ਆਸਟ੍ਰੇਲੀਆ ਦੇ ਮਿਲੀਅਨਾਂ ਦੀ ਗਿਣਤੀ ਦੇ ਵਿੱਚ ਆਸਟ੍ਰੇਲੀਅਨ ਲੋਕਾਂ ਨੂੰ ਅੱਜ ਰਾਤ ਨੂੰ ਇੱਕ ਘੰਟਾ ਘੱਟ ਸੌਣ ਨੂੰ ਮਿਲੇਗਾ। ਆਸਟ੍ਰੇਲੀਆ ਦੇ ਵਿੱਚ ਕੱਲ੍ਹ ਐਤਵਾਰ ਨੂੰ ਸਵੇਰੇ ਤੜਕੇ ‘ਡੇਅ ਲਾਈਟ ਸੇਵਿੰਗ’ ਲਾਗੂ ਹੋ ਜਾਵੇਗੀ ਅਤੇ ਘੜੀਆਂ ਇੱਕ ਘੰਟਾ ਅੱਗੇ ਹੋ ਜਾਣਗੀਆਂ। ਆਸਟ੍ਰੇਲੀਆ ਦੇ ਪੰਜ ਸੂਬਿਆਂ ਦੇ ਵਿੱਚ ਅੱਜ ਰਾਤ ਨੂੰ ਅਤੇ ਕੱਲ੍ਹ 5 ਅਕਤੂਬਰ ਨੂੰ ਸਵੇਰੇ ਤੜਕੇ 2 ਵਜੇ ਘੜੀਆਂ ਇੱਕ ਘੰਟਾ ਅੱਗੇ ਕਰ ਦਿੱਤੀਆਂ ਜਾਣਗੀਆਂ ਅਤੇ ਸਵੇਰੇ ਦਾ ਸਮਾਂ 2 ਵਜੇ ਦੀ ਥਾਂ 3 ਵਜੇ ਹੋ ਜਾਵੇਗਾ। ਟਾਇਮ ਘੜੀਆਂ ਦੇ ਵਿੱਚ ਇਸ ਬਦਲਾਅ ਦੇ ਨਾਲ ਲੋਕਾਂ ਲਈ ਨੀਂਦ ਦਾ ਇੱਕ ਘੰਟਾ ਘੱਟ ਹੋ ਜਾਵੇਗਾ।
ਡੇਅ ਲਾਈਟ ਸੇਵਿੰਗ ਟਾਈਮ ਹਰ ਸਾਲ ਅਕਤੂਬਰ ਦੇ ਪਹਿਲੇ ਐਤਵਾਰ ਤੋਂ ਸ਼ੁਰੂ ਹੁੰਦਾ ਹੈ ਅਤੇ ਅਪ੍ਰੈਲ ਦੇ ਪਹਿਲੇ ਐਤਵਾਰ ਤੱਕ ਜਾਰੀ ਰਹਿੰਦਾ ਹੈ, ਜਦੋਂ ਘੜੀਆਂ ਇੱਕ ਘੰਟਾ ਪਿੱਛੇ ਸੈੱਟ ਕੀਤੀਆਂ ਜਾਂਦੀਆਂ ਹਨ। ਸਮਾਰਟਫੋਨ ਅਤੇ ਹੋਰ ਸਮਾਰਟ ਡਿਵਾਈਸਾਂ ਉਪਰ ਟਾਇਮ ਆਪਣੇ ਆਪ ਅੱਪਡੇਟ ਹੋ ਜਾਂਦਾ ਹੈ ਜਦ ਕਿ ਐਨਾਲਾਗ ਘੜੀਆਂ ਨੂੰ ਖੁਦ ਆਪਣੇ ਹੱਥ ਦੇ ਨਾਲ ਅੱਗੇ ਵੱਲ ਮੋੜਨਾ ਪੈਂਦਾ ਹੈ। ਆਸਟ੍ਰੇਲੀਆ ਦੇ ਵਿੱਚ ਹਰ ਸਾਲ ਅਕਤੂਬਰ ਦੇ ਪਹਿਲੇ ਐਤਵਾਰ ਨੂੰ ਸਵੇਰੇ ਤੜਕੇ ਡੇਲਾਈਟ ਸੇਵਿੰਗ ਲਾਗੂ ਹੁੰਦੀ ਹੈ। ਡੇਲਾਈਟ ਸੇਵਿੰਗ ਟਾਈਮ ਛੇ ਮਹੀਨੇ ਬਾਅਦ ਅਪ੍ਰੈਲ ਦੇ ਪਹਿਲੇ ਐਤਵਾਰ ਨੂੰ ਸਵੇਰੇ 3 ਵਜੇ ਖਤਮ ਹੁੰਦੀ ਹੈ। ਉਸ ਦਿਨ ਘੜੀਆਂ ਇੱਕ ਘੰਟਾ ਪਿੱਛੇ, 2 ਵਜੇ ਸੈੱਟ ਕੀਤੀਆਂ ਜਾਂਦੀਆਂ ਹਨ ਜਿਸ ਨਾਲ ਸਵੇਰੇ ਹੋਰ ਵਧੇਰੇ ਦਿਨ ਦੀ ਰੌਸ਼ਨੀ ਮਿਲਦੀ ਹੈ। ਰੌਇਲ ਆਸਟ੍ਰੇਲੀਅਨ ਹਿਸਟਰੀ ਸੋਸਾਇਟੀ ਡੇਲਾਈਟ ਸੇਵਿੰਗ ਟਾਈਮ ਦੀ ਸ਼ੁਰੂਆਤ ਨੂੰ ਪਹਿਲੇ ਵਿਸ਼ਵ ਯੁੱਧ ਤੋਂ ਤੇਲ-ਬੱਚਤ ਦੇ ਇੱਕ ਉਪਾਅ ਵਜੋਂ ਦਰਸਾਉਂਦੀ ਹੈ। ਆਸਟ੍ਰੇਲੀਆ ਦੇ ਉੱਤਰੀ ਰਾਜਾਂ ਦੀ ਭੂਮੱਧ ਰੇਖਾ ਦੇ ਨੇੜੇ ਹੋਣ ਕਰਕੇ ਡੇਲਾਈਟ ਸੇਵਿੰਗ ਟਾਈਮ ਦੇ ਪ੍ਰਭਾਵ ਨੂੰ ਘੱਟ ਕਰਦੀ ਹੈ।
ਪਰ ਦਿਲਚਸਪ ਅਤੇ ਨੋਟ ਕਰਨ ਵਾਲੀ ਗੱਲ ਇਹ ਹੈ ਕਿ ਡੇਲਾਈਟ ਸੇਵਿੰਗ ਸਾਰੇ ਆਸਟ੍ਰੇਲੀਆ ਦੇ ਵਿੱਚ ਲਾਗੂ ਨਹੀਂ ਹੋਵੇਗੀ। ਇਹ ਸਿਰਫ਼ ਵਿਕਟੋਰੀਆ, ਨਿਊ ਸਾਊਥ ਵੇਲਜ਼, ਆਸਟ੍ਰੇਲੀਅਨ ਕੈਪੀਟਲ ਟੈਰੀਟਰੀ, ਸਾਉਥ ਆਸਟ੍ਰੇਲੀਆ ਅਤੇ ਤਸਮਾਨੀਆ ਦੇ ਵਿੱਚ ਹੀ ਲਾਗੂ ਹੋਵੇਗੀ। ਜਦਕਿ ਕੁਈਨਜ਼ਲੈਂਡ, ਵੈਸਟਰਨ ਆਸਟ੍ਰੇਲੀਆ ਅਤੇ ਨੌਰਦਰਨ ਟੈਰੇਟਰੀ ਦੇ ਵਿੱਚ ਡੇਲਾਈਟ ਸੇਵਿੰਗ ਲਾਗੂ ਨਹੀਂ ਹੋਵੇਗੀ ਅਤੇ ਉਥੇ ਦੀਆਂ ਘੜੀਆਂ ਅੱਗੇ ਨਹੀਂ ਕੀਤੀਆਂ ਜਾਣਗੀਆਂ।
ਡੇਅ ਲਾਈਟ ਸੇਵਿੰਗ ਸਬੰਧੀ ਕੁੱਝ ਖੋਜਕਰਤਾ ਦਲੀਲ ਦਿੰਦੇ ਹਨ ਕਿ ਡੇਅ ਲਾਈਟ ਸੇਵਿੰਗ ਨੀਂਦ ਵਿੱਚ ਵਿਘਨ ਪਾ ਸਕਦੀ ਹੈ ਅਤੇ ਸਰੀਰ ‘ਤੇ ਤਣਾਅ ਪਾ ਸਕਦੀ ਹੈ। ਸਲੀਪ ਹੈਲਥ ਫਾਊਂਡੇਸ਼ਨ ਦਾ ਕਹਿਣਾ ਹੈ ਕਿ ਡੇਲਾਈਟ ਸੇਵਿੰਗ ਟਾਈਮ ਦੇ ਅੰਤ ਵਿੱਚ ਇੱਕ ਘੰਟੇ ਦੀ ਘੱਟ ਨੀਂਦ ਨਾਲ ਮੁਸ਼ਕਲ ਹੋ ਸਕਦੀ ਹੈ। ਸਾਡੀ ਅੰਦਰੂਨੀ ਸਰੀਰ ਘੜੀ ਜਾਂ 24-ਘੰਟੇ ਸਰਕੇਡੀਅਨ ਤਾਲ ਨੂੰ ਸਮੇਂ ਦੇ ਬਦਲਾਅ ਦੇ ਅਨੁਕੂਲ ਹੋਣਾ ਚਾਹੀਦਾ ਹੈ। ਹਾਲਾਂਕਿ ਜ਼ਿਆਦਾਤਰ ਲੋਕ ਬਿਨਾਂ ਕਿਸੇ ਸਮੱਸਿਆ ਦੇ ਅਜਿਹਾ ਕਰ ਲੈਂਦੇ ਹਨ ਪਰ ਸਾਨੂੰ ਇਹ ਧਿਆਨ ਰੱਖਣ ਦੀ ਲੋੜ ਹੈ ਕਿ ਸਰੀਰ ਦੇ ਨਵੇਂ ਸਮੇਂ ਦੇ ਅਨੁਕੂਲ ਹੋਣ ਦੇ ਦੌਰਾਨ ਨੀਂਦ ਆ ਜਾਣ ਦੀ ਸੰਭਾਵਨਾ ਹੁੰਦੀ ਹੈ। ਸਿਹਤ ਮਾਹਿਰਾਂ ਦਾ ਸੁਝਾਅ ਹੈ ਕਿ ਸਰੀਰ ਕੁੱਝ ਯੋਜਨਾਬੱਧ ਤਰੀਕਿਆਂ ਦੇ ਨਾਲ ਡੇਲਾਈਟ ਸੇਵਿੰਗ ਟਾਈਮ ਨੂੰ ਵਧੇਰੇ ਆਸਾਨੀ ਨਾਲ ਅਨੁਕੂਲ ਬਣਾਇਆ ਜਾ ਸਕਦਾ ਹੈ। ਆਪਣੇ ਦਿਨ ਦੀ ਸ਼ੁਰੂਆਤ ਸੂਰਜ ਦੀ ਰੌਸ਼ਨੀ ਦੇ ਨਾਲ ਕਰਨ ਅਤੇ ਇੱਕ ਸਿਹਤਮੰਦ ਨਾਸ਼ਤਾ ਖਾਣ ਦੀ ਸਿਫਾਰਸ਼ ਜੋ ਇਸ ਤਬਦੀਲੀ ਵਿੱਚ ਮਦਦ ਕਰ ਸਕਦੀ ਹੈ। ਸੌਣ ਤੋਂ ਪਹਿਲਾਂ ਚਾਹ, ਕੈਫੀਨ, ਟੀਵੀ ਅਤੇ ਹੋਰ ਸਕਰੀਨ ਟਾਈਮ ਤੋਂ ਬਚਣ ਨਾਲ ਮਦਦ ਮਿਲਦੀ ਹੈ। ਸਿਹਤ ਮਾਹਿਰ ਡੇਲਾਈਟ ਸੇਵਿੰਗ ਟਾਈਮ ਲਾਗੂ ਹੋਣ ਤੋਂ ਬਾਅਦ ਸਵੇਰੇ ਇੱਕ ਆਰਾਮਦਾਇਕ ਸਵੇਰ ਦੀ ਯੋਜਨਾ ਬਨਾਉਣ ਦਾ ਸੁਝਾਅ ਵੀ ਦਿੰਦੇ ਹਨ ਜਿਸ ਵਿੱਚ ਕੰਮ ਤੋਂ ਬਾਅਦ ਝਪਕੀ ਲੈਣਾ ਵੀ ਸ਼ਾਮਲ ਹੈ। ਗਰਮ ਮਹੀਨਿਆਂ ਵਿੱਚ ਸੂਰਜ ਦੀ ਰੋਸ਼ਨੀ ਦਾ ਇੱਕ ਵਾਧੂ ਘੰਟਾ ਵਾਧੂ ਮਿਲਣ ਕਰਕੇ ਡੇਲਾਈਟ ਸੇਵਿੰਗ ਟਾਈਮ ਦੀ ਸ਼ੁਰੂਆਤ ਲਈ ਇੱਕ ਘੰਟਾ ਪਹਿਲਾਂ ਜਾਗਣ ਦੀ ਲੋੜ ਹੁੰਦੀ ਹੈ। ਨਿਊ ਸਾਊਥ ਵੇਲਜ਼ ਸਰਕਾਰ ਦੀ ਵੈੱਬਸਾਈਟ ਮੰਨਦੀ ਹੈ ਕਿ ਸਮੇਂ ਵਿੱਚ ਤਬਦੀਲੀ ਤੁਹਾਡੀ ਨੀਂਦ ਅਤੇ ਰੋਜ਼ਾਨਾ ਰੁਟੀਨ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਇੱਕ ਸੁਚਾਰੂ ਤਬਦੀਲੀ ਲਈ ਹਰ ਰਾਤ ਆਪਣੇ ਸੌਣ ਦੇ ਸਮੇਂ ਨੂੰ ਹੌਲੀ-ਹੌਲੀ 15 ਮਿੰਟ ਤੱਕ ਐਡਜਸਟ ਕਰੋ, ਆਪਣੀ ਸਰੀਰ ਦੀ ਘੜੀ ਨੂੰ ਰੀਸੈਟ ਕਰਨ ਲਈ ਸਵੇਰ ਦੀ ਰੌਸ਼ਨੀ ਦੀ ਵੱਧ ਤੋਂ ਵੱਧ ਵਰਤੋਂ ਕਰੋ ਅਤੇ ਵਿਘਨ ਤੋਂ ਬਚਣ ਲਈ ਆਪਣੀ ਨੀਂਦ ਦੇ ਸ਼ਡਿਊਲ ਦੇ ਨਾਲ ਇਕਸਾਰ ਰਹੋ।