ਵਿਕਟੋਰੀਆ ਦੀ ਪ੍ਰੀਮੀਅਰ ਜੇਸਿੰਟਾ ਐਲਨ ਅਤੇ ਬੇਂਡੀਗੋ ਵੈਸਟ ਦੀ ਮੈਂਬਰ ਮੈਰੀ ਐਡਵਰਡਸ ਨੇ ਬੇਂਡੀਗੋ ਮਹਿਲਾ ਸਿਹਤ ਕਲੀਨਿਕ ਦਾ ਦੌਰਾ ਕਰਕੇ ਵਿਸਤ੍ਰਿਤ ਸੇਵਾਵਾਂ ਦਾ ਐਲਾਨ ਕੀਤਾ ਹੈ। ਪਿਛਲੇ ਸਾਲ ਦੇ ਅਖੀਰ ਵਿੱਚ ਖੁੱਲ੍ਹਣ ਤੋਂ ਬਾਅਦ, ਕਲੀਨਿਕ ਨੇ ਪਹਿਲਾਂ ਹੀ ਸਥਾਨਕ ਔਰਤਾਂ ਦੀ ਘਰ ਦੇ ਨੇੜੇ ਮੁਫ਼ਤ ਮਾਹਰ ਦੇਖਭਾਲ ਸੇਵਾਵਾਂ ਦੇ ਕੇ ਮੱਦਦ ਕੀਤੀ ਹੈ। ਇਹਨਾਂ ਸੇਵਾਵਾਂ ਵਿੱਚ ਗਾਇਨੀਕੋਲੋਜੀ, ਕੋਲਪੋਸਕੋਪੀ, ਸਰਵਾਈਕਲ ਸਕ੍ਰੀਨਿੰਗ, ਗਰਭ ਨਿਰੋਧ, ਮੀਨੋਪੌਜ਼ ਅਤੇ ਗਰਭਪਾਤ ਦੇਖਭਾਲ ਸ਼ਾਮਲ ਹੈ। ਹੁਣ ਅੱਗੇ ਤੋਂ ਔਰਤਾਂ ਇੱਕ ਸਮਰਪਿਤ ਮਹਿਲਾ ਸਿਹਤ ਜੀਪੀ, ਇੱਕ ਨਵਾਂ ਮੀਨੋਪੌਜ਼ ਕਲੀਨਿਕ ਅਤੇ ਇੱਕ ਸਮਰਪਿਤ ਪੇਲਵਿਕ ਫਲੋਰ ਕਲੀਨਿਕ ਤੱਕ ਪਹੁੰਚ ਕਰਨ ਦੇ ਯੋਗ ਹੋਣਗੀਆਂ।
ਬੇਂਡੀਗੋ ਉਹਨਾਂ 20 ਮਹਿਲਾ ਸਿਹਤ ਕਲੀਨਿਕਾਂ ਵਿੱਚੋਂ ਇੱਕ ਹੈ ਜਿਸ ਨੂੰ ਸਰਕਾਰ ਦੇ ਇਤਿਹਾਸਕ 153 ਮਿਲੀਅਨ ਡਾਲਰ ਮਹਿਲਾ ਸਿਹਤ ਪੈਕੇਜ ਦੀ ਹਮਾਇਤ ਹਾਸਿਲ ਹੈ।ਇਹ ਪੈਕੇਜ ਪਹਿਲਾਂ ਹੀ ਇੱਕ ਖੇਤਰੀ ਮੋਬਾਈਲ ਕਲੀਨਿਕ, ਸਮਰਪਿਤ ਆਦਿਵਾਸੀ-ਅਗਵਾਈ ਸੇਵਾਵਾਂ, ਇੱਕ ਵਰਚੁਅਲ ਮਹਿਲਾ ਸਿਹਤ ਕਲੀਨਿਕ, ਇੱਕ ਜਿਨਸੀ ਅਤੇ ਪ੍ਰਜਨਨ ਕੇਂਦਰ ਅਤੇ 20 ਕਲੀਨਿਕਾਂ ਰਾਹੀਂ ਦੇਖਭਾਲ ਨੂੰ ਬਦਲ ਰਿਹਾ ਹੈ। ਇਸ ਵਿੱਚ ਖੇਤਰੀ ਭਾਈਚਾਰਿਆਂ ਵਿੱਚ 12 ਕਲੀਨਿਕ ਸ਼ਾਮਲ ਹਨ ਜਿੱਥੇ ਔਰਤਾਂ ਨੂੰ ਪਹਿਲਾਂ ਮਾਹਰ ਦੇਖਭਾਲ ਤੱਕ ਪਹੁੰਚ ਕਰਨ ਵਿੱਚ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪਿਆ ਹੈ।
ਸਰਕਾਰ ਵਿਕਟੋਰੀਅਨ ਔਰਤਾਂ ਨੂੰ ਉਹ ਦੇਖਭਾਲ ਦੇ ਰਹੀ ਹੈ ਜਿਸਦੀਆਂ ਉਹ ਹੱਕਦਾਰ ਹਨ ਅਤੇ ਇਹ ਯਕੀਨੀ ਬਣਾਉਂਦੇ ਹੋਏ ਕਿ ਇਹ ਮੁਫਤ, ਆਸਾਨੀ ਨਾਲ ਪਹੁੰਚਯੋਗ ਅਤੇ ਘਰ ਦੇ ਨੇੜੇ ਹੋਵੇ।
ਵਿਕਟੋਰੀਆ ਦੀ ਪ੍ਰੀਮੀਅਰ ਜੈਸਿੰਟਾ ਐਲਨ ਨੇ ਕਿਹਾ ਹੈ ਕਿ, “ਸਰਕਾਰ ਵਿਕਟੋਰੀਅਨ ਔਰਤਾਂ ਨੂੰ ਉਹ ਦੇਖਭਾਲ ਦੇਵੇਗੀ ਜਿਸਦੀ ਉਹਨਾਂ ਨੂੰ ਲੋੜ ਹੈ ਅਤੇ ਇਹ ਯਕੀਨੀ ਬਣਾਏਗੀ ਕਿ ਇਹ ਮੁਫਤ ਅਤੇ ਘਰ ਦੇ ਨੇੜੇ ਹੋਵੇ। ਅਸੀਂ ਬੇਂਡੀਗੋ ਔਰਤਾਂ ਨੂੰ ਵਧੇਰੇ ਮਾਹਰ ਸੇਵਾਵਾਂ ਨਾਲ ਸਹਾਇਤਾ ਕਰ ਰਹੇ ਹਾਂ ਕਿਉਂਕਿ ਦੇਖਭਾਲ ਇਸ ਗੱਲ ‘ਤੇ ਨਿਰਭਰ ਨਹੀਂ ਹੋਣੀ ਚਾਹੀਦੀ ਕਿ ਤੁਸੀਂ ਕਿੱਥੇ ਰਹਿੰਦੇ ਹੋ।”
ਸਿਹਤ ਮੰਤਰੀ ਹੈਰੀਏਟ ਸ਼ਿੰਗ ਨੇ ਕਿਹਾ ਹੈ ਕਿ,”ਮੈਲਬੌਰਨ ਦੇ ਕੰਢੇ ਤੋਂ ਲੈ ਕੇ ਸੂਬੇ ਦੇ ਕਿਨਾਰਿਆਂ ਤੱਕ, ਅਸੀਂ ਇੱਕ ਅਜਿਹੀ ਸਿਹਤ ਸੰਭਾਲ ਪ੍ਰਣਾਲੀ ਬਣਾ ਰਹੇ ਹਾਂ ਜੋ ਸਾਰੀਆਂ ਵਿਕਟੋਰੀਅਨ ਔਰਤਾਂ ਲਈ ਕੰਮ ਕਰੇ। ਮੀਨੋਪੌਜ਼ ਪ੍ਰਬੰਧਨ ਤੋਂ ਲੈ ਕੇ ਪੇਲਵਿਕ ਦਰਦ ਤੱਕ, ਇਹ ਔਰਤਾਂ ਲਈ ਤਿਆਰ ਕੀਤੀ ਗਈ ਅਤੇ ਉਨ੍ਹਾਂ ਦੇ ਭਾਈਚਾਰਿਆਂ ਵਿੱਚ ਦਿੱਤੀ ਜਾਣ ਵਾਲੀ ਉੱਚ-ਗੁਣਵੱਤਾ ਵਾਲੀ, ਪਹੁੰਚਯੋਗ ਦੇਖਭਾਲ ਹੈ।”
ਬੇਂਡੀਗੋ ਵੈਸਟ ਦੀ ਮੈਂਬਰ ਮੈਰੀ ਐਡਵਰਡਸ ਨੇ ਕਿਹਾ ਹੈ ਕਿ,”ਇਹ ਬੇਂਡੀਗੋ ਔਰਤਾਂ ਲਈ ਮੁਲਾਕਾਤਾਂ ਬੁੱਕ ਕਰਨਾ ਅਤੇ ਘਰ ਦੇ ਨੇੜੇ ਜ਼ਰੂਰੀ ਸਿਹਤ ਜਾਣਕਾਰੀ ਤੱਕ ਪਹੁੰਚ ਕਰਨਾ ਆਸਾਨ ਬਣਾਉਣ ਬਾਰੇ ਵਿੱਚ ਹੈ।”