ਕਰ ਭਲਾ ਹੋ ਭਲਾ
ਕਰੀਏ ਜੇਕਰ ਭਲਾ ਕਿਸੇ ਦਾ, ਭਲਾ ਸਾਡਾ ਵੀ ਹੁੰਦਾ।
ਜੋ ਵੀ ਕਿਸੇ ਦਾ ਬੁਰਾ ਚਿਤਵਦਾ, ਪਿੱਛੋਂ ਹੈ ਪਛਤਾਉਂਦਾ।
ਗੁਰੂ ਬਾਬਿਆਂ ਦੱਸਿਆ ਸਾਨੂੰ, ਚੜ੍ਹਦੀ ਕਲਾ ‘ਚ ਰਹਿਣਾ।
ਭਲਾ ਸਰਬੱਤ ਦਾ ਮੰਗਣਾ, ਇਹ ਹੈ ਮਾਨਵਤਾ ਦਾ ਗਹਿਣਾ।
ਪਰਉਪਕਾਰ,ਨਿਮਰਤਾ ਵਰਗੇ, ਗੁਣਾਂ ਨੂੰ ਬੰਨ੍ਹੀਏ ਪੱਲੇ।
ਹਰ ਕੋਈ ਸਤਿਕਾਰ ਬਖ਼ਸ਼ਦਾ, ਹੁੰਦੀ ਹਰ ਥਾਂ ਬੱਲੇ।
ਹਿਰਦੇ ਕਿਸੇ ਦੇ ਚੋਟ ਨਾ ਮਾਰੋ, ਸਮਝੋ ਸਭ ਨੂੰ ਹਾਣੀ।
ਮਾਨਵਤਾ ਦਾ ਧਰਮ ਵੱਡਾ ਹੈ, ਗੱਲ ਇਹ ਸੱਚੀ ਜਾਣੀ।
ਮਾਣ ਨਾ ਕਰੀਏ ਉੱਚ ਜਾਤ ਦਾ, ਦੁਖੀ ਦਾ ਦਰਦ ਵੰਡਾਈਏ।
‘ਨਵ ਸੰਗੀਤ’ ਦੀ ਹੈ ਇਹ ਇੱਛਾ : ਵੰਡ ਕੇ ਰਲਮਿਲ ਖਾਈਏ।
———————00000———————