ਨਵੀਂ ਦਿੱਲੀ – ਤੁਹਾਡੇ ਮਨ ਵਿਚ ਇਹ ਸਵਾਲ ਜ਼ਰੂਰ ਆਇਆ ਹੋਵੇਗਾ ਕਿ ਜ਼ਮੀਨ ਹੇਠਾਂ ਕੀ ਹੈ? ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਧਰਤੀ ਦੇ ਹੇਠਾਂ ਪਾਣੀ, ਖਣਿਜ ਅਤੇ ਹੀਰੇ ਹਨ। ਪਰ ਹੁਣ ਇਹ ਖੁਲਾਸਾ ਹੋ ਗਿਆ ਹੈ ਕਿ ਧਰਤੀ ਦੇ ਹੇਠਾਂ ਕੀ ਹੈ? ਦਰਅਸਲ ਵਿਗਿਆਨੀਆਂ ਨੂੰ ਧਰਤੀ ਦੀ ਸਤ੍ਹਾ ਤੋਂ ਇਕ ਹੀਰਾ ਮਿਲਿਆ ਹੈ, ਜੋ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ। ਵਿਗਿਆਨੀਆਂ ਨੇ ਕਿਹਾ ਕਿ ਇਸ ਹੀਰੇ ਤੋਂ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਧਰਤੀ ਦੇ ਹੇਠਾਂ ਕੀ ਹੈ। ਇਸ ਹੀਰੇ ਦਾ ਨਾਂ Devemaoite ਰੱਖਿਆ ਗਿਆ ਹੈ। ਇਹ ਉੱਚ ਦਬਾਅ ਵਾਲੇ ਕੈਲਸ਼ੀਅਮ ਸਿਲੀਕੇਟ ਪੇਰੋਵਸਕਾਈਟ ਦਾ ਬਣਿਆ ਹੁੰਦਾ ਹੈ। ਦੱਸ ਦਈਏ ਕਿ ਇਹ ਇਕ ਕ੍ਰਿਸਟਲਿਨ ਬਣਤਰ ਹੈ, ਜੋ ਧਰਤੀ ਦੀ ਠੋਸ ਪਰਤ ਬਣਾਉਂਦੀ ਹੈ। ਵਿਗਿਆਨੀਆਂ ਦੇ ਹੱਥ ਵੱਡੀ ਸਫ਼ਲਤਾ ਲੱਗੀ ਹੈ। ਇਹ ਹੀਰਾ ਜ਼ਮੀਨ ਤੋਂ 660 ਕਿਲੋਮੀਟਰ ਹੇਠਾਂ ਪਾਇਆ ਜਾਂਦਾ ਹੈ। ਵਿਗਿਆਨੀਆਂ ਨੇ ਦੱਖਣੀ ਅਫ਼ਰੀਕਾ ਦੇ ਬੋਤਸਵਾਨਾ ਵਿਚ ਇਸ ਦੀ ਖੋਜ ਕੀਤੀ ਹੈ। ਇਸ ਹੀਰੇ ਦੇ ਅੰਦਰ Devemaoite ਨਾਂ ਦਾ ਨਵਾਂ ਖਣਿਜ ਮਿਲਿਆ ਹੈ। ਇਸ ਦੇ ਜ਼ਰੀਏ ਹੁਣ ਇਹ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਧਰਤੀ ਦੀ ਸਤ੍ਹਾ ‘ਤੇ ਅਸਲ ਵਿਚ ਕੀ ਹੈ।ਲਾਸ ਵੇਗਾਸ ਵਿਚ ਯੂਨੀਵਰਸਿਟੀ ਆਫ ਨੇਵਾਡਾ ਦੇ ਖਣਿਜ ਵਿਗਿਆਨੀ ਓਲੀਵਰ ਟਸ਼ੂਨਰ ਨੇ ਇਸ ਖੋਜ ਨੂੰ ਵਿਗਿਆਨ ਲਈ ਮਹੱਤਵਪੂਰਨ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਇਸ ਹੀਰੇ ਨੂੰ ਧਰਤੀ ਤੋਂ ਉੱਪਰ ਲਿਆਂਦਾ ਜਾਵੇ ਤਾਂ ਇਹ ਆਸਾਨੀ ਨਾਲ ਟੁੱਟ ਸਕਦਾ ਹੈ। ਇੱਥੇ ਦਬਾਅ ਬਹੁਤ ਘੱਟ ਜਾਂਦਾ ਹੈ, ਜਿਵੇਂ ਕਿ ਇਹ ਇਕ ਹੀਰੇ ਦੇ ਅੰਦਰ ਸੀ। ਇਹ ਫਿਲਹਾਲ ਸੁਰੱਖਿਅਤ ਹੈ। ਇਸ ਹੀਰੇ ਦੀ ਉਮਰ 10 ਕਰੋੜ ਤੋਂ 150 ਸਾਲ ਦੇ ਵਿਚਕਾਰ ਹੋ ਸਕਦੀ ਹੈ।