ਨਵੀਂ ਦਿੱਲੀ – ਜੰਨਤ ਜ਼ੁਬੈਰ ਇਨ੍ਹੀਂ ਦਿਨੀਂ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 12’ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਜੰਨਤ ਸ਼ੋਅ ‘ਚ ਮਜ਼ਬੂਤ ਦਾਅਵੇਦਾਰ ਦੇ ਰੂਪ ‘ਚ ਉਭਰੀ ਹੈ, ਜੇਕਰ ਉਹ ਸ਼ੋਅ ਜਿੱਤ ਜਾਂਦੀ ਹੈ ਤਾਂ ਇਹ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਹੋਵੇਗੀ। ਖਤਰੋਂ ਕੇ ਖਿਲਾੜੀ ਵਿੱਚ, ਜੰਨਤ ਉਮਰ ਵਿੱਚ ਸਭ ਤੋਂ ਛੋਟੀ ਹੈ, ਪਰ ਉਸ ਤੋਂ ਵੱਧ ਤਜ਼ਰਬੇ ਵਾਲੇ ਪ੍ਰਤੀਯੋਗੀਆਂ ਨਾਲ ਮੁਕਾਬਲਾ ਕਰਦੀ ਹੈ। 20 ਸਾਲ ਦੀ ਜੰਨਤ ਦੇ ਹੱਥਾਂ ਵਿੱਚ ਇੱਕ ਹੋਰ ਵੱਡਾ ਪ੍ਰੋਜੈਕਟ ਆ ਗਿਆ ਹੈ। ਹੁਣ ਉਸ ਨੂੰ ਬਾਲੀਵੁੱਡ ਤੋਂ ਆਫਰ ਆਏ ਹਨ।
ਜੰਨਤ ਜ਼ੁਬੈਰ ਟੀਵੀ ਇੰਡਸਟਰੀ ਦਾ ਬਹੁਤ ਮਸ਼ਹੂਰ ਚਿਹਰਾ ਹੈ। ਜੰਨਤ ਦੀ ਸੋਸ਼ਲ ਮੀਡੀਆ ‘ਤੇ ਵੀ ਮਜ਼ਬੂਤ ਫੈਨ ਫਾਲੋਇੰਗ ਹੈ। ਇਕੱਲੇ ਇੰਸਟਾਗ੍ਰਾਮ ‘ਤੇ ਅਦਾਕਾਰਾ ਨੂੰ 43 ਮਿਲੀਅਨ ਤੋਂ ਵੱਧ ਲੋਕ ਫਾਲੋ ਕਰਦੇ ਹਨ। ਹੁਣ ਅਜਿਹੇ ‘ਚ ਜੰਨਤ ਨੂੰ ਵੀ ਧਰਮਾ ਪ੍ਰੋਡਕਸ਼ਨ ਦਾ ਆਫਰ ਆਇਆ ਹੈ। ਪਿਛਲੇ ਦਿਨੀਂ ਜੰਨਤ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਸੀ, ਜਿਸ ‘ਚ ਉਸ ਨੇ ਇਕ ਕੱਪ ਦੀ ਫੋਟੋ ਪੋਸਟ ਕੀਤੀ ਸੀ, ਜਿਸ ‘ਤੇ ‘ਧਰਮਾ 2.0’ ਲਿਖਿਆ ਹੋਇਆ ਸੀ, ਇਸ ਦੇ ਨਾਲ ਹੀ ਜੰਨਤ ਨੇ ਇਕ ਸਾਈਲੈਂਟ ਇਮੋਜੀ ਵੀ ਬਣਾਇਆ ਸੀ। ਅਭਿਨੇਤਰੀ ਦੀ ਇਸ ਪੋਸਟ ਤੋਂ ਇਹ ਸਮਝਿਆ ਜਾਂਦਾ ਹੈ ਕਿ ਉਸਨੇ ਆਪਣੇ ਆਉਣ ਵਾਲੇ ਪ੍ਰੋਜੈਕਟ ਦਾ ਐਲਾਨ ਚੁੱਪ-ਚੁਪੀਤੇ ਕੀਤਾ ਹੈ। ਹਾਲਾਂਕਿ, ਜੰਨਤ ਨੇ ਅਜੇ ਤੱਕ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਹੈ।