‘ਬੱਚਨ ਪਾਂਡੇ’ ਫਿਲਮ ਦੇ ਟਾਈਟਲ ’ਚ ਬਦਲਾਅ

ਬੱਚਨ ਪਾਂਡੇ ਸਾਲ 2022 ਦੀਆਂ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਫਿਲਮਾਂ ’ਚੋਂ ਇੱਕ ਹੈ ਤੇ ਇਹ ਸਿਨੇਮਾਘਰਾਂ ’ਚ ਅਕਸ਼ੇ ਦੀ ਪਹਿਲੀ ਰਿਲੀਜ਼ ਹੋਵੇਗੀ। ਖਿਡਾਰੀ ਦੇ ਪ੍ਰਸ਼ੰਸਕਾਂ ’ਚ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸੁਕਤਾ ਹੈ। ਮੰਗਲਵਾਰ ਨੂੰ ਅਕਸ਼ੇ ਕੁਮਾਰ ਨੇ ਫਿਲਮ ਦੇ ਟ੍ਰੇਲਰ ਦੀ ਜਾਣਕਾਰੀ ਨਵੇਂ ਲੁੱਕ ਦੇ ਪੋਸਟਰ ਨਾਲ ਸਾਂਝੀ ਕੀਤੀ। ਅਕਸ਼ੈ ਨੇ ਲਿਖਿਆ-ਇਹ ਇੱਕ ਅਜਿਹਾ ਕਿਰਦਾਰ ਹੈ ਜਿਸ ’ਚ ਪੇਂਟ ਦੀ ਦੁਕਾਨ ਤੋਂ ਜ਼ਿਆਦਾ ਸ਼ੇਡਜ਼ ਦੇਖਣ ਨੂੰ ਮਿਲਣਗੇ। ਬੱਚਨ ਪਾਂਡੇ ਤੁਹਾਨੂੰ ਡਰਾਉਣ, ਹਸਾਉਣ ਤੇ ਰੋਣ ਲਈ ਤਿਆਰ ਹਨ। ਕਿਰਪਾ ਕਰਕੇ ਉਸ ਨੂੰ ਆਪਣਾ ਪਿਆਰ ਦਿਓ। ਟ੍ਰੇਲਰ 18 ਫਰਵਰੀ ਨੂੰ ਆ ਰਿਹਾ ਹੈ। ਅਕਸ਼ੇ ਦੁਆਰਾ ਸ਼ੇਅਰ ਕੀਤੇ ਗਏ ਪੋਸਟਰ ’ਤੇ ਬੱਚਨ ਪਾਂਡੇ ਦੇ ਅੰਗਰੇਜ਼ੀ ਟਾਈਟਲ ਦਾ ਸਪੈਲਿੰਗ ਬਦਲਿਆ ਹੋਇਆ ਨਜ਼ਰ ਆ ਰਿਹਾ ਹੈ। ਪੋਸਟਰ ’ਤੇ ਅਕਸ਼ੇ ਕੁਮਾਰ ਦਾ ਲੁੱਕ ਸੱਚਮੁੱਚ ਡਰਾਉਣਾ ਹੈ। ਪੋਸਟਰ ’ਤੇ ਲਾਈਨ ’ਚ ਲਿਖਿਆ ਹੈ- ਮੈਨੂੰ ਭਰਾ ਨਹੀਂ, ਸਗੋਂ ਗਾਡਫਾਦਰ ਕਿਹਾ ਜਾਂਦਾ ਹੈ।ਨਵੇਂ ਪੋਸਟਰ ’ਤੇ ਬੱਚਨ ਪਾਂਡੇ ਦੀ ਸਪੈਲਿੰਗ BACHCHHAN PAANDEY ਲਿਖਿਆ ਗਿਆ ਹੈ, ਯਾਨੀ ਸਿਰਲੇਖ ’ਚ ਇੱਕ 8 ਅਤੇ ਇੱਕ 1 ਜੋੜਿਆ ਗਿਆ ਹੈ। ਇਸ ਤੋਂ ਪਹਿਲਾਂ 18 ਜਨਵਰੀ ਨੂੰ ਜਦੋਂ ਫਿਲਮ ਦੀ ਨਵੀਂ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਗਿਆ ਸੀ ਤਾਂ ਪੋਸਟਰ ’ਤੇ ਬੱਚਨ ਪਾਂਡੇ ਦਾ ਸਪੈਲਿੰਗ BACHCHAN PANDEY ਦਿੱਤਾ ਗਿਆ ਸੀ।

ਜ਼ਿਕਰਯੋਗ ਹੈ ਕਿ ਬੱਚਨ ਪਾਂਡੇ ਨੂੰ ਫਰਹਾਦ ਸਾਮਜੀ ਨੇ ਡਾਇਰੈਕਟ ਕੀਤਾ ਹੈ, ਜਦੋਂ ਕਿ ਨਿਰਮਾਤਾ ਸਾਜਿਦ ਨਾਡਿਆਡਵਾਲਾ ਹਨ, ਜਿਨ੍ਹਾਂ ਨਾਲ ਅਕਸ਼ੇ ਕੁਮਾਰ ਦੀ ਲੰਬੀ ਸਾਂਝ ਹੈ। ਫਰਹਾਦ ਇਸ ਤੋਂ ਪਹਿਲਾਂ ਅਕਸ਼ੇ ਕੁਮਾਰ ਦੀ ਐਂਟਰਟੇਨਮੈਂਟ, ਹਾਊਸਫੁੱਲ 3 ਤੇ ਹਾਊਸਫੁੱਲ 4 ਨਾਲ ਜੁੜ ਚੁੱਕੇ ਹਨ। ਇਸ ਐਕਸ਼ਨ-ਕਾਮੇਡੀ ਫਿਲਮ ’ਚ ਕ੍ਰਿਤੀ ਸੈਨਨ, ਜੈਕਲੀਨ ਫਰਨਾਂਡੀਜ਼ ਤੇ ਅਰਸ਼ਦ ਵਾਰਸੀ ਅਹਿਮ ਭੂਮਿਕਾਵਾਂ ’ਚ ਨਜ਼ਰ ਆਉਣਗੇ।

ਬੱਚਨ ਪਾਂਡੇ ਦੀ ਫਿਲਮ ਪਹਿਲਾਂ ਜਨਵਰੀ ’ਚ ਰਿਲੀਜ਼ ਹੋਣੀ ਸੀ ਪਰ ਦਸੰਬਰ-ਜਨਵਰੀ ’ਚ ਕੋਰੋਨਾ ਵਾਇਰਸ ਦੇ ਮਾਮਲੇ ਵਧਣ ਤੋਂ ਬਾਅਦ ਫਿਲਮਾਂ ਦੀ ਰਿਲੀਜ਼ ਨੂੰ ਟਾਲ ਦਿੱਤਾ ਗਿਆ ਸੀ। ਬੱਚਨ ਪਾਂਡੇ ਤੋਂ ਇਲਾਵਾ ਅਕਸ਼ੇ ਦੀ ਪ੍ਰਿਥਵੀਰਾਜ, ਰਾਮ ਸੇਤੂ ਤੇ ਰਕਸ਼ਾ ਬੰਧਨ ਵੀ 2022 ’ਚ ਰਿਲੀਜ਼ ਹੋਣ ਜਾ ਰਹੀ ਹੈ।