ਕਾਬੁਲ – ਅਫਗਾਨਿਸਤਾਨ ‘ਚ ਮੀਡੀਆ ਦੀ ਆਜ਼ਾਦੀ ‘ਤੇ ਕੁਝ ਹੋਰ ਪਾਬੰਦੀਆਂ ਲਾਉਂਦਿਆਂ ਤਾਲਿਬਾਨ ਨੇ ਪੱਤਰਕਾਰ ਸੰਗਠਨਾਂ ਲਈ 11 ਨਿਯਮਾਂ ਦਾ ਐਲ਼ਾਨ ਕੀਤਾ ਹੈ। ਇਨ੍ਹਾਂ ਨਿਯਮਾਂ ਤਹਿਤ ਇਸਲਾਮ ਦੇ ਵਿਰੁੱਧ ਕਿਸੇ ਸਮਾਗਰੀ ਦੇ ਪ੍ਰਕਾਸ਼ਨ ‘ਤੇ ਪਾਬੰਦੀ ਲਾ ਦਿੱਤੀ ਹੈ। ਰਾਸ਼ਟਰੀ ਹਸਤੀਆਂ ਪ੍ਰਤੀ ਅਪਮਾਨਜਨਕ ਸਮਾਗਰੀ ਦਾ ਪ੍ਰਕਾਸ਼ਨ ਵੀ ਪ੍ਰਤੀਬੰਧਿਤ ਕਰ ਦਿੱਤਾ ਹੈ। ਪੱਤਰਕਾਰਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਆਪਣੀ ਰਿਪੋਰਟਾਂ ਦੀ ਜਾਣਕਾਰੀ ਸਰਕਾਰੀ ਮੀਡੀਆ ਦਫ਼ਤਰ ਨੂੰ ਦੇਣ। ਦੇਸ਼ ‘ਚ ਤੇਜ਼ੀ ਨਾਲ ਵੱਧ ਰਹੀ ਆਰਥਿਕ ਮੰਦੀ ਵਿਚਕਾਰ ਕੁਝ ਮੁੱਖ ਸਮਾਚਾਰ ਪੱਤਰਾਂ ਨੂੰ ਆਪਣਾ ਪਰਿਚਾਲਨ ਬੰਦ ਕਰ ਸਿਰਫ਼ ਆਨਲਾਈਨ ਪ੍ਰਕਾਸ਼ਨ ਲਈ ਮਜ਼ਬੂਰ ਕੀਤਾ ਗਿਆ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ ‘ਚ ਤਾਲਿਬਾਨ ਨੇ ਲੋਕਤ੍ਰਾਂਤਰਿਕ ਰੂਪ ਤੋਂ ਚੁਣੀ ਗਈ ਸਰਕਾਰ ਨੂੰ ਹਟਾਉਣ ਤੋਂ ਬਾਅਦ ਬਣੀ ਨਵੀਂ ਸਰਕਾਰ ਖ਼ਿਲਾਫ਼ ਪ੍ਰਦਰਸ਼ਨਾਂ ਨੂੰ ਕਵਰ ਕਰਨ ਵਾਲੇ ਪੱਤਰਕਾਰਾਂ ‘ਤੇ ਵੀ ਕਾਰਵਾਈ ਕੀਤੀ ਗਈ ਹੈ। ਆਲਮੀ ਭਾਈਚਾਰੇ ਤੋਂ ਕੀਤੇ ਗਏ ਆਪਣੇ ਵਾਅਦਿਆਂ ਦੇ ਉਲਟ ਤਾਲਿਬਾਨ ਮੀਡੀਆ ਮੁਲਾਜ਼ਮਾਂ ਦੇ ਬੁਨਿਆਦੀ ਮਾਨਵਾਧਿਕਾਰਾਂ ਦੀ ਉਲੰਘਣਾ ਕਰ ਰਿਹਾ ਹੈ। ਉਨ੍ਹਾਂ ਨੂੰ ਲਗਾਤਾਰ ਪਰੇਸ਼ਾਨ ਕੀਤਾ ਜਾ ਰਿਹਾ ਹੈ, ਪੀੜਤ ਕੀਤਾ ਜਾ ਰਿਹਾ ਹੈ ਤੇ ਕਈ ਪੱਤਰਕਾਰਾਂ ਨੂੰ ਆਪਣੀ ਜਾਨ ਵੀ ਗਂਵਾਉਣੀ ਪਈ ਹੈ। ਇਨ੍ਹਾਂ ਹੀ ਨਹੀਂ ਤਾਲਿਬਾਨ ਨੇ ਨਿੱਜੀ ਟੀਵੀ ਚੈਨਲਾਂ ‘ਤੇ ਦਿਖਾਈ ਜਾ ਰਹੇ ਕੰਟੈਂਟ ‘ਚ ਬਦਲਾਅ ਵੀ ਕੀਤਾ ਗਿਆ ਹੈ। ਮਹਤੱਵਪੂਰਨ ਸਮਾਚਾਰ ਬੁਲੇਟਿਨ, ਰਾਜਨੀਤਕ ਬਹਿਸ, ਮਨੋਰੰਜਨ ਤੇ ਸੰਗੀਤ ਸਮਾਗਮਾਂ ਤੇ ਵਿਦੇਸ਼ੀ ਨਾਟਕਾਂ ਨੂੰ ਤਾਲਿਬਾਨ ਸਰਕਾਰ ਦੇ ਸਮਾਗਮਾਂ ਤੋਂ ਬਦਲ ਦਿੱਤਾ ਗਿਆ ਹੈ। ਇਸ ਵਿਚਕਾਰ, ਕਮਿਟੀ ਟੂ ਪ੍ਰੋਟੈਕਟ ਜਰਨਲਿਸਟ ਨੇ ਤਾਲਿਬਾਨ ਤੋਂ ਅਫਗਾਨਿਸਤਾਨ ‘ਚ ਪੱਤਰਕਾਰਾਂ ਨੂੰ ਹਿਰਾਸਤ ‘ਚ ਲੈਣਾ ਤੁਰੰਤ ਬੰਦ ਕਰਨ ਤੇ ਮੀਡੀਆ ਨੂੰ ਪ੍ਰਤੀਸ਼ੋਧ ਦੇ ਡਰ ਦੇ ਬਿਨਾਂ ਆਜ਼ਾਦ ਰੂਪ ਤੋਂ ਕੰਮ ਕਰਨ ਦੀ ਇਜਾਜ਼ਤ ਦੇਣ ਨੂੰ ਕਿਹਾ ਹੈ।