂੰ ਕਿਹਾ ਕਿ ਮੈਂ ਅਗਲੇ ਦਿਨ ਆਵਾਂਗੀ, ਕਿਉਂਕਿ ਮੇਰੇ ਕੋਲ ਉੱਥੇ ਪਹੁੰਚਣ ਦਾ ਕੋਈ ਸਾਧਨ ਨਹੀਂ ਸੀ । ਫਿਰ ਉਸਨੇ ਮੈਨੂੰ ਕਿਹਾ, ‘ਮੈਂ ਤੁਹਾਡੇ ਲਈ ਕਾਰ ਭੇਜਾਂਗਾ’ ਅਤੇ ਨਿਰਦੇਸ਼ਕ ਨੇ ਕਿਹਾ ਕਿ ਤੁਹਾਨੂੰ ਬੈਠਣ ਦਾ ਮਤਲਬ ਨਹੀਂ ਪਤਾ । ਫਿਲਮਾਂ ਲਾਈਨ ਵਿੱਚ ਜਾਣ ਲਈ, ਬੈਠਣਾ ਤਾਂ ਪੈਂਦਾ ਹੀ ਹੈ । ਫਿਰ ਮੈਂ ਉਸ ਦੀਆਂ ਗੱਲਾਂ ਨੂੰ ਸਮਝ ਲਿਆ ਅਤੇ ਉਸ ਨੂੰ ਜ਼ਬਰਦਸਤ ਝਿੜਕਿਆ । ਮੈਂ ਉਸਦੇ ਦਫਤਰ ਵਿੱਚ ਉਸਨੂੰ ਝਿੜਕਿਆ । ਪਰ ਬਾਅਦ ਵਿੱਚ ਅਨਿਲ ਕਪੂਰ ਦੀ ਫਿਲਮ ਮੈਨੂੰ ਨਹੀਂ ਮਿਲੀ ਸੀ ਜਿਸ ਕਾਰਨ ਮੈਂ ਬਹੁਤ ਰੋਈ ਵੀ । ਉਪਾਸਨਾ ਨੇ ਅੱਗੇ ਕਿਹਾ, ‘ਮੈਂ ਉਨ੍ਹਾਂ ਨੂੰ ਕਿਹਾ ਕਿ ਤੁਸੀਂ ਮੇਰੇ ਪਿਤਾ ਦੀ ਉਮਰ ਦੇ ਹੋ ਅਤੇ ਤੁਸੀਂ ਮੇਰੇ ਬਾਰੇ ਸੋਚ ਵੀ ਕਿਵੇਂ ਸਕਦੇ ਹੋ । ਇਸ ਘਟਨਾ ਤੋਂ ਬਾਅਦ ਉਹ 7 ਦਿਨਾਂ ਤੱਕ ਘਰੋਂ ਬਾਹਰ ਨਹੀਂ ਨਿਕਲੀ ਅਤੇ ਬਹੁਤ ਰੋਈ ਵੀ । ਪਰ, ਮੇਰੀ ਮਾਂ ਨੇ ਮੈਨੂੰ ਹਿੰਮਤ ਦਿੱਤੀ।