ਨਿਊਯਾਰਕ ਦੇ ਸਿੱਖਾਂ ਨੇ ਨਫ਼ਰਤੀ ਹਮਲਿਆਂ ਤੋਂ ਬਾਅਦ ਸੁਰੱਖਿਆ ਦੀ ਕੀਤੀ ਮੰਗ

ਨਿਊਯਾਰਕ – ਅਮਰੀਕਾ ਦੇ ਨਿਊਯਾਰਕ ਵਿਚ ਨਫ਼ਰਤੀ ਅਪਰਾਧਾਂ ਦੇ 2 ਕਥਿਤ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਸ਼ਹਿਰ ਦੇ ਸਿੱਖ ਭਾਈਚਾਰੇ ਨੇ ਸੁਰੱਖਿਆ ਦੀ ਮੰਗ ਕੀਤੀ ਹੈ। ‘ਨਿਊਜ਼’ ਦੀ ਖ਼ਬਰ ਮੁਤਾਬਕ ਸਿੱਖ ਭਾਈਚਾਰੇ ਦੇ ਲੋਕ ਅਤੇ ਸਥਾਨਕ ਕਾਰੋਬਾਰੀ ਰਿਚਮੰਡ ਹਿੱਲ ਗੁਰਦੁਆਰੇ ਦੇ ਸਾਹਮਣੇ ਇਕੱਠੇ ਹੋਏ ਅਤੇ ਸੁਰੱਖਿਆ ਦੀ ਮੰਗ ਕੀਤੀ।ਪਿਛਲੇ ਹਫ਼ਤੇ ਇੱਕ ਐੱਮ.ਟੀ.ਏ. ਬੱਸ ਵਿਚ ਹਮਲੇ ਦਾ ਸ਼ਿਕਾਰ ਹੋਏ 19 ਸਾਲਾ ਮਨੀ ਸਿੰਘ ਸੰਧੂ ਨੇ ਕਿਹਾ, “ਜਦੋਂ ਮੈਂ ਘਰ ਤੋਂ ਬਾਹਰ ਨਿਕਲਦਾ ਹਾਂ ਤਾਂ ਮੈਂ ਸੁਰੱਖਿਅਤ ਮਹਿਸੂਸ ਨਹੀਂ ਕਰਦਾ ਹਾਂ। ਉਸ ਨੇ ਕੁਈਨਜ਼ ਵਿੱਚ ਇੱਕ ਬੱਸ ’ਤੇ ਕਥਿਤ ਨਫ਼ਰਤੀ ਅਪਰਾਧ ਨੂੰ “ਨਿਰਾਸ਼ਾਜਨਕ” ਦੱਸਿਆ।ਸੰਧੂ ‘’ਤੇ ਹਮਲੇ ਦੇ ਚਾਰ ਦਿਨ ਬਾਅਦ 68 ਸਾਲਾ ਜਸਮੇਰ ਸਿੰਘ ਨੂੰ ਰੋਡ ਰੇਜ ਦੇ ਮਾਮਲੇ ‘’ਚ ਕਥਿਤ ਤੌਰ ‘’ਤੇ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ ਸੀ। ਹਮਲੇ ਸਮੇਂ ਉਨ੍ਹਾਂ ਦੀ ਪਤਨੀ ਵੀ ਉੱਥੇ ਮੌਜੂਦ ਸੀ।ਜਸਮੇਰ ਸਿੰਘ ਦੇ ਪੁੱਤਰ ਸੁਬੇਗ ਮੁਲਤਾਨੀ ਨੇ ਦੱਸਿਆ, „ਉਸ ਨੇ ਮੇਰੇ ਪਿਤਾ ਦੇ ਸਿਰ ’ਤੇ ਜ਼ੋਰਦਾਰ ਹਮਲਾ ਕੀਤਾ। ਉਨ੍ਹਾਂ ਦੇ 2 ਦੰਦ ਟੁੱਟੇ ਹੋਏ ਸਨ।’’ ਉਨ੍ਹਾਂ ਨੇ ਆਪਣੇ ਪਿਤਾ ‘’ਤੇ ਹੋਏ ਹਮਲੇ ਨੂੰ ਨਫ਼ਰਤੀ ਅਪਰਾਧ ਨਾ ਮੰਨੇ ਜਾਣ ’ਤੇ ਦੁੱਖ ਅਤੇ ਨਾਰਾਜ਼ਗੀ ਜ਼ਾਹਰ ਕੀਤੀ। ਮੁਲਤਾਨੀ ਨੇ ਕਿਹਾ, ‘’ਮੇਰੇ ਪਿਤਾ ਨੇ ਪੱਗ ਬੰਨ੍ਹੀ ਹੋਈ ਸੀ ਅਤੇ ਹਮਲਾਵਰ ਨੇ ‘ਟਰਬਨ ਮੈਨ’ ਸ਼ਬਦ ਵਰਤਿਆ ਸੀ। ਇਹ ਨਫ਼ਰਤ ਸੀ।’’ ਸੁਬੇਗ ਨੇ ਕਿਹਾ ਕਿ ਉਸਨੇ ਨਫ਼ਰਤ ਅਪਰਾਧ ਵਜੋਂ ਮਾਮਲੇ ਦੀ ਜਾਂਚ ਕਰਨ ਲਈ ਅਧਿਕਾਰੀਆਂ ਨਾਲ ਸੰਪਰਕ ਕੀਤਾ ਸੀ।