ਲੇਨੀ ਪੈਲਿਸਟਰ ਨੇ ਪਿਛਲੇ ਸਾਲ ਓਲੰਪਿਕ ਖੇਡਾਂ ਵਿੱਚ ਸਥਾਪਤ ਆਸਟ੍ਰੇਲੀਅਨ ਮਹਿਲਾ 800 ਮੀਟਰ ਫ੍ਰੀਸਟਾਈਲ ਤੈਰਾਕੀ (ਸਵੀਮਿੰਗ) ਵਿੱਚ ਏਰੀਆਰਨ ਟਿਟਮਸ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪੈਲਿਸਟਰ ਦਾ 8:10.84 ਦਾ ਸਮਾਂ ਪੁਰਾਣੇ ਰਿਕਾਰਡ ਨਾਲੋਂ ਇੱਕ ਸਕਿੰਟ ਤੋਂ ਵੀ ਵੱਧ ਤੇਜ਼ ਸੀ ਅਤੇ ਉਸਦੇ ਪਿਛਲੇ ਨਿੱਜੀ ਸਭ ਤੋਂ ਵਧੀਆਂ ਨਾਲੋਂ ਪੰਜ ਸਕਿੰਟ ਘੱਟ ਸੀ। ਇਸਨੂੰ ਸਾਲ ਦੀ ਤੀਜੀ ਸਭ ਤੋਂ ਤੇਜ਼ ਤੈਰਾਕੀ ਵੀ ਮੰਨਿਆ ਗਿਆ ਹੈ।
ਪੈਲਿਸਟਰ ਨੂੰ ਪਹਿਲਾਂ ਉਸਦੀ ਮਾਂ ਜੈਨੇਲ ਐਲਫੋਰਡ ਦੁਆਰਾ ਕੋਚਿੰਗ ਦਿੱਤੀ ਗਈ ਸੀ ਪਰ ਇਸ ਸਾਲ, ਟਿਟਮਸ ਦੇ ਕੋਚ ਡੀਨ ਬੌਕਸਾਲ ਦੀ ਅਗਵਾਈ ਦੇ ਹੇਠ ਕੁਈਨਜ਼ਲੈਂਡ ਵਿੱਚ ਸੇਂਟ ਪੀਟਰਸ ਸਕੁਐਡ ਦੇ ਵਿੱਚ ਸਕੁਐਡ ਦੇ ਵਿੱਚ ਸ਼ਾਮਿਲ ਹੋ ਗਈ ਹੈ।
ਪੈਲਿਸਟਰ ਨੇ ਆਪਣੀ ਗੌਡਮਦਰ ਅਤੇ ਆਸਟ੍ਰੇਲੀਅਨ ਤੈਰਾਕੀ ਚੈਂਪੀਅਨ ਡਾਨ ਫਰੇਜ਼ਰ ਨਾਲ ਪੂਲ ਸਾਈਡ ‘ਤੇ ਭਾਵਨਾਤਮਕ ਜੱਫੀ ਪਾਉਣ ਤੋਂ ਬਾਅਦ ਕਿਹਾ ਕਿ, “ਮੈਨੂੰ ਨਹੀਂ ਪਤਾ ਸੀ ਕਿ ਮੈਂ ਦੌੜ ਦੌਰਾਨ ਕਿਹੜਾ ਸਮਾਂ ਪ੍ਰਾਪਤ ਕਰਨ ਜਾ ਰਹੀ ਹਾਂ, ਮੈਂ ਉਸ ਸਮੇਂ ਤੋਂ ਸੱਚਮੁੱਚ ਬਹੁਤ ਖੁਸ਼ ਹਾਂ। ਮੈਨੂੰ ਅੱਠ-ਦਸ ਤੋਂ ਘੱਟ ਸਮਾਂ ਚਾਹੀਦਾ ਸੀ ਪਰ ਮੈਨੂੰ ਲੱਗਦਾ ਹੈ ਕਿ ਅਗਲੇ ਤਿੰਨ ਸਾਲ ਬਹੁਤ ਵੱਡੇ ਹਨ, ਇਸ ਲਈ ਸੇਂਟ ਪੀਟਰਸ ਵਿੱਚ ਸਾਰਿਆਂ ਨਾਲ ਅੱਠ ਹਫ਼ਤੇ, 10 ਹਫ਼ਤੇ ਕੰਮ ਕਰਨਾ ਬਹੁਤ ਵੱਡੀ ਗੱਲ ਹੈ। ਮੈਂ ਸਿੰਗਾਪੁਰ ਵਿੱਚ ਅਗਲੇ ਮਹੀਨੇ ਹੋਣ ਵਾਲੀ ਵਿਸ਼ਵ ਚੈਂਪੀਅਨਸ਼ਿਪ ਦੀ ਤਿਆਰੀ ਦੇ ਲਈ ਕੰਮ ‘ਤੇ ਵਾਪਸ ਜਾਣ ਲਈ ਕਾਹਲੀ ਸੀ, ਪਰ ਨਤੀਜਾ ਉਸਦੇ ਟੀਚਿਆਂ ਨੂੰ ਨਹੀਂ ਬਦਲਦਾ ਹੈ, ਇਹ ਅਸਲ ਵਿੱਚ ਬਹੁਤ ਜ਼ਿਆਦਾ ਨਹੀਂ ਬਦਲਦਾ। ਮੈਨੂੰ ਲੱਗਦਾ ਹੈ ਕਿ ਮੈਂ ਇਸ ਸਾਲ ਨੂੰ ਦੌੜ ਲਾਉਣ, ਮੌਜ-ਮਸਤੀ ਕਰਨ ਦੇ ਲਈ ਵਰਤ ਰਹੀ ਹਾਂ।”
ਕਈ ਓਲੰਪਿਕ ਗੋਲਡ ਮੈਡਲ ਜੇਤੂ ਕਾਇਲੀ ਮੈਕਈਓਨ ਨੇ ਐਡੀਲੇਡ ਵਿੱਚ ਰਾਸ਼ਟਰੀ ਤੈਰਾਕੀ ਟਰਾਇਲਾਂ ਵਿੱਚ 200 ਮੀਟਰ ਬੈਕਸਟ੍ਰੋਕ ਜਿੱਤ ਕੇ ਆਪਣਾ ਤੀਜਾ ਖਿਤਾਬ ਜਿੱਤਿਆ ਹੈ। ਰਾਸ਼ਟਰੀ ਮੁਕਾਬਲਿਆਂ ਵਿੱਚ ਤਿੰਨ ਵਿੱਚੋਂ ਤਿੰਨ ਦੌੜਾਂ ਜਿੱਤਣ ਦੇ ਬਾਵਜੂਦ, ਮੈਕਈਓਨ ਜਾਂ ਤਾਂ ਆਪਣੇ ਸਮੇਂ ਦੀ ਆਲੋਚਨਾ ਕਰ ਰਹੀ ਹੈ, ਜਾਂ ਵੀਰਵਾਰ ਵਾਂਗ, ਨਰਮ ਰਵੱਈਆ ਅਪਣਾ ਰਹੀ ਹੈ। ਇਸ ਸਾਲ 200 ਮੀਟਰ ਵਿੱਚ ਉਸਦਾ ਸਮਾਂ ਦੁਨੀਆ ਵਿੱਚ ਸਭ ਤੋਂ ਤੇਜ਼ ਸੀ ਪਰ ਉਸਨੇ ਕਿਹਾ ਕਿ, “ਅਗਲੇ ਮਹੀਨੇ ਸਿੰਗਾਪੁਰ ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਸ਼ੁਰੂ ਹੋਣ ਤੋਂ ਬਾਅਦ ਇਹ ਕੋਈ ਮਾਇਨੇ ਨਹੀਂ ਰੱਖੇਗਾ। ਇਹ ਮਾਇਨੇ ਨਹੀਂ ਰੱਖਦਾ ਕਿ ਤੁਸੀਂ ਇੱਥੇ ਕੀ ਕਰਦੇ ਹੋ, ਇਹ ਇਸ ਗੱਲ ‘ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਅੰਤਰਰਾਸ਼ਟਰੀ ਮੀਟ ਵਿੱਚ ਉਸ ਦਿਨ ਕੀ ਕਰਦੇ ਹੋ। ਮੈਂ ਤੀਜੇ ਓਲੰਪਿਕ ਵਿੱਚ ਜਾਣਾ ਚਾਹੁੰਦੀ ਹਾਂ। ਮੈਂ ਅਮਰੀਕੀ ਧਰਤੀ ‘ਤੇ ਰਹਿਣਾ ਚਾਹੁੰਦੀ ਹਾਂ ਅਤੇ ਉਨ੍ਹਾਂ ਨੂੰ ਦਿਖਾਉਣਾ ਚਾਹੁੰਦੀ ਹਾਂ ਕਿ ਆਸਟ੍ਰੇਲੀਅਨਾਂ ਦੇ ਕੋਲ ਕੀ ਹੈ।”
ਦੂਜੇ ਸਥਾਨ ‘ਤੇ ਰਹਿਣ ਵਾਲੀ ਹੰਨਾਹ ਫਰੈਡਰਿਕਸ, ਜੋ ਪਹਿਲੀ ਵਾਰ ਆਸਟ੍ਰੇਲੀਅਨ ਟੀਮ ਵਿੱਚ ਸ਼ਾਮਿਲ ਹੋਈ ਹੈ, ਨੇ ਕਿਹਾ ਕਿ ਮੈਕਕੌਨ ਅਤੇ ਮੌਲੀ ਓਕਲਾਘਨ ਵਰਗੇ ਖਿਡਾਰੀਆਂ ਨੂੰ ਆਪਣੇ ਸਮੇਂ ਦੀ ਆਲੋਚਨਾ ਕਰਦੇ ਦੇਖਣਾ ਮੁਸ਼ਕਲ ਸੀ। ਮੈਂ ਉਦਾਹਰਣ ਵਜੋਂ, ਕਾਇਲੀ ਅਤੇ ਮੋਲ ਨੂੰ ਆਪਣਾ ਆਦਰਸ਼ ਮੰਨਦੀ ਹਾਂ ਅਤੇ ਉਨ੍ਹਾਂ ਨੂੰ ਆਪਣੇ ਆਪ ‘ਤੇ ਇੰਨਾ ਕਠੋਰ ਹੁੰਦੇ ਦੇਖਣਾ ਹਮੇਸ਼ਾ ਮੁਸ਼ਕਲ ਹੁੰਦਾ ਹੈ। ਮੈਕਕੌਨ ਨੇ ਤੈਰਾਕੀ ਤੋਂ ਬਾਅਦ ਮੈਨੂੰ ਵਧਾਈ ਦਿੱਤੀ ਅਤੇ ਕਿਹਾ, ‘ਮੈਂ ਤੁਹਾਡੇ ਲਈ ਬਹੁਤ ਖੁਸ਼ ਹਾਂ।”
ਰੀਓ ਗੋਲਡ ਮੈਡਲ ਜੇਤੂ ਕਾਇਲ ਚੈਲਮਰਸ ਨੇ ਪੁਰਸ਼ਾਂ ਦੀ 100 ਮੀਟਰ ਫ੍ਰੀਸਟਾਈਲ ਵਿੱਚ ਉਸ ਸਮੇਂ ਵਿੱਚ ਜਿੱਤ ਹਾਸਿਲ ਕੀਤੀ, ਜੋ ਪੈਰਿਸ ਓਲੰਪਿਕ ਵਿੱਚ ਸਿਲਵਰ ਮੈਡਲ ਜਿੱਤਣ ਦੇ ਲਈ ਉਸ ਦੁਆਰਾ ਤੈਰਾਕੀ ਸਮੇਂ ਨਾਲੋਂ ਵੀ ਘੱਟ ਸੀ।
ਹੋਰ ਨਤੀਜਿਆਂ ਵਿੱਚ ਬ੍ਰਿਟਨੀ ਕੈਸਟੇਲੁਜ਼ੋ ਨੇ ਔਰਤਾਂ ਦੀ 200 ਮੀਟਰ ਬਟਰਫਲਾਈ ਫਾਈਨਲ ਜਿੱਤ ਕੇ ਆਪਣੀ ਪਹਿਲੀ ਆਸਟ੍ਰੇਲੀਅਨ ਟੀਮ ਵਿੱਚ ਥਾਂ ਬਣਾਈ ਹੈ।