ਭਾਰਤ ਵਿੱਚ ਵਿਅਕਤੀਗਤ ਹਾਊਸਿੰਗ ਵਿੱਤ ਬਾਜ਼ਾਰ ਜਿਸਦੀ ਕੀਮਤ ਵਰਤਮਾਨ ਵਿੱਚ 33 ਲੱਖ ਕਰੋੜ ਰੁਪਏ ਹੈ ਦੇ ਵਿੱਤੀ ਸਾਲ 25-30 ਦੇ ਵਿਚਕਾਰ 15-16 ਪ੍ਰਤੀਸ਼ਤ ਦੀ ਮਿਸ਼ਰਤ ਸਾਲਾਨਾ ਵਿਕਾਸ ਦਰ (CAGR) ਨਾਲ 77-81 ਲੱਖ ਕਰੋੜ ਰੁਪਏ ਹੋਣ ਦੀ ਉਮੀਦ ਹੈ।
ਕੇਅਰਐਜ ਰੇਟਿੰਗਜ਼ ਦੁਆਰਾ ਤਾਜ਼ਾ ਜਾਰੀ ਕੀਤੀ ਗਈ ਇੱਕ ਰਿਪੋਰਟ ਦੇ ਅਨੁਸਾਰ ਇਹ ਵਾਧਾ ਮਜ਼ਬੂਤ ਢਾਂਚਾਗਤ ਕਾਰਕਾਂ ਅਤੇ ਅਨੁਕੂਲ ਸਰਕਾਰੀ ਹੱਲਾਸ਼ੇਰੀ ਕਾਰਨ ਦੇਖਿਆ ਜਾਵੇਗਾ ਜਿਸ ਨਾਲ ‘ਹਾਊਸਿੰਗ ਫਾਈਨੈਂਸ’ ਕਜਰਜ਼ਦਾਤਾਵਾਂ ਲਈ ਇੱਕ ਆਕਰਸ਼ਕ ਸੰਪਤੀ ਸ਼੍ਰੇਣੀ ਬਣ ਜਾਵੇਗੀ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਰਿਹਾਇਸ਼ੀ ਜਾਇਦਾਦ ਬਾਜ਼ਾਰ ਤੇਜ਼ੀ ਨਾਲ ਵਧ ਰਿਹਾ ਹੈ ਜੋ ਕਿ ਹਾਊਸਿੰਗ ਵਿੱਤ ਉਦਯੋਗ ਦਾ ਇੱਕ ਮੁੱਖ ਚਾਲਕ ਹੈ, ਜਿਸ ਦੇ 2019 ਤੋਂ 2024 ਤੱਕ 74 ਪ੍ਰਤੀਸ਼ਤ ਵਧ ਕੇ 4.6 ਲੱਖ ਯੂਨਿਟ ਹੋਣ ਦਾ ਅਨੁਮਾਨ ਹੈ ਜਦੋਂ ਕਿ, 2024 ਵਿੱਚ ਵਿਕਰੀ ਪ੍ਰਦਰਸ਼ਨ ਆਮ ਵਾਂਗ ਵਾਪਸ ਆ ਜਾਵੇਗਾ।
ਵਿੱਤੀ ਸਾਲ 2021-24 ਦੌਰਾਨ, ਬੈਂਕਾਂ ਨੇ ਹਾਊਸਿੰਗ ਲੋਨ ਸਪੇਸ ਵਿੱਚ 17 ਪ੍ਰਤੀਸ਼ਤ ਦੀ ਛੳਘ੍ਰ ਨਾਲ ਵਾਧਾ ਕੀਤਾ ਹੈ ਜਦੋਂ ਕਿ ਹਾਊਸਿੰਗ ਫਾਈਨੈਂਸ ਕੰਪਨੀਆਂ (HFC) ਨੇ 12 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਹੈ। ਹਾਲਾਂਕਿ, 31 ਮਾਰਚ, 2024 ਤੱਕ ਬੈਂਕਾਂ ਦਾ ਹਾਊਸਿੰਗ ਲੋਨ ਬਾਜ਼ਾਰ ਵਿੱਚ ਦਬਦਬਾ ਬਣਿਆ ਹੋਇਆ ਹੈ ਜਿਨ੍ਹਾਂ ਦੀ ਮਾਰਕੀਟ ਹਿੱਸੇਦਾਰੀ 74.5 ਪ੍ਰਤੀਸ਼ਤ ਹੈ। ਕੇਅਰਐਜ ਰੇਟਿੰਗਸ ਦਾ ਮੰਨਣਾ ਹੈ ਕਿ ਹਾਊਸਿੰਗ ਫਾਈਨੈਂਸ ਮਾਰਕੀਟ ਦੀ ਵਿਕਾਸ ਸੰਭਾਵਨਾ ਨੂੰ ਦੇਖਦੇ ਹੋਏ ਬੈਂਕਾਂ ਅਤੇ ਐਚਐਫਸੀ ਦੋਵਾਂ ਕੋਲ ਵਿਕਾਸ ਕਰਨ ਲਈ ਕਾਫ਼ੀ ਜਗ੍ਹਾ ਹੈ।
ਵਿੱਤੀ ਸਾਲ 24 ਵਿੱਚ HFC ਲੋਨ ਪੋਰਟਫੋਲੀਓ 13.2 ਪ੍ਰਤੀਸ਼ਤ ਵਧ ਕੇ 9.6 ਲੱਖ ਕਰੋੜ ਰੁਪਏ ਹੋ ਗਿਆ ਜੋ ਕਿ ਕੇਅਰਐਜ ਰੇਟਿੰਗਜ਼ ਦੇ 12-14 ਪ੍ਰਤੀਸ਼ਤ ਦੇ ਵਾਧੇ ਦੇ ਅਨੁਮਾਨ ਦੇ ਅਨੁਸਾਰ ਹੈ। ਵਿੱਤੀ ਸਾਲ 25 ਅਤੇ ਵਿੱਤੀ ਸਾਲ 26 ਲਈ ਕੇਅਰਐਜ ਰੇਟਿੰਗਸ ਨੂੰ ਮਜ਼ਬੂਤ ਇਕੁਇਟੀ ਪ੍ਰਵਾਹ ਅਤੇ ਪੂੰਜੀ ਭੰਡਾਰਾਂ ਦੁਆਰਾ ਸੰਚਾਲਿਤ ਕ੍ਰਮਵਾਰ 12.7 ਪ੍ਰਤੀਸ਼ਤ ਅਤੇ 13.5 ਪ੍ਰਤੀਸ਼ਤ ਦੀ ਸਾਲਾਨਾ ਵਿਕਾਸ ਦਰ ਦੀ ਉਮੀਦ ਹੈ।