ਆਲੀਆ ਭੱਟ ਨੇ ਐਲਨ ਵਾਕਰ ਦੇ ਸ਼ੋਅ ‘’ਚ ਪੁੱਜ ਕੇ ਫੈਨਜ਼ ਨੂੰ ਦਿੱਤਾ ਸਰਪ੍ਰਾਈਜ਼

ਮੁੰਬਈ – ਆਲੀਆ ਭੱਟ ਨੇ ਫਿਲਮਾਂ ਰਾਹੀਂ ਇੰਡਸਟਰੀ ‘ਚ ਕਾਫੀ ਨਾਂ ਕਮਾਇਆ ਹੈ। ਫਿਲਹਾਲ ਉਹ ਫਿਲਮਾਂ ‘ਚ ਰੁੱਝੀ ਹੋਈ ਹੈ। ਅਦਾਕਾਰਾ ਹੁਣ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਪਛਾਣ ਬਣਾਉਣ ਵਿਚ ਸਫਲ ਹੋ ਗਈ ਹੈ। ਵੈਸੇ ਵੀ ਆਲੀਆ ਹੁਣ ਗਲੋਬਲ ਆਈਕਨ ਬਣ ਚੁੱਕੀ ਹੈ। ‘ਹਾਰਟ ਆਫ ਸਟੋਨ’ ਤੋਂ ਬਾਅਦ ਉਹ ਇਕ ਵਾਰ ਫਿਰ ਅੰਤਰਰਾਸ਼ਟਰੀ ਪੱਧਰ ‘ਤੇ ਆਪਣੀ ਪਛਾਣ ਬਣਾਉਣ ‘ਚ ਕਾਮਯਾਬ ਰਹੀ। ਹੁਣ ਉਸ ਨੇ ਬੈਂਗਲੁਰੂ ‘ਚ ਇੱਕ ਈਵੈਂਟ ਦੌਰਾਨ ਅਮਰੀਕੀ ਗਾਇਕ ਐਲਨ ਵਾਕਰ ਨਾਲ ਸਟੇਜ ਸਾਂਝੀ ਕੀਤੀ ਹੈ। ਇਸ ਤੋਂ ਪਹਿਲਾਂ ਅਦਾਕਾਰਾ ਲੋਰੀਅਲ ਪੈਰਿਸ ਲਈ ਰੈਂਪ ਵਾਕ ਕੀਤਾ ਸੀ। ਆਪਣੇ ਵਿਸ਼ਵ ਦੌਰੇ ਲਈ ਭਾਰਤ ਆਈ ਐਲਨ ਨਾਲ ਆਲੀਆ ਭੱਟ ਨੂੰ ਅਚਾਨਕ ਸਟੇਜ ‘ਤੇ ਦੇਖ ਕੇ ਪ੍ਰਸ਼ੰਸਕ ਹੈਰਾਨ ਰਹਿ ਗਏ। ਇਸ ਈਵੈਂਟ ਦੀਆਂ ‘ਜਿਗਰਾ’ ਅਦਾਕਾਰਾ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ। ਇੱਕ ਵੀਡੀਓ ਵਿੱਚ, ਉਹ ਨਮਸਕਾਰ ਬੈਂਗਲੁਰੂ, ਸਰਪ੍ਰਾਈਜ਼ ਸਰਪ੍ਰਾਈਜ਼ ਕਹਿੰਦੀ ਦਿਖਾਈ ਦੇ ਰਹੀ ਹੈ। ‘ਚਲ ਕੁੜੀਏ’ ਗੀਤ ਬੈਕਗ੍ਰਾਊਂਡ ‘ਚ ਚੱਲ ਰਿਹਾ ਹੈ। ਇਸ ਦੌਰਾਨ ਆਲੀਆ ਆਪਣੀ ਫਿਲਮ ਜਿਗਰਾ ਦੀ ਪ੍ਰਮੋਸ਼ਨ ਕਰਦੀ ਵੀ ਨਜ਼ਰ ਆਈ। ਆਪਣੇ ਚਹੇਤੇ ਗਾਇਕ ਨੂੰ ਇਸ ਤਰ੍ਹਾਂ ਸਟੇਜ ‘ਤੇ ਦੇਖ ਕੇ ਪ੍ਰਸ਼ੰਸਕਾਂ ਦੇ ਉਤਸ਼ਾਹ ਦੀ ਕੋਈ ਹੱਦ ਨਾ ਰਹੀ ਅਤੇ ਉਹ ਹੂਟਿੰਗ ਕਰਨ ਲੱਗੇ। ਆਲੀਆ ਭੱਟ ਤੇ ਵੇਦਾਂਗ ਰੈਨਾ ਪਹਿਲੀ ਵਾਰ ਫਿਲਮ ਜਿਗਰਾ ‘ਚ ਇਕੱਠੇ ਨਜ਼ਰ ਆਉਣਗੇ। ਇਸ ਫਿਲਮ ‘ਚ ਉਹ ਭਰਾ-ਭੈਣ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਇਹ ਜੋੜੀ ਪਿਛਲੇ ਕੁਝ ਦਿਨਾਂ ਤੋਂ ਐਕਸ਼ਨ ਨਾਲ ਭਰਪੂਰ ਥਿ੍ਰਲਰ ਦੀ ਪ੍ਰਮੋਸ਼ਨ ‘ਚ ਰੁੱਝੀ ਹੋਈ ਹੈ। ਹਾਲ ਹੀ ‘ਚ ਇਸ ਦਾ ਲੇਟੈਸਟ ਗੀਤ ‘ਤੇਨੁ ਸੰਗ ਰੱਖਣਾ’ ਰਿਲੀਜ਼ ਹੋਇਆ ਸੀ।ਆਲੀਆ ਭੱਟ ਤੇ ਵੇਦਾਂਗ ਰੈਨਾ ਦੀ ਫਿਲਮ ਜਿਗਰਾ 11 ਅਕਤੂਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਇਸ ਤੋਂ ਇਲਾਵਾ ਉਸ ਕੋਲ ਇੱਕ ਜਾਸੂਸੀ ਥਿ੍ਰਲਰ ਫਿਲਮ ਵੀ ਹੈ। ਉਹ ਅਲਫਾ ਵਿੱਚ ਸ਼ਰਵਰੀ ਵਾਘ ਨਾਲ ਸਕ੍ਰੀਨ ਸ਼ੇਅਰ ਕਰਦੀ ਨਜ਼ਰ ਆਵੇਗੀ।