ਕੋਲੰਬੋ – ਸ਼੍ਰੀਲੰਕਾ ਸਰਕਾਰ ਨੇ ਭਾਰਤ, ਬਿ੍ਰਟੇਨ ਅਤੇ ਅਮਰੀਕਾ ਸਮੇਤ 35 ਦੇਸ਼ਾਂ ਦੇ ਨਾਗਰਿਕਾਂ ਲਈ 6 ਮਹੀਨਿਆਂ ਵਾਸਤੇ ਦੇਸ਼ ’ਚ ਵੀਜ਼ਾ ਮੁਕਤ ਯਾਤਰਾ ਦਾ ਐਲਾਨ ਕੀਤਾ ਹੈ।‘ਡੇਲੀ ਮਿਰਰ’ ਅਖਬਾਰ ਨੇ ਸੈਰ-ਸਪਾਟਾ ਮੰਤਰਾਲਾ ਦੇ ਸਲਾਹਕਾਰ ਹਰਿਨ ਫਰਨਾਂਡੋ ਦੇ ਹਵਾਲੇ ਨਾਲ ਕਿਹਾ ਕਿ ਕੈਬਨਿਟ ਨੇ ਇਹ ਫੈਸਲਾ ਲਿਆ ਹੈ, ਜੋ ਕਿ 1 ਅਕਤੂਬਰ 2024 ਤੋਂ ਲਾਗੂ ਹੋਵੇਗਾ। ਫਰਨਾਂਡੋ ਨੇ ਕਿਹਾ ਕਿ ਇਹ ਨੀਤੀ 6 ਮਹੀਨਿਆਂ ਲਈ ਹੈ।ਜਿਨ੍ਹਾਂ ਦੇਸ਼ਾਂ ਦੇ ਨਾਗਰਿਕਾਂ ਨੂੰ ਵੀਜ਼ਾ ਮੁਕਤ ਆਵਾਜਾਈ ਦੀ ਸਹੂਲਤ ਦਿੱਤੀ ਗਈ ਹੈ, ਉਨ੍ਹਾਂ ਵਿਚ ਭਾਰਤ, ਬਿ੍ਰਟੇਨ, ਚੀਨ, ਅਮਰੀਕਾ, ਜਰਮਨੀ, ਨੀਦਰਲੈਂਡ, ਬੈਲਜੀਅਮ, ਸਪੇਨ, ਆਸਟ੍ਰੇਲੀਆ, ਡੈਨਮਾਰਕ, ਪੋਲੈਂਡ, ਕਜ਼ਾਕਿਸਤਾਨ, ਸਾਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ, ਨੇਪਾਲ, ਇੰਡੋਨੇਸ਼ੀਆ, ਰੂਸ ਤੇ ਥਾਈਲੈਂਡ ਆਦਿ ਸ਼ਾਮਲ ਹਨ।