ਅਫਗਾਨਿਸਤਾਨ – ਸੰਯੁਕਤ ਰਾਸ਼ਟਰ ਬਾਲ ਫੰਡ (ਯੂਨੀਸੇਫ) ਨੇ ਸ਼ਨਿਚਰਵਾਰ ਤੋਂ ਅਫਗਾਨਿਸਤਾਨ ‘ਚ ਸਕੂਲਾਂ ਨੂੰ ਮੁੜ ਤੋਂ ਖੋਲ੍ਹੇ ਜਾਣ ਦਾ ਸਵਾਗਤ ਕੀਤਾ ਹੈ ਪਰ ਉਨ੍ਹਾਂ ਕਿਹਾ ਕਿ ਕੁੜੀਆਂ ਨੂੰ ਜਮਾਤ ਤੋਂ ਦੂਰ ਨਹੀਂ ਰੱਖਿਆ ਜਾਣਾ ਚਾਹੀਦਾ। ਦਰਅਸਲ, ਤਾਲਿਬਾਨ ਦੀ ਅਗਵਾਈ ‘ਚ ਅਫਗਾਨਿਸਤਾਨ ਦੇ ਸਿੱਖਿਆ ਮੰਤਰਾਲੇ ਨੇ ਸਾਰੇ ਸੈਕੰਡਰੀ ਸਕੂਲ ਨੂੰ ਸ਼ਨਿਚਰਵਾਰ ਤੋਂ ਸ਼ੁਰੂ ਕਰਨ ਦਾ ਨਿਰਦੇਸ਼ ਦਿੱਤਾ ਹੈ ਪਰ ਇਸ ‘ਚ ਕੁੜੀਆਂ ਦੇ ਸਕੂਲ ਜਾਣ ਨੂੰ ਲੈ ਕੇ ਕੋਈ ਗੱਲ ਨਹੀਂ ਕੀਤੀ ਗਈ। ਯੂਨੀਸੇਫ ਮੁਖੀ ਹੇਨਰੀਟਾ ਫੋਰ ਨੇ ਸ਼ੁੱਕਰਵਾਰ ਨੂੰ ਇਕ ਬਿਆਨ ‘ਚ ਚਿੰਤਾ ਪ੍ਰਗਟਾਉਂਦਿਆਂ ਕਿਹਾ ਕਿ ਇਸ ਸਮੇਂ ਕਈ ਕੁੜੀਆਂ ਨੂੰ ਵਾਪਸ ਸਕੂਲ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਅਫਗਾਨਿਸਤਾਨ ‘ਚ ਹਾਲੀਆ ਮਾਨਵਤਾਵਾਦੀ ਸੰਕਟ ਤੋਂ ਪਹਿਲਾਂ ਵੀ 42 ਲੱਖ ਬੱਚਿਆਂ ਨੂੰ ਸਕੂਲ ਜਾਣ ਤੋਂ ਵਾਂਝੇ ਹੈ। ਇਨ੍ਹਾਂ ‘ਚ ਕਰੀਬ 60 ਫੀਸਦੀ ਕੁੜੀਆਂ ਹਨ। ਹਰ ਦਿਨ ਕੁੜੀਆਂ ਸਿੱਖਿਆ ਤੋਂ ਚੂਕ ਜਾਂਦੀਆਂ ਹਨ, ਉਨ੍ਹਾਂ ਦੇ, ਉਨ੍ਹਾਂ ਦੇ ਪਰਿਵਾਰਾਂ ਤੇ ਉਨ੍ਹਾਂ ਦੇ ਭਾਈਚਾਰਾਂ ਲਈ ਇਕ ਮੌਕਾ ਚੂਕ ਜਾਂਦਾ ਹੈ। ਤਾਲਿਬਾਨ ਵੱਲੋਂ ਸਕੂਲ ਨੂੰ ਮੁੜ ਤੋਂ ਖੋਲ੍ਹਣ ਦੇ ਐਲਾਨ ‘ਚ ਸਿਰਫ਼ ਕੁੜੀਆਂ ਨੂੰ ਹੀ ਸਕੂਲ ਵਾਪਸ ਜਾਣ ਦੇ ਨਿਰਦੇਸ਼ ਦਿੱਤਾ ਗਿਆ ਹੈ। ਇਸ ‘ਚ ਕੁੜੀਆਂ ਦੀ ਵਾਪਸੀ ਦੀ ਤਰੀਕ ਦਾ ਕੋਈ ਜ਼ਿਕਰ ਨਹੀਂ ਸੀ। ਇਹ ਕਦਮ ਕਾਬੁਲ ‘ਚ ਸੱਤਾ ਸੰਭਾਲਣ ਤੋਂ ਬਾਅਦ ਤਾਲਿਬਾਨ ਵੱਲੋਂ ਕੀਤੇ ਗਏ ਵਾਅਦਿਆਂ ਖ਼ਿਲਾਫ਼ ਹੈ।