ਨਵੀਂ ਦਿੱਲੀ – ਜਿਨ੍ਹਾਂ ਦੇ ਮਾਪੇ ਦਿਲ ਦੀਆਂ ਬਿਮਾਰੀਆਂ ਤੋਂ ਪੀੜਤ ਬੱਚਿਆਂ ਦੀ ਸਰਜਰੀ ਲਈ ਇਲਾਜ ਦਾ ਖਰਚਾ ਨਹੀਂ ਚੁੱਕ ਸਕਦੇ ਗਾਇਕਾ ਉਨ੍ਹਾਂ ਬੱਚਿਆਂ ਲ਼ਈ ਫੰਡ ਇਕੱਠਾ ਕਰਦੀ ਹੈ। ਹਾਲ ਹੀ ਵਿੱਚ, ਉਸ ਨੇ ਇੰਦੌਰ ਦੇ ਇੱਕ ਅੱਠ ਸਾਲ ਦੇ ਦੀ ਸਰਜਰੀ ਕਰਵਾਈ। ਇਸ ਦੇ ਨਾਲ ਹੀ ਉਹ ਹੁਣ ਤੱਕ 3000 ਬੱਚਿਆਂ ਦੇ ਸਫਲ ਆਪ੍ਰੇਸ਼ਨ ਕਰਵਾ ਚੁੱਕੇ ਹਨ। ਪਲਕ ਆਪਣੇ ਫੰਡ ਰੇਜ਼ਰ, ਸੇਵਿੰਗ ਲਿਟਲ ਹਾਰਟਸ ਰਾਹੀਂ ਦਿਲ ਦੀਆਂ ਗੰਭੀਰ ਬਿਮਾਰੀਆਂ ਤੋਂ ਪੀੜਤ ਬੱਚਿਆਂ ਦੀ ਜਾਨ ਬਚਾ ਰਹੀ ਹੈ।
ਹਾਲ ਹੀ ਵਿੱਚ, ਉਸ ਨੇ ਆਪਣੀ ਪ੍ਰਾਪਤੀ ਬਾਰੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ’ਤੇ ਇੱਕ ਦਿਲ ਨੂੰ ਛੂਹ ਲੈਣ ਵਾਲਾ ਵੀਡੀਓ ਪੋਸਟ ਕੀਤਾ। 11 ਜੂਨ ਨੂੰ, ਪਲਕ ਨੇ ਇੰਦੌਰ ਦੇ ਇੱਕ ਅੱਠ ਸਾਲ ਦੇ ਲੜਕੇ ਆਲੋਕ ਸਾਹੂ ਦਾ ਇੱਕ ਵੀਡੀਓ ਸਾਂਝਾ ਕੀਤਾ, ਜਿਸ ਦੀ ਸਫਲਤਾਪੂਰਵਕ ਸਰਜਰੀ ਹੋਈ। ਉਨ੍ਹਾਂ ਨੇ ਲਿਖਿਆ, ‘ਆਲੋਕ ਵਾਸਤੇ ਕੀਤੀਆਂ ਤੁਹਾਡੀਆਂ ਦੁਆਵਾਂ ਲਈ ਧੰਨਵਾਦ! ਸਰਜਰੀ ਸਫਲ ਰਹੀ ਅਤੇ ਉਹ ਹੁਣ ਬਿਲਕੁਲ ਠੀਕ ਹਨ’
ਆਪਣੇ ਸਫਰ ਬਾਰੇ ਗੱਲ ਕਰਦੇ ਹੋਏ, ਪਲਕ ਨੇ ਕਿਹਾ, “ਜਦੋਂ ਮੈਂ ਮਿਸ਼ਨ ਸ਼ੁਰੂ ਕੀਤਾ ਸੀ, ਉਸ ਸਮੇਂ ਇੱਕ ਸੱਤ ਸਾਲ ਦੀ ਬੱਚੀ ਦੁਆਰਾ ਸ਼ੁਰੂ ਕੀਤੀ ਗਈ ਇੱਕ ਛੋਟੀ ਜਿਹੀ ਪਹਿਲ ਸੀ ਅਤੇ ਹੁਣ ਇਹ ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਮਿਸ਼ਨ ਬਣ ਗਿਆ ਹੈ ਕਿ ਇੱਥੇ 413 ਬੱਚੇ ਹਨ ਜੋ ਦਿਲ ਦੀਆਂ ਸਰਜਰੀਆਂ ਲਈ ਉਡੀਕ ਸੂਚੀ ਵਿੱਚ ਹਨ। ਪਰਮੇਸ਼ੁਰ ਨੇ ਮੈਨੂੰ ਅਜਿਹਾ ਕਰਨ ਲਈ ਇੱਕ ਮਾਧਿਅਮ ਵਜੋਂ ਚੁਣਿਆ ਹੈ।
ਉਸ ਨੇ ਅੱਗੇ ਕਿਹਾ ਕਿ ਜਦੋਂ ਉਹ ਫਿਲਮਾਂ ਲਈ ਨਹੀਂ ਗਾਉਂਦੀ ਸੀ, ਤਾਂ ਉਹ ਲਗਾਤਾਰ ਤਿੰਨ ਘੰਟੇ ਗਾਉਂਦੀ ਸੀ ਅਤੇ ਸਿਰਫ ਇੱਕ ਬੱਚੇ ਲਈ ਚੰਦਾ ਇਕੱਠਾ ਕਰਨ ਦੇ ਯੋਗ ਸੀ। ਜਿਵੇਂ-ਜਿਵੇਂ ਉਸ ਦੇ ਗੀਤ ਪ੍ਰਸਿੱਧ ਹੋਣ ਲੱਗੇ, ਉਸ ਦੀ ਫੀਸ ਵਧਦੀ ਗਈ। ਹੁਣ ਉਸ ਦਾ ਇੱਕ ਸੰਗੀਤ ਪ੍ਰੋਗਰਾਮ 13-14 ਸਰਜਰੀਆਂ ਦੇ ਖਰਚੇ ਨੂੰ ਪੂਰਾ ਕਰ ਸਕਦਾ ਹੈ, ਇਸ ਲਈ ਉਸ ਨੇ ਹਮੇਸ਼ਾ ਇਸ ਨੂੰ ਸਮਾਜ ਵਿੱਚ ਤਬਦੀਲੀ ਲਿਆਉਣ ਲਈ ਇੱਕ ਮਾਧਿਅਮ ਵਜੋਂ ਦੇਖਿਆ ਹੈ।
ਗਾਇਕਾ ਪਲਕ ਨੇ ਦਿਲ ਦੀ ਬਿਮਾਰੀ ਤੋਂ ਪੀੜਤ 3000 ਮਾਸੂਮ ਬੱਚਿਆਂ ਦੀ ਮੁਫ਼ਤ ਸਰਜਰੀ ਕਰਵਾਕੇ ਬਚਾਈ ਜਾਨ
