ਮੁੱਕਦੀ-ਮੁੱਕਦੀ ਮੁੱਕ ਜਾਣੀ ਇਹ ਜਿੰਦ ਨਿਮਾਣੀ,
ਹੋਲ਼ੀ-ਹੋਲ਼ੀ ਖਤਮ ਹੋ ਜਾਉ ਸਭ ਦੀ ਕਹਾਣੀ।
ਹਰ ਕੋਈ ਬਣਿਆ ਫਿਰਦਾ ਦੁਨੀਆਂ ਦਾ ਰਾਜਾ,
ਰਾਜਾ ਉਹ ਜੋ ਕਲਯੁੱਗ ਵਿੱਚ ਪੜ੍ਹਦਾ ਬਾਣੀ।
ਇੰਨੇ ਦੁੱਖ,ਦਰਦ-ਕਲੇਸ਼ ਤੂੰ ਮਨ ਵਿੱਚ ਚੁੱਕੀ ਫ਼ਿਰਦਾ,
ਗ਼ਾਫ਼ਿਲ ਹੋਇਆ ਕਿਉਂ ਤੂੰ ਉਸਦੇ ਨਾਂ ਤੋਂ ਚਿਰ ਦਾ,
ਫ਼ਿਰ ਵੀ ਲਾਲਚ ਦੇ ਵਿੱਚ ਫਸਿਆ ਤੂੰ ਮੇਰੇ ਹਾਣੀ,
ਰਾਜਾ ਉਹ ਜੋ ਕਲਯੁੱਗ ਵਿੱਚ ਪੜ੍ਹਦਾ ਬਾਣੀ।
ਕਰ ਤੂੰ ਕਾਰਜ ਸੋਚ ਕੇ ਕੋਈ ਚੱਜ ਦਾ ਝੱਲਿਆ,
ਜਿਸਦੀ ਖ਼ਾਤਰ ਓਸ ਨੇ ਇਸ ਜਗ ਵਿੱਚ ਘੱਲਿਆ,
ਸੱਚ ਨਾਨਕ ਜੀ ਦਾ ਸਮਝਾਇਆ ਤੂੰ ਝੂਠ ਨਾ ਜਾਣੀ,
ਰਾਜਾ ਉਹ ਜੋ ਕਲਯੁੱਗ ਵਿੱਚ ਪੜ੍ਹਦਾ ਬਾਣੀ।
———————00000———————