ਫੈਡਰੇਸ਼ਨ ਆਫ਼ ਵੈਸਟਰਨ ਇੰਡੀਆ ਸਿਨੇ ਵਰਕਰਜ਼ ਨੇ ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਨੂੰ ਇਕ ਖ਼ਤ ਭੇਜ ਕੇ ਦੱਸਿਆ ਹੈ ਕਿ ਫ਼ਿਲਮਾਂ ਦੀ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਬਾਅਦ ਕਿਹੜੀਆਂ-ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖਿਆ ਜਾਵੇਗਾ। ਨਾਲ ਹੀ ਸੰਗਠਨ ਨੇ ਉਨ੍ਹਾਂ ਦਿਸ਼ਾ-ਨਿਰਦੇਸ਼ਾਂ ਦੀ ਸੂਚੀ ਵੀ ਪੱਤਰ ਦੇ ਨਾਲ ਭੇਜੀ ਹੈ, ਜਿਸਦਾ ਵੇਰਵਾ ਹੇਠ ਲਿਖੇ ਅਨੁਸਾਰ ਹੈ:-
- ਸ਼ੂਟਿੰਗ ਦੌਰਾਨ ਸੈੱਟ ‘ਤੇ ਆਉਣ ਵਾਲੇ ਸਾਰੇ ਵਰਕਰਜ਼ ਤੇ ਕਰੂਅ ਮੈਂਬਰਾਂ ਦੀ ਲੋੜੀਂਦੀ ਜਾਂਚ ਲਾਜ਼ਮੀ ਹੈ।
- ਕਰੂਅ ਦੇ ਸਾਰੇ ਮੈਂਬਰਾਂ ਨੂੰ ਸਟੂਡੀਓ ਜਾਂ ਇਕ ਹੋਟਲ ‘ਚ ਰਹਿਣਾ ਪਵੇਗਾ ਤੇ ਸ਼ੂਟਿੰਗ ਖ਼ਤਮ ਹੋਣ ਤੱਕ ਬਾਹਰੀ ਲੋਕਾਂ ਦੇ ਨਾਲ ਸੰਪਰਕ ਨਾ ਕਰਨਾ ਤੇ ਨਾ ਹੀ ਬਾਹਰ ਜਾਣ।
- ਕਰੂਅ ਮੈਂਬਰਾਂ ਨੂੰ ਮਾਸਕ, ਦਸਤਾਨੇ ਆਦਿ ਦੇਣੇ ਪੈਣਗੇ ਤੇ ਸਫਾਈ ਦੀ ਖ਼ਾਸ ਵਿਵਸਥਾ ਕਰਨੀ ਪਵੇਗੀ।
- ਕਰੂਅ ਦੇ ਸਾਰੇ ਮੈਂਬਰਾਂ ਨੂੰ ਮਾਸਕ, ਸ਼ੀਲਡ, ਹੈਂਡ ਸੈਨੇਟਾਈਜ਼ਰ ਆਦਿ ਦਿੱਤੇ ਜਾਣੇ ਚਾਹੀਦੇ ਹਨ।
- ਸੈੱਟ ‘ਤੇ ਮੌਜੂਦ ਸਾਰੇ ਕਰੂਅ ਮੈਂਬਰਾਂ ਨੂੰ ਹੈਲਥੀ ਤੇ ਸਾਫ਼ ਖਾਣਾ ਉਪਲਬਧ ਕਰਵਾਉਣਾ ਚਾਹੀਦਾ ਹੈ।
- ਇਨਡੋਰ ਸ਼ੂਟਿੰਗ ‘ਚ ਘੱਟ ਤੋਂ ਘੱਟ ਕਰੂਅ ਮੈਂਬਰਾਂ ਨੂੰ ਆਗਿਆ ਦਿੱਤੀ ਜਾਵੇਗੀ।
- ਪੋਸਟ ਪ੍ਰੋਡਕਸ਼ਨ ਦੇ ਕੰਮ ਲਈ ਘੱਟ ਤੋਂ ਘੱਟ ਵਰਕ ਫੋਰਸ ਹੋਵੇਗੀ।
- ਫਿਜ਼ੀਕਲ ਡਿਸਟੈਂਸ ਰੱਖਣਾ ਪਵੇਗਾ।
- ਪ੍ਰੋਡਕਸ਼ਨ ਲਈ ਇਸਤੇਮਾਲ ਹੋਣ ਵਾਲੇ ਸਮਾਨ ਨੂੰ ਸੈਨੀਟਾਈਜ਼ ਕੀਤਾ ਜਾਣਾ ਚਾਹੀਦਾ ਹੈ।
- ਯੂਨਿਟ ਦੇ ਸਾਰੇ ਮੈਂਬਰਾਂ ਨੂੰ ਕੋਵਿਡ-19 ਟੈਸਟ ਦੇ ਬਾਅਦ ਹੀ ਕੰਮ ਸ਼ੂਰੂ ਕਰਵਾਉਣਾ ਚਾਹੀਦਾ ਹੈ।
- 4 ਮਹੀਨੇ ਤੱਕ 60 ਸਾਲ ਜਾਂ ਇਸ ਤੋਂ ਜ਼ਿਆਦਾ ਉਪਰ ਦੇ ਲੋਕਾਂ ਤੇ ਗਰਭਵਤੀ ਔਰਤਾਂ ਨੂੰ ਸੈੱਟ ‘ਤੇ ਨਹੀਂ ਆਉਣ ਦਿੱਤਾ ਜਾਵੇਗਾ।
- ਹਰ ਸੈੱਟ ‘ਤੇ ਐਬੂਲੈਂਸ ਤੇ ਡਾਕਟਰ ਜ਼ਰੂਰ ਹੋਵੇਗਾ।
- ਸੈੱਟ ‘ਤੇ ਕਿਸੇ ਦਾ ਕੋਈ ਵੀ ਰਿਸ਼ਤੇਦਾਰ ਜਾਂ ਫਿਰ ਦੋਸਤ ਨਹੀਂ ਆਵੇਗਾ।
- 8 ਘੰਟਿਆਂ ਦੀ ਸ਼ਿਫਟ ਦੇ ਆਧਾਰ ‘ਤੇ ਦਿਨ ‘ਚ ਦੋ ਸ਼ਿਫਟਾਂ ਵੰਡੀਆਂ ਜਾਣਗੀਆਂ।
- ਜੇ ਕੋਈ ਵੀ ਵਿਅਕਤੀ ਸੈੱਟ ‘ਤੇ ਜਾਂ ਸ਼ੂਟਿੰਗ ਲਈ ਯਾਤਰਾ ਕਰਨ ਦੇ ਬਾਅਦ ਕੋਰੋਨਾ ਵਾਇਰਸ ਪਾਜ਼ੇਟਿਵ ਪਾਇਆ ਜਾਂਦਾ ਹੈ ਤਾਂ ਉਸ ਦਾ ਨਿੱਜੀ ਹਸਪਤਾਲ ‘ਚ ਇਲਾਜ ਕੀਤਾ ਜਾਵੇਗਾ।
