ਫਿਜੀ ਪਹੁੰਚੇ ਰਾਸ਼ਟਰਪਤੀ ਮੁਰਮੂ, ਦੁੱਵਲੇ ਸਬੰਧਾਂ ਨੂੰ ਦੇਣਗੇ ਹੁਲਾਰਾ

ਸੁਵਾ (ਫਿਜੀ) – ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਆਪਣੀ ਤਿੰਨ ਦੇਸ਼ਾਂ ਦੀ ਯਾਤਰਾ ਦੇ ਪਹਿਲੇ ਪੜਾਅ ‘ਤੇ ਸੋਮਵਾਰ ਨੂੰ ਫਿਜੀ ਪਹੁੰਚੀ। ਇਸ ਦੌਰਾਨ ਉਹ ਰਾਸ਼ਟਰਪਤੀ ਵਿਲੀਅਮ ਮਾਈਵਲੀਲੀ ਕਾਟੋਨੀਵੇਰੇ ਅਤੇ ਪ੍ਰਧਾਨ ਮੰਤਰੀ ਸਿਤਿਵੇਨੀ ਰਬੂਕਾ ਨਾਲ ਮੀਟਿੰਗਾਂ ਕਰੇਗੀ ਕਿਉਂਕਿ ਭਾਰਤ ਇਤਿਹਾਸਕ ਦੋ-ਪੱਖੀ ਸਬੰਧਾਂ ਨੂੰ ਹੋਰ ਹੁਲਾਰਾ ਦੇਣਾ ਚਾਹੁੰਦਾ ਹੈ। ਉਹ ਰਾਸ਼ਟਰਪਤੀ ਕੈਟੋਨੀਵਰੇ ਦੇ ਸੱਦੇ ‘ਤੇ 5 ਤੋਂ 7 ਅਗਸਤ ਤੱਕ ਫਿਜੀ ਵਿਚ ਹੋਵੇਗੀ। ਕਿਸੇ ਭਾਰਤੀ ਰਾਜ ਦੇ ਮੁਖੀ ਦੁਆਰਾ ਦੀਪ ਸਮੂਹ ਦੇਸ਼ ਦੀ ਇਹ ਪਹਿਲੀ ਯਾਤਰਾ ਹੈ।ਰਾਸ਼ਟਰਪਤੀ ਮੁਰਮੂ ਦਾ ਹਵਾਈ ਅੱਡੇ ‘ਤੇ ਫਿਜੀ ਦੇ ਉਪ ਪ੍ਰਧਾਨ ਮੰਤਰੀ ਵਿਲੀਅਮ ਗਾਵੋਕਾ, ਫਿਜੀ ਵਿਚ ਭਾਰਤੀ ਹਾਈ ਕਮਿਸ਼ਨਰ ਪੀਐਸ ਕਾਰਤੀਕੇਅਨ ਅਤੇ ਹੋਰ ਫਿਜੀ ਅਧਿਕਾਰੀਆਂ ਨੇ ਸਵਾਗਤ ਕੀਤਾ। ਫਿਜੀ ਸਰਕਾਰ ਦੇ ਅਧਿਕਾਰਤ ਫੇਸਬੁੱਕ ਪੇਜ ‘ਤੇÇ ਕ ਪੋਸਟ ਵਿਚ ਕਿਹਾ ਗਿਆ,”ਭਾਰਤ ਦੇ ਰਾਸ਼ਟਰਪਤੀ, ਮਹਾਮਹਿਮ ਦ੍ਰੋਪਦੀ ਮੁਰਮੂ ਫਿਜੀ ਦੇ ਆਪਣੇ ਦੋ ਦਿਨਾਂ ਰਾਜ ਦੌਰੇ ਲਈ ਪਹੁੰਚ ਰਹੇ ਹਨ। ਮਹਾਮਹਿਮ ਦਾ ਉਪ ਪ੍ਰਧਾਨ ਮੰਤਰੀ ਮਾਨਯੋਗ ਵਿਲੀਅਮ ਗਾਵੋਕਾ, ਤੁਰਾਗਾ ਨਾ ਤੁਈ ਨਦੀ ਰਤੂ ਵੁਨੀਆਨੀ ਨਵਨੀਉਚੀ ਅਤੇ ਭਾਰਤ ਵਿੱਚ ਫਿਜੀ ਦੇ ਹਾਈ ਕਮਿਸ਼ਨਰ ਸ਼੍ਰੀ ਜਗਨਨਾਥ ਸਾਮੀ ਦੁਆਰਾ ਸ਼ਾਨਦਾਰ ਸਵਾਗਤ ਕੀਤਾ ਗਿਆ।”ਆਪਣੀ ਫੇਰੀ ਦੌਰਾਨ ਉਹ ਫਿਜੀਅਨ ਸੰਸਦ ਨੂੰ ਸੰਬੋਧਨ ਕਰੇਗੀ ਅਤੇ ਇਸਦੇ ਮੈਂਬਰਾਂ ਨਾਲ ਗੱਲਬਾਤ ਕਰੇਗੀ, ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਭਾਰਤੀ ਮੂਲ ਦੇ ਹਨ। ਫਿਜੀ ਦੇ ਦੌਰੇ ਤੋਂ ਬਾਅਦ ਮੁਰਮੂ ਨਿਊਜ਼ੀਲੈਂਡ ਅਤੇ ਤਿਮੋਰ-ਲੇਸਟੇ ਦੀ ਯਾਤਰਾ ਕਰੇਗੀ। ਨਵੀਂ ਦਿੱਲੀ ਵਿੱਚ ਵਿਦੇਸ਼ ਮੰਤਰਾਲੇ ਅਨੁਸਾਰ ਉਸਦੀ ਛੇ ਦਿਨਾਂ ਤਿੰਨ ਦੇਸ਼ਾਂ ਦੀ ਯਾਤਰਾ ਦਾ ਉਦੇਸ਼ ਭਾਰਤ ਦੀ ਐਕਟ ਈਸਟ ਨੀਤੀ ਨੂੰ ਅੱਗੇ ਵਧਾਉਣਾ ਹੈ ।ਐਮ.ਈ.ਏ ਨੇ ਫਿਜੀ ਲਈ ਰਵਾਨਗੀ ਸਮੇਂ ਐਕਸ ‘ਤੇ ਇੱਕ ਪੋਸਟ ਵਿੱਚ ਕਿਹਾ,”ਭਾਰਤ ਦੀ ਐਕਟ ਈਸਟ ਨੀਤੀ ਨੂੰ ਅੱਗੇ ਵਧਾਉਂਦੇ ਹੋਏ! ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ 0rashtrapatibhvn ਫਿਜੀ, ਨਿਊਜ਼ੀਲੈਂਡ ਅਤੇ ਤਿਮੋਰ-ਲੇਸਟੇ ਦੇ 3-ਰਾਸ਼ਟਰਾਂ ਦੇ ਦੌਰੇ ‘ਤੇ ਰਵਾਨਾ ਹੋਏ। ਪਹਿਲੇ ਪੜਾਅ ਵਿੱਚ ਰਾਸ਼ਟਰਪਤੀ ਫਿਜੀ ਦਾ ਇੱਕ ਰਾਜਕੀ ਦੌਰਾ ਕਰਨਗੇ। ਇਹ ਦੌਰਾ ਦੋਵਾਂ ਦੇਸ਼ਾਂ ਵਿਚਕਾਰ ਇਤਿਹਾਸਕ ਸਬੰਧਾਂ ਨੂੰਹੋਰ ਹੁਲਾਰਾ ਦੇਵੇਗਾ।”