ਨਵੀਂ ਦਿੱਲੀ – ਨੈਸ਼ਨਲ ਰਾਈਫਲ ਐਸੋਸੀਏਸ਼ਨ ਆਫ ਇੰਡੀਆ (ਐਨ.ਆਰ.ਏ.ਆਈ.) ਨੇ ਬੁੱਧਵਾਰ ਨੂੰ ਦੇਸ਼ ਵਿਚ ਖੇਡ ਦੀ ਪਹਿਲੀ ਫਰੈਂਚਾਇਜ਼ੀ ਆਧਾਰਿਤ ਲੀਗ ਦਾ ਐਲਾਨ ਕੀਤਾ, ਜਿਸ ਦਾ ਨਾਂ ‘ਇੰਡੀਅਨ ਸ਼ੂਟਿੰਗ ਲੀਗ’ ਰੱਖਿਆ ਗਿਆ ਹੈ। ਐਨਆਰਏਆਈ ਦੇ ਪ੍ਰਧਾਨ ਕਲਿਕੇਸ਼ ਨਰਾਇਣ ਸਿੰਘ ਦੇਵ ਦੇ ਪ੍ਰਸਤਾਵ ਨੂੰ ਰਾਸ਼ਟਰੀ ਫੈਡਰੇਸ਼ਨ ਦੀ ਗਵਰਨਿੰਗ ਬਾਡੀ ਨੇ ਮਨਜ਼ੂਰੀ ਦਿੱਤੀ। ਇਸ ਲੀਗ ਲਈ ਵਿੰਡੋ (ਟੂਰਨਾਮੈਂਟ ਦੇ ਆਯੋਜਨ ਦਾ ਸਮਾਂ) ਖੇਡ ਦੀ ਗਲੋਬਲ ਗਵਰਨਿੰਗ ਬਾਡੀ ਇੰਟਰਨੈਸ਼ਨਲ ਸ਼ੂਟਿੰਗ ਸਪੋਰਟਸ ਫੈਡਰੇਸ਼ਨ ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਤੈਅ ਕੀਤਾ ਜਾਵੇਗਾ। ਲੀਗ ਦਾ ਪਹਿਲਾ ਸੈਸ਼ਨ ਮਾਰਚ ਵਿੱਚ ਹੋਵੇਗਾ।ਕਲੀਕੇਸ਼ ਨੇ ਕਿਹਾ, “ਪੈਰਿਸ ਓਲੰਪਿਕ ਵਿੱਚ ਹਾਲ ਹੀ ਦੇ ਪ੍ਰਦਰਸ਼ਨ ਤੋਂ ਬਾਅਦ ਨਿਸ਼ਾਨੇਬਾਜ਼ੀ ਦੀ ਪ੍ਰਸਿੱਧੀ ਵਿੱਚ ਬਹੁਤ ਵਾਧਾ ਹੋਇਆ ਹੈ ਅਤੇ ਅਸੀਂ ਸੋਚਿਆ ਕਿ ਇਹ ਲੀਗ ਸ਼ੁਰੂ ਕਰਨ ਦਾ ਸਹੀ ਸਮਾਂ ਹੈ,” ਕਲੀਕੇਸ਼ ਨੇ ਕਿਹਾ, “ਅਸੀਂ ਦੇਖਿਆ ਹੈ ਕਿ ਆਈਪੀਐਲ ਦੁਆਰਾ ਆਯੋਜਿਤ ਫਰੈਂਚਾਈਜ਼ਡ ਲੀਗ ਕਿੰਨੀ ਚੰਗੀ ਹੈ ਇਸ ਨੇ ਨਾ ਸਿਰਫ਼ ਖੇਡ ਨੂੰ ਹਰਮਨਪਿਆਰਾ ਬਣਾਉਣ ਵਿਚ ਮਦਦ ਕੀਤੀ ਬਲਕਿ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਨੇ ਉਨ੍ਹਾਂ ਅਤੇ ਉਨ੍ਹਾਂ ਦੇ ਖਿਡਾਰੀਆਂ ਲਈ ਨਵੇਂ ਦਰਸ਼ਕ ਅਤੇ ਮਾਲੀਆ ਲਿਆਇਆ ਹੈ।” ਪੈਰਿਸ ਓਲੰਪਿਕ ਵਿਚ ਪਹਿਲੀ ਵਾਰ ਭਾਰਤੀ ਨਿਸ਼ਾਨੇਬਾਜ਼ਾਂ ਨੇ ਇਕ ਈਵੈਂਟ ਵਿਚ ਤਿੰਨ ਤਗਮੇ ਜਿੱਤੇ।
ਐਨ ਆਰ ਏ ਆਈ ਨੇ ਪਹਿਲੀ ਸ਼ੂਟਿੰਗ ਲੀਗ ਦਾ ਐਲਾਨ ਕੀਤਾ
