ਪਿਸ਼ਾਵਰ – ਪਾਕਿਸਤਾਨ ਦੇ ਚੀਫ ਜਸਟਿਸ ਗੁਲਜ਼ਾਰ ਅਹਿਮਦ ਨੇ ਸੋਮਵਾਰ ਨੂੰ ਮੁੜ ਤੋਂ ਬਣਾਏ ਗਏ ਟੇਰੀ ਮੰਦਰ ਨੂੰ ਲੋਕ ਅਰਪਣ ਕਰ ਕੇ ਦੇਸ਼ ਦੇ ਕੱਟੜਪੰਥੀ ਮੁਸਲਮਾਨਾਂ ਨੂੰ ਵੱਡਾ ਤੇ ਸਖ਼ਤ ਸੰਦੇਸ਼ ਦਿੱਤਾ। ਉੱਤਰ-ਪੱਛਮੀ ਪਾਕਿਸਾਤਨ ’ਚ ਸਥਿਤ ਇਕ ਸਦੀ ਪੁਰਾਣੇ ਇਸ ਮੰਦਰ ਨੂੰ ਪਿਛਲੇ ਸਾਲ ਕੱਟੜਪੰਥੀਆਂ ਨੇ ਅੱਗ ਦੇ ਹਵਾਲੇ ਕਰ ਦਿੱਤਾ ਸੀ। ਉਦੋਂ ਚੀਫ ਜਸਟਿਸ ਅਹਿਮਦ ਨੇ ਹੀ ਸਬੰਧਤ ਅਧਿਕਾਰੀਆਂ ਨੂੰ ਮੰਦਰ ਦੇ ਮੁੜ ਨਿਰਮਾਣ ਦਾ ਆਦੇਸ਼ ਦਿੱਤਾ ਸੀ।
ਖੈਬਰ ਪਖਤੂਨਖਵਾ ਦੇ ਕਰਕ ਜ਼ਿਲ੍ਹੇ ’ਚ ਸਥਿਤ ਸ੍ਰੀ ਪਰਮਹੰਸ ਜੀ ਮਹਾਰਾਜ ਮੰਦਰ ’ਚ ਪਿਛਲੇ ਸਾਲ ਦਸੰਬਰ ’ਚ ਕੱਟੜਪੰਥੀਆਂ ਨੇ ਭੰਨਤੋੜ ਤੋਂ ਬਾਅਦ ਅੱਗ ਲਗਾ ਦਿੱਤੀ ਸੀ। ਭੀੜ ਦੀ ਅਗਵਾਈ ਕੁਝ ਸਥਾਨਕ ਮੌਲਵੀ ਕਰ ਰਹੇ ਸਨ, ਜੋ ਜਮੀਅਤ ਓਲੇਮਾ-ਏ-ਇਸਲਾਮ ਫਜ਼ਲ ਨਾਲ ਜੁੜੇ ਸਨ। ਉਦੋਂ ਚੀਫ ਜਸਟਿਸ ਅਹਿਮਦ ਨੇ ਸਬੰਧਤ ਅਧਿਕਾਰੀਆਂ ਨੂੰ ਮੰਦਰ ਦਾ ਪੁਨਰ ਨਿਰਮਾਣ ਕਰਵਾਉਣ ਤੇ ਉਸ ਦਾ ਪੈਸਾ ਹਮਲਾਵਰਾਂ ਤੋਂ ਵਸੂਲਣ ਦਾ ਆਦੇਸ਼ ਦਿੱਤਾ ਸੀ।