ਮੰਡੀ – ਕ੍ਰਿਸਮਿਸ ਅਤੇ ਨਵੇਂ ਸਾਲ ਦੇ ਜਸ਼ਨ ਮਨਾਉਣ ਲਈ ਸੈਲਾਨੀਆਂ ਨੇ ਹਿਮਾਚਲ ਪ੍ਰਦੇਸ਼ ਵੱਲ ਵਹੀਰਾਂ ਘੱਤ ਦਿੱਤੀਆਂ ਹਨ। ਮਨਾਲੀ-ਲੇਹ ਕੌਮੀ ਮਾਰਗ ’ਤੇ ਸੈਲਾਨੀਆਂ ਦੀਆਂ ਗੱਡੀਆਂ ਕਾਰਨ ਲੰਬੇ ਲੰਬੇ ਜਾਮ ਲੱਗ ਗਏ ਹਨ। ਪੁਲੀਸ ਨੂੰ ਜਾਮ ਖੁੱਲ੍ਹਵਾਉਣ ਅਤੇ ਟ੍ਰੈਫਿਕ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ ਲਈ ਖਾਸੀ ਮੁਸ਼ੱਕਤ ਕਰਨੀ ਪੈ ਰਹੀ ਹੈ। ਐਤਵਾਰ ਨੂੰ ਭੁੰਤਰ-ਮਨੀਕਰਣ ਮਾਰਗ ’ਤੇ ਸੈਲਾਨੀਆਂ ਦੀਆਂ ਗੱਡੀਆਂ ਦੀਆਂ ਲੰਮੀਆਂ ਕਤਾਰਾਂ ਲੱਗ ਗਈਆਂ।
ਕਸੌਲ ਅਤੇ ਮਨੀਕਰਣ ਇਸ ਵੇਲੇ ਸੈਲਾਨੀਆਂ ਦੇ ਮਨਪਸੰਦ ਟੂਰਿਸਟ ਪਲੇਸ ਬਣੇ ਹੋਏ ਹਨ। ਅਟਲ ਟਨਲ ਦੇ ਨੇੜੇ ਹੋਈ ਤਾਜ਼ੀ ਬਰਫ਼ਬਾਰੀ ਦਾ ਸੈਲਾਨੀ ਖੂਬ ਆਨੰਦ ਮਾਣ ਰਹੇ ਹਨ। ਕ੍ਰਿਸਮਿਸ ਅਤੇ ਨਵੇਂ ਸਾਲ ਦੇ ਮੱਦੇਨਜ਼ਰ ਹੋਟਲਾਂ ਦੀ 80 ਫੀਸਦੀ ਅਗਾਉੂਂ ਬੁਕਿੰਗ ਹੋ ਚੁੱਕੀ ਹੈ।