ਮਲੱਪੁਰਮ – ਵਾਇਨਾਡ ਤੋਂ ਕਾਂਗਰਸ ਦੇ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੇ ਬੁੱਧਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਤੇ ਲੋਕਾਂ ਦੇ ਵਿਚ ਸਬੰਧ ਤੇ ‘ਪੁਲ’ ਤੋੜਨ ਦਾ ਦੋਸ਼ ਲਾਇਆ ਤੇ ਦਾਅਵਾ ਕੀਤਾ ਕਿ ਇਸ ਨਾਲ ਭਾਰਤ ਦੇ ਵਿਚਾਰ ਚਕਨਾਚੂਰ ਕਰ ਦਿੱਤੇ ਹਨ।
ਕੇਰਲ ਵਿਚ ਇਕ ਦਿਨ ਲਈ ਪਹੁੰਚੇ ਰਾਹੁਲ ਗਾਂਧੀ ਨੇ ਇਹ ਵੀ ਦੋਸ਼ ਲਗਾਇਆ ਹੈ ਕਿ ਪ੍ਰਧਾਨ ਮੰਤਰੀ ਵੱਲੋਂ ਇਹ ਦਾਅਵਾ ਕਰਨਾ ਹੰਕਾਰ ਸੀ ਕਿ ਕੇਰਲ ਉਹ ਭਾਰਤ ਨੂੰ ਜਾਣਦੇ ਹਨ ਜਾਂ ਸਮਝਦੇ ਹਨ ਤੇ ਕੋਈ ਨਹੀਂ, ਖ਼ਾਸ ਕਰ ਕੇ ਜਦੋਂ ਤਕ ਉਹ ਵੱਖ-ਵੱਖ ਸੂਬਿਆਂ ਤੇ ਧਰਮਾਂ ਦੇ ਲੋਕਾਂ ਦੀ ਸੰਸਕ੍ਰਿਤੀ, ਭਾਸ਼ਾ, ਰਹਿਣ-ਸਹਿਣ ਤੇ ਸਮੱਸਿਆਵਾਂ ਦੇ ਬਾਰੇ ਪਤਾ ਕੀਤੇ ਬਿਨਾ ਦਾਅਵੇ ਕਰ ਰਹੇ ਸੀ।ਕੇਰਲ ਦੇ ਮਲੱਪੁਰਮ ਜ਼ਿਲ੍ਹੇ ਵਿਚ ਇੱਕ ਡਾਇਲਸਿਸ ਕੇਂਦਰ ਦੇ ਉਦਘਾਟਨ ਮੌਕੇ ਬੋਲਦਿਆਂ, ਕਾਂਗਰਸੀ ਆਗੂ ਨੇ ਕਿਹਾ ਕਿ ਭਾਰਤ ਸਿਰਫ ਇਕ ਭੂਗੋਲਿਕ ਖੇਤਰ ਨਹੀਂ ਹੈ, ਇਹ ਇੱਥੇ ਰਹਿਣ ਵਾਲੇ ਲੋਕਾਂ ਤੇ ਉਨ੍ਹਾਂ ਦੇ ਇੱਕ ਦੂਜੇ ਨਾਲ ਸਬੰਧਾਂ ਬਾਰੇ ਹੈ। ‘ਪ੍ਰਧਾਨ ਮੰਤਰੀ ਨਾਲ ਮੇਰੀ ਸਮੱਸਿਆ ਇਹ ਹੈ ਕਿ ਉਹ ਇਨ੍ਹਾਂ ਸਬੰਧਾਂ ਨੂੰ ਤੋੜ ਰਹੇ ਹਨ। ਜੇ ਉਹ ਭਾਰਤ ਦੇ ਲੋਕਾਂ ਵਿੱਚ ਰਿਸ਼ਤੇ ਤੋੜ ਰਿਹਾ ਹੈ, ਤਾਂ ਉਹ ਭਾਰਤ ਦੇ ਵਿਚਾਰ ਨੂੰ ਤੋੜ ਰਿਹਾ ਹੈ। ਇਸੇ ਲਈ ਮੈਂ ਉਨ੍ਹਾਂ ਦਾ ਵਿਰੋਧ ਕਰਦਾ ਹਾਂ।’
ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਜਦੋਂ ਉਹ (ਪ੍ਰਧਾਨ ਮੰਤਰੀ) ਭਾਰਤੀਆਂ ਦੇ ਵਿਚ ਸਬੰਧ ਤੋੜਦੇ ਹਨ, ਇਹ ਮੇਰੀ ਡਿਊਟੀ, ਮੇਰਾ ਕੰਮ, ਲੋਕਾਂ ਦੇ ਵਿਚਕਾਰ ਪੁਲਾਂ ਦੀ ਮੁਰੰਮਤ ਕਰਨ ਦੀ ਮੇਰੀ ਵਚਨਬੱਧਤਾ ਹੈ। ਹਰ ਵਾਰ ਜਦੋਂ ਉਹ ਪੁਲਾਂ ਨੂੰ ਤੋੜਨ ਲਈ ਨਫ਼ਰਤ ਦਾ ਇਸਤੇਮਾਲ ਕਰਦੇ ਹਨ ਤਾਂ ਪਿਆਰ ਤੇ ਹਮਦਰਦੀ ਦੇ ਨਾਲ ਉਨ੍ਹਾਂ ਦੀ ਮਰੰਮਤ ਕਰਨਾ ਮੇਰੀ ਜ਼ਿੰਮੇਵਾਰੀ ਹੈ।
ਕਾਂਗਰਸੀ ਆਗੂ ਨੇ ਅੱਗੇ ਕਿਹਾ ਕਿ ਉਹ ਦੇਸ਼ ਦੇ ਵੱਖ-ਵੱਖ ਸੱਭਿਆਚਾਰਾ, ਵਿਚਾਰਾਂ, ਧਰਮਾਂ ਤੇ ਸੰਸਕ੍ਰਿਤੀਆਂ ਨੂੰ ਸਮਝੇ ਬਿਨਾ ਪੁਲਾਂ ਦਾ ਫੈਸਲਾ ਨਹੀਂ ਕਰ ਸਕਦੇ ਤੇ ਇਸ ਲਈ ਦੇਸ਼ ਵੱਖ-ਵੱਖ ਸੂਬਿਆਂ ਤੇ ਧਾਰਮਿਕ ਸਥਾਨਾਂ ‘ਤੇ ਜਾਣ ਦੀ ਜ਼ਰੂਰਤ ਹੁੰਦੀ ਹੈ।ਰਾਹੁਲ ਗਾਂਧੀ ਨੇ ਕਿਹਾ ਕਿ ਇੱਥੇ ਲੜਾਈ ਨਿਮਰਤਾ ਤੇ ਹੰਕਾਰ ਦੇ ਵਿਚਕਾਰ, ਗੁੱਸੇ ਤੇ ਹਮਦਰਦੀ ਦੇ ਵਿਚਕਾਰ, ਸੁਆਰਥ ਤੇ ਦੂਜਿਆਂ ਦੀ ਭਲਾਈ ਦੇ ਵਿਚਕਾਰ ਹੈ।