ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ ਦੀ ਸਿੰਗਾਪੁਰ ਵਿੱਚ ਹੋਈ ਸਾਲਾਨਾ ਮੀਟਿੰਗ ਦੌਰਾਨ 2 ਨਵੀਆਂ ਟੀਮਾਂ ਨੂੰ ਐਸੋਸੀਏਟ ਮੈਂਬਰਾਂ ਵਜੋਂ ਸ਼ਾਮਲ ਕੀਤਾ ਗਿਆ ਹੈ। ਟੀਮੋਰ ਲੇਸਟੇ ਕ੍ਰਿਕਟ ਫੈਡਰੇਸ਼ਨ ਅਤੇ ਜ਼ੈਂਬੀਆ ਕ੍ਰਿਕਟ ਯੂਨੀਅਨ ਦੀਆਂ ਟੀਮਾਂ ਨੂੰ ਸ਼ਾਮਿਲ ਕੀਤੇ ਜਾਣ ਦੇ ਨਾਲ ਆਈਸੀਸੀ ਦੇ ਮੈਂਬਰਾਂ ਦੀ ਕੁੱਲ ਗਿਣਤੀ ਹੁਣ 110 ਹੋ ਗਈ ਹੈ।
ਜ਼ੈਂਬੀਆ ਨੂੰ 2003 ਵਿੱਚ ਆਈਸੀਸੀ ਦੀ ਐਸੋਸੀਏਟ ਮੈਂਬਰਸ਼ਿਪ ਮਿਲੀ ਸੀ ਪਰ ਸ਼ਾਸਨ ਅਤੇ ਪਾਲਣਾ ਦੇ ਮੁੱਦਿਆਂ ਕਾਰਨ 2019 ਵਿੱਚ ਇਸਦੀ ਮੈਂਬਰਸ਼ਿਪ ਰੱਦ ਕਰ ਦਿੱਤੀ ਗਈ ਸੀ। ਜ਼ੈਂਬੀਆ ਨੂੰ 2021 ਵਿੱਚ ਆਈਸੀਸੀ ਤੋਂ ਕੱਢ ਦਿੱਤਾ ਗਿਆ ਸੀ ਪਰ ਹੁਣ ਚਾਰ ਸਾਲ ਬਾਅਦ ਜ਼ੈਂਬੀਆ ਨੇ ਆਪਣੀਆਂ ਪ੍ਰਸ਼ਾਸਕੀ ਅਤੇ ਸੰਗਠਨਾਤਮਕ ਕਮੀਆਂ ਨੂੰ ਦੂਰ ਕਰਕੇ ਐਸੋਸੀਏਟ ਮੈਂਬਰਸ਼ਿਪ ਮੁੜ ਪ੍ਰਾਪਤ ਕੀਤੀ ਹੈ। ਹੁਣ ਜ਼ੈਂਬੀਆ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ ਵਿੱਚ ਸ਼ਾਮਲ ਹੋਣ ਵਾਲਾ 22ਵਾਂ ਅਫਰੀਕੀ ਦੇਸ਼ ਬਣ ਗਿਆ ਹੈ। ਟੀਮੋਰ-ਲੇਸਟੇ ਹੁਣ ਪੂਰਬੀ ਏਸ਼ੀਆ ਪ੍ਰਸ਼ਾਂਤ ਖੇਤਰ ਦਾ 10ਵਾਂ ਐਸੋਸੀਏਟ ਮੈਂਬਰ ਹੈ ਅਤੇ 22 ਸਾਲ ਪਹਿਲਾਂ 2003 ਵਿੱਚ ਫਿਲੀਪੀਨਜ਼ ਦੇ ਸ਼ਾਮਲ ਹੋਣ ਤੋਂ ਬਾਅਦ ਪਹਿਲਾ ਦੇਸ਼ ਹੈ।