ਨਵੀਂ ਦਿੱਲੀ – 70ਵਾਂ ਰਾਸ਼ਟਰੀ ਫਿਲਮ ਅਵਾਰਡ ਸਮਾਰੋਹ ਅੱਜ ਵਿਗਿਆਨ ਭਵਨ, ਨਵੀਂ ਦਿੱਲੀ ਵਿਖੇ ਆਯੋਜਿਤ ਕੀਤਾ ਗਿਆ। ਭਾਰਤ ਦੇ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਨੇ ਕਈ ਕਲਾਕਾਰਾਂ ਨੂੰ ਭਾਰਤੀ ਸਿਨੇਮਾ ਵਿੱਚ ਉਨ੍ਹਾਂ ਦੇ ਯੋਗਦਾਨ ਲਈ ਸਨਮਾਨਿਤ ਕੀਤਾ। ਇਸ ਸਮਾਗਮ ਦੀਆਂ ਮੁੱਖ ਗੱਲਾਂ ਵਿੱਚੋਂ ਇੱਕ ਸੀ ਅਭਿਨੇਤਾ ਮਿਥੁਨ ਚੱਕਰਵਰਤੀ ਨੂੰ ਉਸਦੇ ਦਹਾਕਿਆਂ-ਲੰਬੇ ਕਰੀਅਰ ਲਈ ਵੱਕਾਰੀ ਦਾਦਾ ਸਾਹਿਬ ਫਾਲਕੇ ਅਵਾਰਡ ਦੀ ਪੇਸ਼ਕਾਰੀ।
ਰਾਸ਼ਟਰਪਤੀ ਨੇ ਰਿਸ਼ਭ ਸ਼ੈੱਟੀ ਨੂੰ ਫਿਲਮ ਕੰਤਾਰਾ ਲਈ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਦਿੱਤਾ। ਇਸ ਦੌਰਾਨ ਨਿਤਿਆ ਮੇਨੇਨ ਅਤੇ ਮਾਨਸੀ ਪਾਰੇਖ ਨੇ ਤਿਰੂਚਿਤ੍ਰੰਬਲਮ ਅਤੇ ਕੱਛ ਐਕਸਪ੍ਰੈਸ ਲਈ ਸਰਵੋਤਮ ਅਭਿਨੇਤਰੀ ਦਾ ਖਿਤਾਬ ਸਾਂਝਾ ਕੀਤਾ। ਆਤਮ ਨੇ ਸਰਵੋਤਮ ਫੀਚਰ ਫਿਲਮ ਦਾ ਪੁਰਸਕਾਰ ਜਿੱਤਿਆ, ਜਦੋਂ ਕਿ ਗੁਲਮੋਹਰ ਨੇ ਸਰਵੋਤਮ ਹਿੰਦੀ ਫਿਲਮ ਦਾ ਪੁਰਸਕਾਰ ਜਿੱਤਿਆ।
ਪਰਿਵਾਰਕ ਫਿਲਮਾਂ ਬਣਾਉਣ ਲਈ ਮਸ਼ਹੂਰ ਸੂਰਜ ਬੜਜਾਤਿਆ ਨੂੰ ਸਰਵੋਤਮ ਅਦਾਕਾਰ ਦਾ ਐਵਾਰਡ ਦਿੱਤਾ ਗਿਆ। ਉਨ੍ਹਾਂ ਨੇ ਇਹ ਐਵਾਰਡ ਫਿਲਮ ‘ਉੱਚਾ’ ਲਈ ਜਿੱਤਿਆ ਸੀ। ਸਰਵੋਤਮ ਸਹਾਇਕ ਅਭਿਨੇਤਰੀ ਦਾ ਖਿਤਾਬ ਨੀਨਾ ਗੁਪਤਾ ਨੂੰ ਫਿਲਮ ਉਚਾ ਲਈ ਮਿਲਿਆ। ਫੌਜਾ ਲਈ ਪ੍ਰਮੋਦ ਕੁਮਾਰ ਨੂੰ ਸਰਵੋਤਮ ਡੈਬਿਊ ਨਿਰਦੇਸ਼ਕ ਦਾ ਐਵਾਰਡ ਦਿੱਤਾ ਗਿਆ।ਇਸ ਤੋਂ ਇਲਾਵਾ ਸਰਵੋਤਮ ਤੇਲਗੂ ਫਿਲਮ ਅਵਾਰਡ ਕਾਰਤਿਕੇਯਾ 2, ਸਰਵੋਤਮ ਤਾਮਿਲ ਫਿਲਮ ਅਵਾਰਡ ਪੋਨੀਯਿਨ ਸੇਲਵਨ – ਭਾਗ ਪਹਿਲਾ, ਸਰਵੋਤਮ ਪੰਜਾਬੀ ਫਿਲਮ – ਬਾਗੀ ਦੀ ਧੀ, ਸਰਵੋਤਮ ਉੜੀਆ ਫਿਲਮ ਦਮਨ, ਸਰਵੋਤਮ ਮਲਿਆਲਮ ਫਿਲਮ ਸਾਊਦੀ ਵੇਲਕਾ, ਸਰਵੋਤਮ ਮਰਾਠੀ ਫਿਲਮ ਵਾਲਵੀ, ਸਰਵੋਤਮ ਕੰਨੜ ਫਿਲਮ ਕੇ.ਜੀ.ਐਫ. ਅਧਿਆਇ 2 ਨੂੰ ਦਿੱਤਾ ਗਿਆ ਹੈ।
ਰਾਸ਼ਟਰਪਤੀ ਵੱਲੋਂ 70ਵੇਂ ਰਾਸ਼ਟਰੀ ਫ਼ਿਲਮ ਪੁਰਸਕਾਰਾਂ ਦੀ ਵੰਡ
