ਅੱਜ 26 ਜੂਨ ਨੂੰ ਰਾਸ਼ਟਰੀ ‘ਬਾਰਕੋਡ ਦਿਵਸ’ ਹੈ। 26 ਜੂਨ ਨੂੰ ਮਨਾਇਆ ਜਾ ਰਿਹਾ ਰਾਸ਼ਟਰੀ ਬਾਰਕੋਡ ਦਿਵਸ 50 ਸਾਲਾਂ ਤੋਂ ਵੱਧ ਸ਼ੁੱਧਤਾ ਅਤੇ ਮੁਹਾਰਤ ਦੀ ਯਾਦ ਦਿਵਾਉਂਦਾ ਹੈ। ‘ਬਾਰਕੋਡ’ ਇੱਕ ਮਸ਼ੀਨ ਦੇ ਪੜ੍ਹਨਯੋਗ ਕੋਡ ਜੋ ਨੰਬਰਾਂ ਦੇ ਰੂਪ ਵਿੱਚ ਅਤੇ ਵੱਖ-ਵੱਖ ਚੌੜਾਈ ਦੀਆਂ ਸਮਾਨਾਂਤਰ ਰੇਖਾਵਾਂ ਦੇ ਪੈਟਰਨ ਵਿੱਚ ਹੁੰਦਾ ਹੈ। ਇਹ ਇੱਕ ਵਸਤੂ ‘ਤੇ ਛਾਪਿਆ ਜਾਂਦਾ ਹੈ ਅਤੇ ਇਸਨੂੰ ਖਾਸ ਕਰਕੇ ਸਟਾਕ ਕੰਟਰੋਲ ਲਈ ਵਰਤਿਆ ਜਾਂਦਾ ਹੈ। ਸਭ ਤੋਂ ਪਹਿਲਾ ਬਾਰਕੋਡ 1974 ਵਿੱਚ ਰਿਗਲੇ਼ ਦੇ ਜੂਸੀ ਫਰੂਟ ਗਮ ਦੇ ਇੱਕ ਪੈਕ ‘ਤੇ ਸਕੈਨ ਕੀਤਾ ਗਿਆ ਸੀ। ਇਹ ਉਦੋਂ ਸ਼ੁਰੂ ਹੋਇਆ ਸੀ ਜਦੋਂ ਇੱਕ ਕਲਰਕ ਨੇ ਅਮਰੀਕਾ ਦੇ ਟ੍ਰੌਏ, ਓਹੀਓ ਵਿੱਚ ਇੱਕ ਮਾਰਸ਼ ਸੁਪਰਮਾਰਕੀਟ ਵਿੱਚ ਰਿਗਲੇ ਦੇ ਜੂਸੀ ਫਰੂਟ ਗਮ ਦੇ 10-ਪੈਕ ਨੂੰ ਪਹਿਲੀ ਵਾਰ ਸਕੈਨ ਕੀਤਾ ਸੀ। ਉਸ ਦਿਨ ਤੋਂ ਹੀ ਬਾਰਕੋਡ ਪ੍ਰਣਾਲੀ ਨੇ ਦੁਨੀਆਂ ਨੂੰ ਬਦਲਣਾ ਸ਼ੁਰੂ ਕਰ ਦਿੱਤਾ ਸੀ। ਆਸਟ੍ਰੇਲੀਆ ਵਿੱਚ ਥੋੜ੍ਹੀ ਇਸ ਤੋਂ 5 ਸਾਲ ਬਾਅਦ ਬਾਰਕੋਡ 1979 ਵਿੱਚ ਆਇਆ ਅਤੇ ਉਦੋਂ ਤੋਂ ਇੱਕ ਵੱਡਾ ਉਤਪਾਦਕਤਾ ਬੂਸਟਰ ਬਣਿਆ ਹੋਇਆ ਹੈ।
ਸੈਂਟਰ ਫਾਰ ਇੰਟਰਨੈਸ਼ਨਲ ਇਕਨਾਮਿਕਸ ਦੀ ਇੱਕ ਨਵੀਂ ਰਿਪੋਰਟ ਅਤੇ GS1 ਆਸਟ੍ਰੇਲੀਆ ਦੁਆਰਾ ਕਮਿਸ਼ਨ ਕੀਤੀ ਗਈ ਹੈ, ਇੱਥੇ ਸਾਂਝੀ ਕਰ ਰਹੇ ਹਾਂ, ਲੱਗਦਾ ਹੈ ਕਿ ਤੁਹਾਨੂੰ ਦਿਲਚਸਪ ਲੱਗੇਗੀ। ਇਹ ਸਪਲਾਈ ਚੇਨ ਮਿਆਰਾਂ ਦੀ ਵਿਸ਼ਵ ਪੱਧਰ ‘ਤੇ ਮਾਨਤਾ ਪ੍ਰਾਪਤ ਪ੍ਰਣਾਲੀ ਹੈ ਜੋ ਬਾਰਕੋਡਾਂ ਨੂੰ ਸ਼ਕਤੀ ਪ੍ਰਦਾਨ ਕਰਦੀ ਹੈ। ਅੱਜ 26 ਜੂਨ ਨੂੰ ਰਾਸ਼ਟਰੀ ਬਾਰਕੋਡ ਦਿਵਸ ਦੇ ਨਾਲ ਜੀਐਸ1 ਆਸਟ੍ਰੇਲੀਆ ਦੀ ਇਹ ਨਵੀਂ ਰਿਪੋਰਟ ‘CIE ਆਰਥਿਕ ਪ੍ਰਭਾਵ ਰਿਪੋਰਟ’ ਦੱਸਦੀ ਹੈ ਕਿ ਬਾਰਕੋਡ ਪਹਿਲਾਂ ਹੀ ਸਾਡੇ ਘਰੇਲੂ ਉਤਪਾਦਨ ਦੇ ਵਿੱਚ ਸਾਲਾਨਾ 27.3 ਬਿਲੀਅਨ ਡਾਲਰ ਦਾ ਯੋਗਦਾਨ ਪਾਉਂਦੇ ਹਨ। ਇਸ ਨਵੀਂ ਰਿਪੋਰਟ ਦੇ ਅਨੁਸਾਰ, ਜੇਕਰ ਸਪਲਾਈ ਚੇਨ ਡੇਟਾ ਮਿਆਰਾਂ ਵਿੱਚ ਸੁਧਾਰ ਕੀਤਾ ਜਾਂਦਾ ਹੈ ਤਾਂ ਆਸਟ੍ਰੇਲੀਆ ਦੀ ਜੀਡੀਪੀ ਵਿੱਚ ਸਾਲਾਨਾ 50 ਬਿਲੀਅਨ ਡਾਲਰ ਤੱਕ ਦਾ ਵਾਧਾ ਹੋ ਸਕਦਾ ਹੈ। ਰਿਪੋਰਟ ਵਿੱਚ ਇਹ ਵੀ ਪਾਇਆ ਗਿਆ ਕਿ ਜੀਐਸ1 ਡੇਟਾ ਮਿਆਰਾਂ ਦੀ ਵਰਤੋਂ ਨੂੰ ਵਧਾਉਣ ਨਾਲ ਅਗਲੇ ਦਹਾਕੇ ਦੇ ਅੰਦਰ ਸਾਲਾਨਾ ਜੀਡੀਪੀ 50 ਬਿਲੀਅਨ ਡਾਲਰ ਤੱਕ ਵਧ ਸਕਦੀ ਹੈ ਜੋ ਕਿ ਪ੍ਰਤੀ ਵਿਅਕਤੀ 1,838 ਡਾਲਰ ਦੇ ਬਰਾਬਰ ਹੈ। ਇਹ ਮਿਆਰ ਜਿਨ੍ਹਾਂ ਨੂੰ ਬਾਰਕੋਡ ਵਜੋਂ ਸਭ ਤੋਂ ਵਧੀਆ ਮਾਨਤਾ ਪ੍ਰਾਪਤ ਹੈ, ਪ੍ਰਚੂਨ, ਸਿਹਤ ਸੰਭਾਲ, ਲੌਜਿਸਟਿਕਸ ਅਤੇ ਭੋਜਨ ਉਤਪਾਦਨ ਵਰਗੇ ਉਦਯੋਗਾਂ ਦੇ ਰੋਜ਼ਾਨਾ ਕਾਰਜਾਂ ਵਿੱਚ ਸ਼ਾਮਲ ਹਨ।
ਜੀਐਸ1 ਆਸਟ੍ਰੇਲੀਆ ਦੀ ਸੀਈਓ ਮਾਰੀਆ ਪਲਾਜ਼ੋਲੋ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ, ‘ਇਹ ਖੋਜ ਦਰਸਾਉਂਦੀ ਹੈ ਕਿ ਸਧਾਰਨ ਬਾਰਕੋਡ ਸਿਰਫ਼ ਪ੍ਰਚੂਨ ਵਪਾਰ ਲਈ ਹੀ ਮਹੱਤਵਪੂਰਨ ਨਹੀਂ ਹੈ, ਇਹ ਸਪਲਾਈ ਲੜੀ ਦੇ ਹਰ ਬਿੰਦੂ ਨੂੰ ਜੋੜਨ ਵਾਲੇ ਇੱਕ ਅਦਿੱਖ ਬੁਨਿਆਦੀ ਢਾਂਚੇ ਦਾ ਹਿੱਸਾ ਹੈ। ਜੀਐਸ1 ਡੇਟਾ ਮਿਆਰ ਡੇਟਾ ਦੀ ਪਛਾਣ ਕਰਨ, ਹਾਸਲ ਕਰਨ ਅਤੇ ਸਾਂਝਾ ਕਰਨ ਵਿੱਚ ਮਦਦ ਕਰਦੇ ਹਨ, ਇਹ ਯਕੀਨੀ ਬਣਾਉਂਦੇ ਹਨ ਕਿ ਸਹੀ ਜਾਣਕਾਰੀ ਸਹੀ ਸਮੇਂ ‘ਤੇ ਸਹੀ ਲੋਕਾਂ ਤੱਕ ਪਹੁੰਚੇ। ਇਹਨਾਂ ਮਾਰਗਦਰਸ਼ਕ ਮਾਪਦੰਡਾਂ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾਣਾ ਚਾਹੀਦਾ ਅਤੇ ਉਹਨਾਂ ਨੂੰ ਇੱਕ ਸੰਪਤੀ ਵਜੋਂ ਦੇਖਿਆ ਜਾਣਾ ਚਾਹੀਦਾ ਹੈ ਜੋ ਰਾਸ਼ਟਰੀ ਉਤਪਾਦਕਤਾ ਅਤੇ ਅੰਤਰ-ਸੰਗਠਨ ਸੰਚਾਰ ਨੂੰ ਵਧਾਉਂਦਾ ਹੈ। ਹਾਲਾਂਕਿ, ਸਪਲਾਈ ਲੜੀ ਦੇ ਮਾਪਦੰਡ ਜਿਸ ਵਿੱਚ ਬਾਰਕੋਡ ਸ਼ਾਮਲ ਹਨ, ਸਿਰਫ਼ ਉਦੋਂ ਕੰਮ ਕਰਦੇ ਹਨ ਜਦੋਂ ਕਾਰੋਬਾਰ ਅਤੇ ਉਹਨਾਂ ਦੇ ਭਾਈਵਾਲ ਇਕੱਠੇ ਕੰਮ ਕਰ ਰਹੇ ਹੁੰਦੇ ਹਨ, ਅਤੇ ਮਜ਼ਬੂਤ ਸਰਕਾਰੀ ਲੀਡਰਸ਼ਿਪ ਦੇ ਨਾਲ।’
ਪਲਾਜ਼ੋਲੋ ਨੇ ਕਿਹਾ ਕਿ, ‘ਜੀਐਸ1 ਮਿਆਰਾਂ ਨੂੰ ਵਿਆਪਕ ਤੌਰ ‘ਤੇ ਅਪਣਾਉਣ ਦਾ ਮਤਲਬ ਹੈ ਸਪਲਾਈ ਲੜੀ ਵਿੱਚ ਲਾਗਤ ਬੱਚਤ ਦੁਆਰਾ ਖਪਤਕਾਰਾਂ ਲਈ ਘੱਟ ਕੀਮਤਾਂ। ਇਸ ਤਰ੍ਹਾਂ ਤੁਸੀਂ ਉਤਪਾਦਕਤਾ ਨੂੰ ਵਧਾਉਂਦੇ ਹੋ, ਨਾ ਸਿਰਫ਼ ਇੱਕ ਕਾਰੋਬਾਰ ਵਿੱਚ ਸਗੋਂ ਪੂਰੀ ਅਰਥਵਿਵਸਥਾ ਵਿੱਚ। ਜੇਕਰ ਆਸਟ੍ਰੇਲੀਆ ਜੀਐਸ1 ਮਿਆਰਾਂ ਨੂੰ ਸਰਗਰਮੀ ਨਾਲ ਉਤਸ਼ਾਹਿਤ ਨਹੀਂ ਕਰਦਾ ਹੈ ਤਾਂ ਸਾਡੀਆਂ ਸਪਲਾਈ ਚੇਨਾਂ ਖੰਡਿਤ ਰਹਿਣਗੀਆਂ। ਉਤਪਾਦਕਤਾ ਦਾ ਅਰਥ ਹੈ ਚੁਸਤੀ ਨਾਲ ਕੰਮ ਕਰਨਾ ਅਤੇ ਇਹ ਉਹਨਾਂ ਪ੍ਰਣਾਲੀਆਂ ਨਾਲ ਸ਼ੁਰੂ ਹੁੰਦਾ ਹੈ ਜੋ ਇੱਕ ਦੂਜੇ ਨਾਲ ਗੱਲ ਕਰ ਸਕਦੇ ਹਨ। ਜੇਕਰ ਅਸੀਂ ਪ੍ਰਤੀਯੋਗੀ ਰਹਿਣਾ ਚਾਹੁੰਦੇ ਹਾਂ ਅਤੇ ਅੱਗੇ ਵਧਣਾ ਚਾਹੁੰਦੇ ਹਾਂ, ਤਾਂ ਸਾਨੂੰ ਡੇਟਾ ਮਿਆਰਾਂ ਨੂੰ ਰਾਸ਼ਟਰੀ ਬੁਨਿਆਦੀ ਢਾਂਚੇ ਵਜੋਂ ਮੰਨਣਾ ਹੋਵੇਗਾ।’
ਇਹ ਰਿਪੋਰਟ ਵਿਸ਼ਵ ਬਾਰਕੋਡ ਦਿਵਸ ਦੇ ਮੌਕੇ ‘ਤੇ ਲਾਂਚ ਕੀਤੀ ਗਈ ਹੈ, ਜੋ 26 ਜੂਨ, 1974 ਨੂੰ ਪਹਿਲੇ ਬਾਰਕੋਡ ਸਕੈਨ ਦੀ ਵਰ੍ਹੇਗੰਢ ਨੂੰ ਦਰਸਾਉਂਦੀ ਹੈ।