ਅਮਰੀਕਾ ਅਤੇ ਇਜ਼ਰਾਈਲੀ ਦੁਆਰਾ ਈਰਾਨ ਉਪਰ ਕੀਤੇ ਜਾ ਰਹੇ ਹਵਾਈ ਹਮਲਿਆਂ ਦਾ ਅੱਜ 28ਵਾਂ ਦਿਨ ਹੈ। ਪਿਛਲੇ 27 ਦਿਨਾਂ ਦੇ ਦੌਰਾਨ ਅਮਰੀਕਾ ਅਤੇ ਇਜ਼ਰਾਈਲੀ ਹਵਾਈ ਹਮਲਿਆਂ ਕਾਰਨ ਸ਼ੁਰੂ ਹੋਏ ਸੰਘਰਸ਼ ਵਿੱਚ ਈਰਾਨ ਵਿੱਚ 1,500 ਤੋਂ ਵੱਧ ਲੋਕ ਮਾਰੇ ਗਏ ਹਨ। ਈਰਾਨੀ ਸਿਹਤ ਮੰਤਰਾਲੇ ਨੇ ਇਹ ਅੰਕੜੇ ਮੁਹੱਈਆਂ ਕਰਦਿਆਂ ਦਾਅਵਾ ਕੀਤਾ ਹੈ ਕਿ ਇਹ ਗਿਣਤੀ ਬਹੁਤ ਜ਼ਿਆਦਾ ਹੋ ਸਕਦੀ ਹੈ, ਕਿਉਂਕਿ ਹਮਲਿਆਂ ਦੇ ਕਾਰਨ ਅਧਿਕਾਰੀਆਂ ਨੇ ਅਜੇ ਤੱਕ ਪੂਰੀ ਗਿਣਤੀ ਨਹੀਂ ਕੀਤੀ ਹੈ। ਸੰਯੁਕਤ ਰਾਸ਼ਟਰ ਦੀ ਏਜੰਸੀ ਦਾ ਅੰਦਾਜ਼ਾ ਹੈ ਕਿ ਟਕਰਾਅ ਕਾਰਨ ਹੋਈ ਤਬਾਹੀ ਨੇ ਦੇਸ਼ ਵਿੱਚ ਵਿਆਪਕ ਉਜਾੜੇ ਦਾ ਕਾਰਨ ਵੀ ਬਣਿਆ ਹੈ। ਯੁਨਾਇਟਿਡ ਨੇਸ਼ਨਜ ਹਾਈ ਕਮਸਿ਼ਨਰ ਫਾਰ ਰਫਿ਼ਊਜ਼ੀਜ਼ ਦੇ ਅਨੁਸਾਰ 28 ਫਰਵਰੀ ਨੂੰ ਹਮਲੇ ਸ਼ੁਰੂ ਹੋਣ ਤੋਂ ਬਾਅਦ ਈਰਾਨ ਵਿੱਚ 3.2 ਮਿਲੀਅਨ ਲੋਕ ਜੋ ਕਿ ਆਬਾਦੀ ਦਾ 3 ਪ੍ਰਤੀਸ਼ਤ ਤੋਂ ਵੱਧ ਹਨ ਪਹਿਲਾਂ ਹੀ ਬੇਘਰ ਹੋ ਚੁੱਕੇ ਹਨ।
ਸੰਘਰਸ਼ ਦੇ 27 ਦਿਨਾਂ ਬਾਅਦ ਸਹਾਇਤਾ ਏਜੰਸੀਆਂ ਅਤੇ ਈਰਾਨ ਨਾਲ ਲੱਗਦੇ ਦੇਸ਼ ਸੰਭਾਵੀ ਸ਼ਰਨਾਰਥੀ ਸੰਕਟ ਲਈ ਆਪਣੇ ਆਪ ਨੂੰ ਤਿਆਰ ਕਰ ਰਹੇ ਹਨ ਕਿਉਂਕਿ ਨਾਗਰਿਕ ਹਿੰਸਾ ਦੇ ਡਰੋਂ ਸੁਰੱਖਿਆ ਲਈ ਭੱਜ ਰਹੇ ਹਨ। ਤੁਰਕੀ, ਤੁਰਕਮੇਨਿਸਤਾਨ ਅਤੇ ਅਜ਼ਰਬਾਈਜਾਨ ਨੇ ਸਰਹੱਦਾਂ ਬੰਦ ਕਰਨ, ਸੀਮਤ ਅਧਿਕਾਰਤ ਕਰਾਸਿੰਗ ਅਤੇ ਤੀਜੇ ਦੇਸ਼ ਦੇ ਨਾਗਰਿਕਾਂ ਦੇ ਕਦੇ-ਕਦਾਈਂ ਨਿਕਾਸੀ ਦੀ ਰਿਪੋਰਟ ਕੀਤੀ ਹੈ। ਇਰਾਕ ਤੋਂ ਵਾਪਸੀ ਦੀ ਗਿਣਤੀ ਘੱਟ ਰਹੀ ਹੈ ਅਤੇ 325 ਈਰਾਨੀ ਨਾਗਰਿਕਾਂ ਨੇ ਸੰਕਟ ਦਾ ਹਵਾਲਾ ਦਿੰਦੇ ਹੋਏ ਸਰਹੱਦ ਪਾਰ ਕੀਤੀ। ਈਰਾਨ ਵਿੱਚ ਲੋਕਾਂ ਨੂੰ ਆਪਣੇ ਤਬਾਹ ਹੋਏ ਘਰਾਂ ਨੂੰ ਛੱਡਣ ਲਈ ਮਜਬੂਰ ਕੀਤਾ ਗਿਆ ਹੈ। ਕਈ ਹਸਪਤਾਲ, ਪ੍ਰਮਾਣੂ ਪਲਾਂਟ, ਰਿਫਾਇਨਰੀਆਂ ਅਤੇ ਡੀਸੈਲੀਨੇਸ਼ਨ ਪਲਾਂਟ ਬੁਰੀ ਪ੍ਰਭਾਵਿਤ ਹੋਏ ਹਨ।
ਈਰਾਨ ਵਿੱਚ ਟਕਰਾਅ ਸ਼ੁਰੂ ਹੋਣ ਤੋਂ ਬਾਅਦ 85,176 ਤੋਂ ਵੱਧ ਨਾਗਰਿਕ ਸਥਾਨਾਂ ਨੂੰ ਨੁਕਸਾਨ ਪਹੁੰਚਿਆ ਹੈ, ਜਿਸ ਵਿੱਚ 282 ਸਿਹਤ ਕੇਂਦਰ, 600 ਸਕੂਲ ਅਤੇ 64,583 ਰਿਹਾਇਸ਼ਾਂ ਸ਼ਾਮਲ ਹਨ। ਇਕੱਲੇ ਤਹਿਰਾਨ ਵਿੱਚ, ਸ਼ਹਿਰ ਪ੍ਰਸ਼ਾਸਨ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਰਾਜਧਾਨੀ ਵਿੱਚ ਲਗਭਗ 14,000 ਰਿਹਾਇਸ਼ੀ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ, ਅਤੇ ਘੱਟੋ-ਘੱਟ 6,000 ਲੋਕਾਂ ਨੂੰ ਮਿਊਂਸੀਪਲ ਹੋਟਲਾਂ ਵਿੱਚ ਰੱਖਿਆ ਜਾ ਰਿਹਾ ਹੈ।
ਇਸ ਵਧਦੇ ਜਾ ਰਹੇ ਟਕਰਾਅ ਕਾਰਨ ਉਜਾੜੇ ਦਾ ਸਾਹਮਣਾ ਕਰਨ ਵਾਲਾ ਈਰਾਨ ਇਕੱਲਾ ਦੇਸ਼ ਨਹੀਂ ਹੈ। ਲੇਬਨਾਨ ਵਿੱਚ ਵੀ ਸਥਿਤੀ ਬਹੁਤ ਚਿੰਤਾਜਨਕ ਹੈ। ਇਜ਼ਰਾਈਲੀ ਫੌਜੀ ਕਾਰਵਾਈ ਕਾਰਨ ਦੱਖਣੀ ਲੇਬਨਾਨ ਵਿੱਚ ਹਜ਼ਾਰਾਂ ਲੋਕਾਂ ਨੂੰ ਆਪਣੇ ਘਰ ਛੱਡਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ। ਨਾਰਵੇਈ ਸ਼ਰਨਾਰਥੀ ਕੌਂਸਲ ਦੇ ਅਨੁਸਾਰ ਇਜ਼ਰਾਈਲੀ ਫੌਜ ਨੇ ਆਪਣੇ ਫੌਜੀ ਕਾਰਵਾਈਆਂ ਨੂੰ ਅੰਜਾਮ ਦੇਣ ਲਈ ਕਈ ਖੇਤਰਾਂ ਲਈ ਨਿਕਾਸੀ ਦੇ ਆਦੇਸ਼ ਜਾਰੀ ਕੀਤੇ ਹਨ। ਇਸ ਆਰਡਰ ਤੋਂ ਪ੍ਰਭਾਵਿਤ ਖੇਤਰ 1,470 ਵਰਗ ਕਿਲੋਮੀਟਰ (568 ਵਰਗ ਮੀਲ) ਤੋਂ ਵੱਧ ਨੂੰ ਕਵਰ ਕਰਦਾ ਹੈ, ਜੋ ਕਿ ਲੇਬਨਾਨ ਦੇ ਕੁੱਲ ਖੇਤਰਫਲ ਦਾ ਲਗਭਗ 14 ਪ੍ਰਤੀਸ਼ਤ ਹੈ।