CulturePunjab

ਤ੍ਰਿਪੁਰਾ ਦੀ ਧਰਤੀ ‘ਤੇ ਸੀਬਾ ਦੇ ਗੱਭਰੂਆਂ ਨੇ ਪਾਈਆਂ ਧਮਾਲਾਂ !

ਸੀਬਾ ਸਕੂਲ ਦੀ ਭੰਗੜਾ ਟੀਮ ਨੂੰ ਅਗਰਤਲਾ (ਤ੍ਰਿਪੁਰਾ) ਵਿਖੇ ਸਨਮਾਨਿਤ ਕਰਦੇ ਹੋਏ 'ਵਿਰਾਸਤੀ-ਮੇਲੇ' ਦੇ ਪ੍ਰਬੰਧਕ। 
ਲਹਿਰਾਗਾਗਾ – ਦੇਸ਼ ਦੇ ਪੂਰਬੀ ਸੂਬੇ ਤ੍ਰਿਪੁਰਾ ਦੀ ਰਾਜਧਾਨੀ ਅਗਰਤਲਾ ਵਿਖੇ ਹੋਏ ‘ਵਿਰਾਸਤੀ ਮੇਲੇ’ ਦੌਰਾਨ ਸੀਬਾ ਇੰਟਰਨੈਸ਼ਨਲ ਪਬਲਿਕ ਸਕੂਲ, ਲਹਿਰਾਗਾਗਾ ਦੇ ਵਿਦਿਆਰਥੀਆਂ ਨੇ ਭੰਗੜੇ ਦੀ ਸ਼ਾਨਦਾਰ ਪੇਸ਼ਕਾਰੀ ਕਰਦਿਆਂ ਵੱਖ-ਵੱਖ ਸੂਬਿਆਂ ਤੋਂ ਆਏ ਨੌਜਵਾਨਾਂ ਦਾ ਦਿਲ ਜਿੱਤ ਲਿਆ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਸਕੂਲ ਪ੍ਰਬੰਧਕ ਕੰਵਲਜੀਤ ਸਿੰਘ ਢੀਂਡਸਾ ਨੇ ਦੱਸਿਆ ਕਿ ‘ਯੁਵਾ ਵਿਕਾਸ ਕੇਂਦਰ’ ਵੱਲੋਂ ਦੇਬਸੀਸ਼ ਮਜੂਮਦਾਰ, ਪਿੰਕੂ ਦਾਸ ਅਤੇ ਅਨੁਪਮ ਦੇਵਨਾਥ ਦੀ ਅਗਵਾਈ ਹੇਠ ਹੋਏ ਇਸ ਦੇਸ਼ ਪੱਧਰ ਯੁਵਾ ਮੇਲੇ ਦੌਰਾਨ ਵਿਦਿਆਰਥੀਆਂ ਨੂੰ ਦੇਸ਼ ਹੋਰਨਾਂ ਸੂਬਿਆਂ ਨਾਲ ਸੱਭਿਆਚਾਰਕ ਵਟਾਂਦਰੇ ਦਾ ਮੌਕਾ ਮਿਲਿਆ। ਇਸ ਵਿਰਾਸਤੀ-ਮੇਲੇ ਦੌਰਾਨ ਦੇਸ਼ ਦੀਆਂ ਅਹਿਮ ਸਖ਼ਸ਼ੀਅਤਾਂ ਨੇ ਸ਼ਮੂਲੀਅਤ ਕੀਤੀ। ਇਸ ਟੀਮ ਵਿੱਚ ਬਾਰਵੀਂ ਕਲਾਸ ਦੇ ਵਿਦਿਆਰਥੀਆਂ ਵਿੱਚ ਸ਼ੁਭਪ੍ਰੀਤ ਸਿੰਘ ਗੰਢੂਆਂ ਜਗਸੀਰ ਸਿੰਘ ਲਹਿਰਾ, ਮਹਿਸਫ਼ ਸੰਧੇ, ਪ੍ਰਭਜੋਤ ਸਿੰਘ ਸੁਨਾਮ, ਗੁਰਸ਼ਾਂਤ ਸਿੰਘ ਅਤੇ ਕੋਚ ਕਰਨ ਬਾਵਾ ਸ਼ਾਮਿਲ ਸਨ।
ਅਧਿਆਪਕ ਰਣਦੀਪ ਸੰਗਤਪੁਰਾ ਨੇ ਦੱਸਿਆ ਕਿ ਇਹ ਵਿਦਿਆਰਥੀ ਸੱਭਿਆਚਾਰਕ, ਖੇਡ, ਵਿਦਿਅਕ ਅਤੇ ਹੋਰ ਗਤੀਵਿਧੀਆਂ ਵਿੱਚ ਹਮੇਸ਼ਾ ਅੱਗੇ ਰਹਿੰਦੇ ਹੋਏ ਸ਼ਮੂਲੀਅਤ ਕਰਦੇ ਹਨ।

Related posts

ਅੱਜ ਦੀ ਸਿਆਸਤ ਵਿੱਚ ਅਸੂਲਾਂ ਦੀ ਥਾਂ ਸਿਆਸੀ ਲਾਭ ਲੈਣ ਦੀ ਸੋਚ ਹਾਵੀ – ਰਵੀਇੰਦਰ ਸਿੰਘ

admin

ਪੱਛੜੀਆਂ ਸ਼੍ਰੇਣੀਆਂ ਅਤੇ ਆਰਥਿਕ ਤੌਰ ਤੇ ਕਮਜ਼ੋਰ ਵਰਗਾਂ ਲਈ 3.44 ਕਰੋੜ ਰੁਪਏ ਦੀ ਰਾਸ਼ੀ ਜਾਰੀ: ਡਾ.ਬਲਜੀਤ ਕੌਰ

Bunty

ਮੀਤ ਹੇਅਰ ਨੇ ਉਚੇਰੀ ਸਿੱਖਿਆ ਵਿਭਾਗ ਨੂੰ ਏਡਿਡ ਤੇ ਪ੍ਰਾਈਵੇਟ ਕਾਲਜਾਂ ਦੀਆਂ ਬੇਨਿਯਮੀਆਂ ਦੀ ਜਾਂਚ ਲਈ ਉਚ ਪੱਧਰੀ ਕਮੇਟੀ ਬਣਾਉਣ ਲਈ ਕਿਹਾ

Bunty