ਨਵੀਂ ਦਿੱਲੀ – ਭਾਰਤੀ ਅੰਡਰ 19 ਕ੍ਰਿਕਟ ਟੀਮ ਨੇ ਯਸ਼ ਧੁਲ ਦੀ ਕਪਤਾਨੀ ਵਿਚ ਸ੍ਰੀਲੰਕਾ ਅੰਡਰ 19 ਨੂੰ 9 ਵਿਕਟਾਂ ਨਾਲ ਹਰਾ ਕੇ ਅੰਡਰ 19 ਏਸ਼ੀਆ ਕੱਪ 2021 ਦਾ ਖਿਤਾਬ ਆਪਣੇ ਨਾਂ ਕੀਤਾ। ਸਾਲ 2021 ਦੇ ਆਖਰੀ ਦਿਨ ਭਾਰਤੀ ਅੰਡਰ 19 ਟੀਮ ਨੇ ਏਸ਼ਿਆਈ ਚੈਂਪੀਅਨ ਬਣ ਕੇ ਪੂਰੇ ਦੇਸ਼ਵਾਸੀਆਂ ਨੂੰ ਮਾਣ ਬਖ਼ਸ਼ਿਆ। ਇਸ ਟੂਰਨਾਮੈਂਟ ਵਿਚ ਭਾਰਤੀ ਟੀਮ ਦਾ ਸਫਰ ਬੇਹੱਦ ਸ਼ਾਨਦਾਰ ਰਿਹਾ ਅਤੇ ਆਖ਼ਰਕਾਰ ਇਹ ਟੀਮ ਇਸ ਵਾਰ ਚੈਂਪੀਅਨ ਬਣੀ। ਇਸਦੇ ਨਾਲ ਹੀ ਭਾਰਤੀ ਅੰਡਰ 19 ਟੀਮ ਨੇ ਅੱਠਵੀਂ ਵਾਰ ਇਹ ਖਿਤਾਬ ਆਪਣੇ ਨਾਂਅ ਕੀਤਾ। ਹਾਲਾਂਕਿ ਸਾਲ 2012 ਵਿਚ ਭਾਰਤ ਤੇ ਪਾਕਿਸਤਾਨ ਸਾਂਝੇ ਜੇਤੂ ਬਣੇ ਸਨ।