ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ ਦਾ ਹੋਇਆ ਬ੍ਰੇਕਅੱਪ? ਇਨ੍ਹਾਂ ਜੋੜਿਆ ਦਾ ਵੀ ਟੁੱਟ ਚੁੱਕੈ ਰਿਸ਼ਤਾ

ਮੁੰਬਈ – ਬਾਲੀਵੁੱਡ ਦੀ ਸਤ੍ਰੀ ਸ਼ਰਧਾ ਕਪੂਰ ਆਪਣੀ ਆਉਣ ਵਾਲੀ ਹੌਰਰ ਕਾਮੇਡੀ ਫ਼ਿਲਮ ਸਤ੍ਰੀ 2 ਨੂੰ ਲੈ ਕੇ ਸੁਰਖੀਆਂ ’ਚ ਹੈ। ਇਹ ਫ਼ਿਲਮ 15 ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਦੌਰਾਨ ਖ਼ਬਰ ਆਈ ਹੈ ਕਿ ਸ਼ਰਧਾ ਕਪੂਰ ਦਾ ਆਪਣੇ ਕਥਿਤ ਬੁਆਏਫ੍ਰੈਂਡ ਰਾਹੁਲ ਮੋਦੀ ਨਾਲ ਬ੍ਰੇਕਅੱਪ ਹੋ ਗਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਸ਼ਰਧਾ ਨੇ ਰਾਹੁਲ ਮੋਦੀ ਨੂੰ ਇੰਸਟਾਗ੍ਰਾਮ ’ਤੇ ਅਨਫਾਲੋ ਕਰ ਦਿੱਤਾ ਹੈ। ਆਪਣੇ ਪੂਰੇ ਪਰਿਵਾਰ ਨੂੰ ਵੀ ਅਨਫਾਲੋ ਕਰ ਦਿੱਤਾ। ਹਾਲ ਹੀ ’ਚ ਕੁਝ ਨਵੇਂ ਜੋੜੇ ਵੀ ਵੱਖ ਹੋਏ ਹਨ, ਜਿਨ੍ਹਾਂ ਦੇ ਬ੍ਰੇਕਅੱਪ ਦੀਆਂ ਖ਼ਬਰਾਂ ਅਜੇ ਵੀ ਚਰਚਾ ’ਚ ਹਨ।ਸ਼ਰਧਾ ਕਪੂਰ ਅਤੇ ਰਾਹੁਲ ਮੋਦੀ ; ਸ਼ਰਧਾ ਕਪੂਰ ਅਤੇ ਰਾਹੁਲ ਮੋਦੀ ਆਪਣੇ ਰਿਸ਼ਤੇ ਨੂੰ ਲੈ ਕੇ ਵਾਰ-ਵਾਰ ਸੁਰਖੀਆਂ ’ਚ ਰਹਿੰਦੇ ਹਨ। ਅਚਾਨਕ ਉਨ੍ਹਾਂ ਦੇ ਬ੍ਰੇਕਅੱਪ ਦੀ ਖ਼ਬਰ ਨੇ ਮਾਹੌਲ ਬਦਲ ਦਿੱਤਾ ਹੈ। ਕਿਹਾ ਜਾ ਰਿਹਾ ਹੈ ਕਿ ਸ਼ਰਧਾ ਅਤੇ ਰਾਹੁਲ ਹੁਣ ਵੱਖ ਹੋ ਗਏ ਹਨ। ਇਸ ਦੇ ਨਾਲ ਹੀ ਫ਼ਿਲਮ ਸਤ੍ਰੀ 2 ਦੇ ਪ੍ਰਮੋਸ਼ਨ ’ਚ ਰੁੱਝੀ ਸ਼ਰਧਾ ਨੇ ਅਜੇ ਤੱਕ ਇਨ੍ਹਾਂ ਖ਼ਬਰਾਂ ’ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।ਆਦਿਤਿਆ ਰਾਏ ਕਪੂਰ ਅਤੇ ਅਨੰਨਿਆ ਪਾਂਡੇ ; ਇਸ ਤੋਂ ਪਹਿਲਾਂ ਆਦਿਤਿਆ ਰਾਏ ਕਪੂਰ ਅਤੇ ਅਨੰਨਿਆ ਪਾਂਡੇ ਆਪਣੇ ਰਿਸ਼ਤੇ ਨੂੰ ਲੈ ਕੇ ਸੁਰਖੀਆਂ ’ਚ ਸਨ। ਅਨੰਨਿਆ ਅਤੇ ਆਦਿਤਿਆ ਨੂੰ ਕਈ ਮੌਕਿਆਂ ’ਤੇ ਇਕੱਠੇ ਦੇਖਿਆ ਗਿਆ ਸੀ ਪਰ ਅਚਾਨਕ ਉਨ੍ਹਾਂ ਦਾ ਰਿਸ਼ਤਾ ਵੀ ਖ਼ਤਮ ਹੋ ਗਿਆ ਅਤੇ ਆਦਿਤਿਆ ਦਾ ਨਾਂ ਉਨ੍ਹਾਂ ਦੀ ਆਉਣ ਵਾਲੀ ਫ਼ਿਲਮ ਮੈਟਰੋ ਇਨ ਦਿਨੋਂ ਦੀ ਸਹਿ-ਅਦਾਕਾਰਾ ਸਾਰਾ ਅਲੀ ਖ਼ਾਨ ਨਾਲ ਜੋੜਿਆ ਜਾ ਰਿਹਾ ਹੈ।ਆਧਾਰ ਜੈਨ ਅਤੇ ਤਾਰਾ ਸੁਤਾਰੀਆ ; ਇਸ ਦੇ ਨਾਲ ਹੀ ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਤਾਰਾ ਸੁਤਾਰੀਆ ਅਤੇ ਐਕਟਰ ਆਧਾਰ ਜੈਨ ਦਾ ਰਿਸ਼ਤਾ ਵੀ ਜ਼ਿਆਦਾ ਸਮਾਂ ਨਹੀਂ ਚੱਲ ਸਕਿਆ। ਦੋਹਾਂ ਦੀ ਗੱਲਬਾਤ ਵਿਆਹ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ ਰੁਕ ਗਈ। ਇਸ ਦੇ ਨਾਲ ਹੀ ਤਾਰਾ ਨੇ ਸੋਸ਼ਲ ਮੀਡੀਆ ’ਤੇ ਆਪਣੇ ਬ੍ਰੇਕਅੱਪ ਦੀ ਖ਼ਬਰ ਦੀ ਪੁਸ਼ਟੀ ਕੀਤੀ ਸੀ। ਆਧਾਰ ਜੈਨ ਅਦਾਕਾਰ ਰਣਬੀਰ ਕਪੂਰ ਦੇ ਪਿਤਾ ਰਿਸ਼ੀ ਕਪੂਰ ਦੀ ਭੈਣ ਰੀਮਾ ਕਪੂਰ ਦਾ ਬੇਟਾ ਹੈ। ਸਿਧਾਂਤ ਚਤੁਰਵੇਦੀ ਅਤੇ ਨਵਿਆ ਨਵੇਲੀ ਨੰਦਾ ; ਬਾਲੀਵੁੱਡ ਦੇ ਮਸ਼ਹੂਰ ਜੋੜਿਆਂ ’ਚੋਂ ਗਲੀ ਬੁਆਏ ਸਟਾਰ ਸਿਧਾਂਤ ਚਤੁਰਵੇਦੀ ਅਤੇ ਨਵਿਆ ਨਵੇਲੀ ਨੰਦਾ ਸਾਲ 2022 ਤੋਂ ਸੁਰਖੀਆਂ ’ਚ ਹਨ। ਕਥਿਤ ਜੋੜੇ ਨੂੰ ਕਈ ਮੌਕਿਆਂ ’ਤੇ ਇਕੱਠੇ ਵੀ ਦੇਖਿਆ ਗਿਆ ਹੈ। ਹਾਲਾਂਕਿ ਦੋਹਾਂ ਨੇ ਕਦੇ ਵੀ ਆਪਣੇ ਰਿਸ਼ਤੇ ਨੂੰ ਸਵੀਕਾਰ ਨਹੀਂ ਕੀਤਾ ਅਤੇ ਇਸ ਤੋਂ ਪਹਿਲਾਂ ਵੀ ਉਨ੍ਹਾਂ ਦੇ ਵੱਖ ਹੋਣ ਦੀ ਖ਼ਬਰ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ।