ਯੇਰੂਸ਼ਲਮ – ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦੀਆਂ ਮੁਸ਼ਕਲਾਂ ਵੱਧ ਗਈਆਂ ਹਨ। ਅਸਲ ਵਿਚ ਨੇਤਨਯਾਹੂ ਨੇ ਆਪਣੇ ਫ਼ੈਸਲਿਆਂ ਲਈ ਮੁਆਫ਼ੀ ਮੰਗਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਇਸ ਕਾਰਨ ਇਜ਼ਰਾਈਲ ਦੇ ਲੋਕਾਂ ਵਿੱਚ ਗੁੱਸਾ ਵਧਦਾ ਜਾ ਰਿਹਾ ਹੈ। 72% ਨਾਗਰਿਕ ਨੇਤਨਯਾਹੂ ਦਾ ਅਸਤੀਫ਼ਾ ਚਾਹੁੰਦੇ ਹਨ। ਦੂਜੇ ਪਾਸੇ ਟਾਈਮ ਮੈਗਜ਼ੀਨ ਨੇ 4 ਅਗਸਤ ਨੂੰ ਯੇਰੂਸ਼ਲਮ ਵਿੱਚ ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਵਿੱਚ ਗੱਲਬਾਤ ਦੀ ਸ਼ੁਰੂਆਤ ਵਿੱਚ ਉਸ ਨੂੰ ਪੁੱਛਿਆ, ਕੀ ਉਹ ਮੁਆਫ਼ੀ ਮੰਗਣਗੇ? ਨੇਤਨਯਾਹੂ ਨੇ ਕਿਹਾ, ਮਾਫੀ? ਮੈਨੂੰ ਅਫਸੋਸ ਹੈ ਕਿ ਅਜਿਹੀ ਘਟਨਾ ਵਾਪਰੀ। ਪਿੱਛੇ ਮੁੜ ਕੇ ਅਸੀਂ ਕਹਿ ਸਕਦੇ ਹਾਂ ਕਿ ਕੀ ਅਸੀਂ ਹਮਲੇ ਨੂੰ ਰੋਕਣ ਲਈ ਕੁਝ ਕਰ ਸਕਦੇ ਸੀ…? ਉਹ ਕਈ ਮੋਰਚਿਆਂ ‘ਤੇ ਸੰਘਰਸ਼ ਨੂੰ ਵਧਾਉਣ ਦੀ ਤਿਆਰੀ ਕਰ ਰਹੇ ਹਨ। ਉਨ੍ਹਾਂ ਦੀ ਨਜ਼ਰ ਲੇਬਨਾਨ ਵਿੱਚ ਹਿਜ਼ਬੁੱਲਾ, ਯਮਨ ਵਿੱਚ ਹੂਤੀ ਅਤੇ ਈਰਾਨ ‘ਤੇ ਹੈ। ਉਹ ਕਹਿੰਦੇ ਹਨ, ਅਸੀਂ ਹਮਾਸ ਹੀ ਨਹੀਂ, ਈਰਾਨ ਦੀ ਸਮੁੱਚੀ ਧੁਰੀ ਦਾ ਸਾਹਮਣਾ ਕਰ ਰਹੇ ਹਾਂ। ਸਾਨੂੰ ਆਪਣੀ ਸੁਰੱਖਿਆ ਨੂੰ ਚਾਰੇ ਪਾਸੇ ਮਜ਼ਬੂਤ ਕਰਨਾ ਹੋਵੇਗਾ।ਨੇਤਨਯਾਹੂ ਹਮੇਸ਼ਾ ਵਾਂਗ ਆਪਣੇ ਆਪ ਨੂੰ ਉਸ ਆਦਮੀ ਵਜੋਂ ਪੇਸ਼ ਕਰਦਾ ਹੈ ਜੋ ਯੁੱਧ ਵਿੱਚ ਯਹੂਦੀਆਂ ਨੂੰ ਬਚਾ ਸਕਦਾ ਹੈ। ਜੇ ਅਸੀਂ ਜਿੱਤ ਗਏ ਤਾਂ ਸਾਡੀ ਹੋਂਦ ਕਾਇਮ ਰਹੇਗੀ। ਜੇਕਰ ਨਹੀਂ ਤਾਂ ਸਾਡਾ ਭਵਿੱਖ ਖਤਰੇ ਵਿੱਚ ਪੈ ਜਾਵੇਗਾ।
ਬੈਂਜਾਮਿਨ ਨੇਤਨਯਾਹੂ ਦੀਆਂ ਮੁਸ਼ਕਲਾਂ ਨੇਤਨਯਾਹੂ ਨਿੱਜੀ ਲਾਭ ਲਈ ਜੰਗ ਨਹੀਂ ਰੋਕ ਰਿਹਾ,72 ਫ਼ੀਸਦੀ ਇਜ਼ਰਾਈਲੀ ਕਰ ਰਹੇ ਅਸਤੀਫ਼਼ੇ ਦੀ ਮੰਗ
