ਪੁਤਿਨ ਦੇ ਜਹਾਜ਼ ਨੂੰ ਏਅਰਕ੍ਰਾਫਟ ਨੰਬਰ 01 ਕਿਹਾ ਜਾਂਦਾ ਹੈ, ਜਿਸ ਨੂੰ ਫਲਾਇੰਗ ਕ੍ਰੇਮਲਿਨ ਵੀ ਕਿਹਾ ਜਾਂਦਾ ਹੈ। ਇਸ ਜਹਾਜ਼ ਨੂੰ Ilyusin Il-96-300PU ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਇਹ ਇਕ ਬਹੁਤ ਹੀ ਆਧੁਨਿਕ ਅਤੇ ਵਿਸ਼ੇਸ਼ ਜਹਾਜ਼ ਹੈ ਜੋ ਸਾਰੀ ਤਕਨੀਕ ਨਾਲ ਲੈਸ ਹੈ। ਹੁਣ ਤੱਕ, ਰੂਸ ਦੇ ਰਾਸ਼ਟਰਪਤੀਆਂ ਲਈ Il-96 ਜਹਾਜ਼ਾਂ ਦੇ ਕਈ ਸੰਸ਼ੋਧਿਤ ਰੂਪ ਵਿਕਸਿਤ ਕੀਤੇ ਗਏ ਹਨ। ਇਸ ਜਹਾਜ਼ ਦੀ ਵਰਤੋਂ ਸਭ ਤੋਂ ਪਹਿਲਾਂ ਰੂਸ ਦੇ ਪਹਿਲੇ ਰਾਸ਼ਟਰਪਤੀ ਬੋਰਿਸ ਯੇਲਤਸਿਨ ਨੇ ਕੀਤੀ ਸੀ। ਹੁਣ ਪੁਤਿਨ ਆਪਣੇ ਵਧੇਰੇ ਵਿਕਸਤ ਜਹਾਜ਼ਾਂ ਦੀ ਵਰਤੋਂ ਕਰਦੇ ਹਨ।
ਇਹ ਇਕ ਬਹੁਤ ਹੀ ਖਾਸ ਏਅਰਕ੍ਰਾਫਟ ਹੈ, ਜਿਸ ਰਾਹੀਂ ਉਹ ਕਿਸੇ ਵੀ ਉਚਾਈ ‘ਤੇ ਲਿਜਾ ਸੰਦੇਸ਼ ਭੇਜ ਅਤੇ ਪ੍ਰਾਪਤ ਕਰ ਸਕਦੇ ਹਨ। ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਦੁਨੀਆ ਵਿਚ ਕਿਤੇ ਵੀ ਹੋਵੇ ਜਾਂ ਕਿਸੇ ਵੀ ਉਚਾਈ ‘ਤੇ ਹੋਵੇ, ਇਸ ਦੀ ਵਿਸ਼ੇਸ਼ ਸੰਚਾਰ ਪ੍ਰਣਾਲੀ ਹਰ ਜਗ੍ਹਾ ਕੰਮ ਕਰਦੀ ਹੈ। ਇਸ ਨਾਲ ਦੁਨੀਆ ਦੇ ਕਿਸੇ ਵੀ ਕੋਨੇ ਤੋਂ ਸੰਦੇਸ਼ ਭੇਜੇ ਅਤੇ ਪ੍ਰਾਪਤ ਕੀਤੇ ਜਾ ਸਕਦੇ ਹਨ।
ਇਸ ਵਿੱਚ 04 ਕਾਨਫਰੰਸ ਰੂਮ ਹਨ। ਪੁਤਿਨ ਦਾ ਇੱਕ ਜਿਮ ਹੈ। ਨਾਲ ਹੀ ਬੈੱਡਰੂਮ ਅਤੇ ਇੱਕ ਵੱਖਰਾ ਸਪੇਸ ਕਾਨਫਰੰਸ ਰੂਮ ਵੀ ਹੈ। ਇਸ ਤੋਂ ਇਲਾਵਾ ਇੱਥੇ ਇੱਕ ਡਾਇਨਿੰਗ ਰੂਮ ਵੀ ਹੈ। ਜਦੋਂ ਪੁਤਿਨ ਇਸ ਵਿੱਚ ਸਫ਼ਰ ਕਰਦੇ ਹਨ, ਤਾਂ ਉਹ ਇਸ ਵਿੱਚ ਭੋਜਨ ਖਾਂਦੇ ਹਨ। ਅਕਸਰ ਉਨ੍ਹਾਂ ਦੇ ਨਾਲ ਆਉਣ-ਜਾਣ ਵਾਲੇ ਮਹਿਮਾਨ ਵੀ ਇਸ ਦੀਆਂ ਸੁਵਿਧਾਵਾਂ ਦਾ ਫਾਇਦਾ ਉਠਾਉਂਦੇ ਹਨ।
ਪੁਤਿਨ ਇਸ ਬਹੁਤ ਹੀ ਆਰਾਮਦਾਇਕ ਅਤੇ ਸੁਰੱਖਿਅਤ ਜਹਾਜ਼ ਦੀ ਵਰਤੋਂ ਦੇਸ਼-ਵਿਦੇਸ਼ ਦੀਆਂ ਯਾਤਰਾਵਾਂ ਲਈ ਕਰਦੇ ਹਨ। ਜਦੋਂ ਉਹ ਇਸ ਜਹਾਜ਼ ‘ਚ ਸਫਰ ਕਰਦੇ ਹਨ ਤਾਂ ਕੋਈ ਉਸ ਦਾ ਵਾਲ ਵੀ ਵਿੰਗਾ ਨਹੀਂ ਕਰ ਸਕਦਾ। ਇਸ ‘ਤੇ ਹਵਾਈ ਹਮਲਾ ਨਹੀਂ ਕੀਤਾ ਜਾ ਸਕਦਾ। ਇਹ ਜਹਾਜ਼ ਲੇਜ਼ਰ ਐਂਟੀ-ਮਿਜ਼ਾਈਲ ਸੁਰੱਖਿਆ ਨਾਲ ਲੈਸ ਹੈ। ਨਾ ਹੀ ਕੋਈ ਰਾਕਟ ਜਾਂ ਬੰਦੂਕ ਇਸ ਨੂੰ ਨਿਸ਼ਾਨਾ ਬਣਾ ਸਕਦਾ ਹੈ। ਇਸ ਦੀ ਨਿਯਮਤ ਜਾਂਚ ਕੀਤੀ ਜਾਂਦੀ ਹੈ। ਇਸ ਨੂੰ ਹਫ਼ਤੇ ਵਿੱਚ ਇੱਕ ਵਾਰ ਉਡਾ ਕੇ ਜ਼ਰੂਰ ਦੇਖਿਆ ਜਾਂਦਾ ਹੈ।
ਆਮ ਤੌਰ ‘ਤੇ ਜਹਾਜ਼ ਦੋ ਇੰਜਣਾਂ ਦਾ ਹੁੰਦਾ ਹੈ ਪਰ ਇਹਦੇ 04 ਇੰਜਣ ਹੈ। ਇਹ 55 ਮੀਟਰ ਲੰਬਾ ਅਤੇ ਖੰਭਾਂ ਵਾਲਾ 60 ਮੀਟਰ ਚੌੜਾ ਹੁੰਦਾ ਹੈ। ਇਸ ਦੀ ਰਫ਼ਤਾਰ 900 ਕਿਲੋਮੀਟਰ ਪ੍ਰਤੀ ਘੰਟਾ ਹੁੰਦੀ ਹੈ। ਕਿਹਾ ਜਾਂਦਾ ਹੈ ਕਿ ਜਦੋਂ ਇਹ ਜਹਾਜ਼ ਪੁਤਿਨ ਲਈ ਬਣਾਇਆ ਜਾ ਰਿਹਾ ਸੀ, ਉਦੋਂ ਉਹ ਰੂਸ ਦੇ ਪ੍ਰਧਾਨ ਮੰਤਰੀ ਸਨ, ਉਹ ਖੁਦ ਏਅਰਕ੍ਰਾਫਟ ਪਲਾਂਟ ‘ਚ ਜਾ ਕੇ ਇਸ ਦੀ ਨਿਗਰਾਨੀ ਕਰਦੇ ਸਨ।
ਦਰਅਸਲ ਰਾਸ਼ਟਰਪਤੀ ਦੇ ਜਹਾਜ਼ਾਂ ਨਾਲ ਵੀ ਇਸੇ ਤਰ੍ਹਾਂ ਦੇ ਜਹਾਜ਼ਾਂ ਦਾ ਬੇੜਾ ਚੱਲਦਾ ਹੈ। ਤਿੰਨ ਜਹਾਜ਼ ਬਿਲਕੁਲ ਇੱਕੋ ਜਿਹੇ ਹਨ। ਪੁਤਿਨ ਦੀ ਹਰ ਫੇਰੀ ਵਿੱਚ ਇਹ ਜਹਾਜ਼ ਅੱਗੇ-ਪਿੱਛੇ ਜਾਂਦੇ ਹਨ। ਉਹ 15-15 ਮਿੰਟਾਂ ਦੇ ਅੰਤਰਾਲ ‘ਤੇ ਛੱਡੇ ਜਾਂਦੇ ਹਨ। ਇਸ ਦਾ ਇਕ ਕਾਰਨ ਸੁਰੱਖਿਆ ਹੈ ਅਤੇ ਇਕ ਕਾਰਨ ਇਹ ਹੈ ਕਿ ਪੁਤਿਨ ਜਿੱਥੇ ਵੀ ਜਾ ਰਹੇ ਹਨ, ਜੇਕਰ ਉਨ੍ਹਾਂ ਦੇ ਜਹਾਜ਼ ਵਿਚ ਕੋਈ ਨੁਕਸ ਪੈ ਜਾਵੇ ਤਾਂ ਉਹ ਤੁਰੰਤ ਦੂਜੇ ਜਹਾਜ਼ ਦੀ ਵਰਤੋਂ ਸ਼ੁਰੂ ਕਰ ਦੇਵੇ।
ਪੁਤਿਨ ਜਦੋਂ ਇਸ ਵਿੱਚ ਸਫ਼ਰ ਕਰਦੇ ਹਨ ਤਾਂ ਮੰਨਿਆ ਜਾਂਦਾ ਹੈ ਕਿ ਇਸ ਜਹਾਜ਼ ਵਿੱਚ ਰਹਿ ਕੇ ਉਹ ਪੂਰੇ ਰੂਸ ਨੂੰ ਕੰਟਰੋਲ ਕਰ ਸਕਦੇ ਹਨ। ਇੰਨਾ ਹੀ ਨਹੀਂ, ਇਸ ਖਾਸ ਜਹਾਜ਼ ‘ਚ ਰਾਸ਼ਟਰਪਤੀ ਦਾ ਐਟਮੀ ਕੰਟਰੋਲ ਬਟਨ ਵੀ ਲੱਗਾ ਹੋਇਆ ਹੈ, ਮਤਲਬ ਕਿ ਜਹਾਜ਼ ‘ਚ ਰਹਿੰਦੇ ਹੋਏ ਉਹ ਦੇਸ਼ ਦੇ ਪਰਮਾਣੂ ਹਥਿਆਰਾਂ ਨੂੰ ਵੀ ਕੰਟਰੋਲ ਕਰ ਸਕਦਾ ਹੈ ਜਾਂ ਉਸ ਦਾ ਹਮਲਾ ਕਰਨ ਵਾਲਾ ਬਟਨ ਦਬਾ ਸਕਦੇ ਹਨ, ਜਿਸ ਨਾਲ ਰੂਸ ਦੀ ਐਟਮੀ ਅਟੈਕ ਸਿਸਟਮ ਤੁਰੰਤ ਐਕਟੀਵੇਟ ਹੋ ਜਾਵੇਗੀ। ਪੁਤਿਨ ਦੇ ਏਅਰਕ੍ਰਾਫਟ ਨੰਬਰ 01 ਜਹਾਜ਼ ਦੀ ਕੀਮਤ 716 ਮਿਲੀਅਨ ਡਾਲਰ ਹੈ।