ਮਾਂ ਨੂੰ ਮਿਲਣ ਲਈ ਲੰਡਨੋਂ ਐਸ.ਯੂ.ਵੀ. ਚਲਾ ਭਾਰਤ ਪਹੁੰਚ ਗਿਆ ਪੁੱਤ

ਲੰਡਨ/ਠਾਣੇ  –  ਭਾਰਤੀ ਮੂਲ ਦੇ ਬਿ੍ਰਟਿਸ਼ ਨਾਗਰਿਕ ਵਿਰਾਜ ਮੁੰਗਾਲੇ ਨੇ ਆਪਣੀ ਮਾਂ ਨੂੰ ਮਿਲਣ ਲਈ ਲੰਡਨ ਤੋਂ ਠਾਣੇ ਤੱਕ ਆਪਣੀ ਐੱਸ.ਯੂ.ਵੀ. ਚਲਾ ਕੇ ਇਕ ਅਸਾਧਾਰਣ ਯਾਤਰਾ ਪੂਰੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਇਹ ਯਾਤਰਾ 59 ਦਿਨਾਂ ‘’ਚ 16 ਦੇਸ਼ਾਂ ‘’ਚ ਹੋਈ। ਮੁੰਗਾਲੇ ਅਨੁਸਾਰ, ਉਨ੍ਹਾਂ ਨੇ 18,300 ਕਿਲੋਮੀਟਰ ਦੀ ਦੂਰੀ ਤੈਅ ਕੀਤੀ, ਜਿਸ ‘’ਚ ਉਹ ਯੂਕੇ, ਫਰਾਂਸ, ਜਰਮਨੀ, ਬੈਲਜ਼ੀਅਮ, ਪੋਲੈਂਡ, ਲਿਥੁਆਨੀਆ, ਲਾਤਵੀਆ, ਐਸਟੋਨੀਆ, ਰੂਸ, ਉਜ਼ਬੇਕਿਸਤਾਨ, ਕਿਰਗੀਸਤਾਨ, ਚੀਨ, ਤਿੱਬਤ, ਨੇਪਾਲ ਅਤੇ ਅੰਤ ‘’ਚ ਭਾਰਤ ਪਹੁੰਚੇ। ਰਸਤੇ ‘’ਚ ਉਨ੍ਹਾਂ ਨਾਲ ਨੇਪਾਲੀ ਦੋਸਤ ਰੋਸ਼ਨ ਸ਼ਰੇਸ਼ਠਾ ਵੀ ਸਨ, ਜੋ ਨੇਪਾਲ ਦੇ ਕਾਠਮਾਂਡੂ ਤੱਕ ਗਏ।ਮੁੰਗਲੇ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੇ ਨੌਕਰੀ ਤੋਂ 2 ਮਹੀਨੇ ਦੀ ਛੁੱਟੀ ਲਈ ਅਤੇ ਜਿਸ ਵੀ ਦੇਸ਼ ‘’ਚ ਗਏ, ਉੱਥੋਂ ਮਨਜ਼ੂਰੀ ਅਤੇ ਕਾਨੂੰਨੀ ਮਨਜ਼ੂਰੀ ਦਾ ਸਾਵਧਾਨੀਪੂਰਵਕ ਪ੍ਰਬੰਧ ਕੀਤਾ। 5,200 ਮੀਟਰ ਦੀ ਉਚਾਈ ‘’ਤੇ ਹੋਣ ਵਾਲੀ ਬੀਮਾਰੀ, ਬਰਫ਼ ਅਤੇ ਠੰਡ ਸਮੇਤ ਮੌਸਮ ਦੀ ਸਥਿਤੀ ਉਨ੍ਹਾਂ ਦੀ ਯਾਤਰਾ ‘’ਚ ਆਉਣ ਵਾਲੀਆਂ ਚੁਣੌਤੀਆਂ ‘’ਚੋਂ ਕੁਝ ਸਨ। ਮੁੰਗਲੇ ਨੇ ਕਿਹਾ ਕਿ ਉਹ ਜਹਾਜ਼ ਰਾਹੀਂ ਯੂਕੇ ਜਾਣਗੇ ਅਤੇ ਆਪਣੀ ਐੱਸ.ਯੂ.ਵੀ. ਨੂੰ ਵੀ ਜਹਾਜ਼ ਰਾਹੀਂ ਲੈ ਕੇ ਜਾਣਗੇ।