ਸਿਡਨੀ ਏਅਰਪੋਰਟ ਤੇ ਜਹਾਜ਼ ਦੇ ਇੰਜਣ ਚ ਧਮਾਕੇ ਕਾਰਨ ਲੱਗੀ ਅੱਗ

ਸਿਡਨੀ – ਸਿਡਨੀ ਹਵਾਈ ਅੱਡੇ ਦੇ ਰਨਵੇਅ ਦੇ ਕੋਲ ਸ਼ੁੱਕਰਵਾਰ ਦੁਪਹਿਰ ਨੂੰ ਉਡਾਣ ਭਰਦੇ ਸਮੇਂ ਕੈਂਟਾਸ ਜਹਾਜ਼ ਦੇ ਇੰਜਣ ਵਿਚ ਕਥਿਤ ਧਮਾਕੇ ਤੋਂ ਬਾਅਦ ਘਾਹ ਵਿਚ ਅੱਗ ਲੱਗ ਗਈ।  ਘਟਨਾ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬਿ੍ਰਗੇਡ ਅਤੇ ਬਚਾਅ ਦਲ ਮੌਕੇ ‘ਤੇ ਪਹੁੰਚ ਗਏ ਅਤੇ ਕਾਫੀ ਮਿਹਨਤ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ।ਅੱਗ ਬਿ੍ਰਸਬੇਨ ਜਾਣ ਵਾਲੀ ਕੈਂਟਾਸ ਦੀ ਉਡਾਣ Q6520 ਦੇ ਇੰਜਣ ਵਿੱਚ ਧਮਾਕੇ ਕਾਰਨ ਲੱਗੀ ਸੀ, ਜੋ ਸਥਾਨਕ ਸਮੇਂ ਮੁਤਾਬਕ ਵੀਰਵਾਰ ਦੁਪਹਿਰ ਕਰੀਬ 1 ਵਜੇ ਤੋਂ ਠੀਕ ਪਹਿਲਾਂ ਸਿਡਨੀ ਤੋਂ ਰਵਾਨਾ ਹੋਈ ਸੀ।   ਜਹਾਜ਼ ‘ਚ 174 ਯਾਤਰੀ ਸਵਾਰ ਸਨ। ਕੋਈ ਵੀ ਗੰਭੀਰ ਜ਼ਖਮੀ ਨਹੀਂ ਹੋਇਆ ਹੈ।