ਸਿੰਗਾਪੁਰ – ਸਿੰਗਾਪੁਰ ਏਅਰਫ਼ੋਰਸ ਵਿੱਚ ਸੇਵਾ ਕਰ ਰਹੇ ਭਾਰਤੀ ਮੂਲ ਦੇ ਇੱਕ ਇੰਜੀਨੀਅਰ ਨੂੰ ਔਰਤਾਂ ਦੀਆਂ ਅਸ਼ਲੀਲ ਤਸਵੀਰਾਂ ਲੈਣ ਅਤੇ ਉਨ੍ਹਾਂ ਦੇ ਸੋਸ਼ਲ ਮੀਡੀਆ ਲੌਗਇਨ ਵੇਰਵਿਆਂ ਨੂੰ ਫ਼ਿਸ਼ਿੰਗ ਕਰਨ ਦੇ ਦੋਸ਼ ਵਿੱਚ 11 ਮਹੀਨਿਆਂ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੋਸ਼ੀ ਨੂੰ 10 ਮਾਮਲਿਆਂ ’ਚ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ। ਦੋਸ਼ੀ ਇੰਜੀਨੀਅਰ ਦੀ ਸਜ਼ਾ 19 ਜੂਨ ਤੋਂ ਸੁਰੂ ਹੋਵੇਗੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਦੋਸ਼ੀ ਦੀ ਪਛਾਣ 26 ਸਾਲਾ ਕੇ. ਈਸਵਰਨ ਦੇ ਰੂਪ ਵਿੱਚ ਹੋਈ ਹੈ। ਅਦਾਲਤ ਨੇ ਉਸ ਨੂੰ ਕੰਪਿਊਟਰ ਦੁਰਵਰਤੋਂ ਐਕਟ ਤਹਿਤ 10 ਦੋਸ਼ਾਂ ਵਿੱਚ ਦੋਸ਼ੀ ਠਹਿਰਾਇਆ ਹੈ। ਚੈਨਲ ਨਿਊਜ਼ ਏਸ਼ੀਆ ਦੀ ਰਿਪੋਰਟ ਹੈ ਕਿ ਅਦਾਲਤ ਨੇ ਸਜ਼ਾ ਸੁਣਾਉਣ ਲਈ 21 ਹੋਰ ਦੋਸ਼ਾਂ ’ਤੇ ਵਿੱਚਾਰ ਕੀਤਾ ਹੈ। 2019 ਤੋਂ 2023 ਤਕ, ਉਸ ਨੇ 22 ਪੀੜਤਾਂ ਨੂੰ ਉਨ੍ਹਾਂ ਦੇ ਸੋਸ਼ਲ ਮੀਡੀਆ, ਕਲਾਉਡ ਸਰਵਰਾਂ ਅਤੇ ਈ-ਮੇਲ ਖਾਤਿਆਂ ਲਈ ਲੌਗਇਨ ਪ੍ਰਮਾਣ ਪੱਤਰ ਪ੍ਰਾਪਤ ਕਰਨ ਲਈ ਫ਼ਿਸ਼ਿੰਗ ਲਿੰਕ ਭੇਜੇ ਸਨ।
ਵਕੀਲਾਂ ਨੇ ਕਿਹਾ ਕਿ ਈਸਵਰਨ ਨੇ ਉਨ੍ਹਾਂ ਪੀੜਤਾਂ ਨੂੰ ਨਿਸ਼ਾਨਾ ਬਣਾਇਆ ਜਿਨ੍ਹਾਂ ਨੂੰ ਉਹ ਅਸਲ ਜ਼ਿੰਦਗੀ ਵਿੱਚ ਜਾਣਦਾ ਸੀ ਜਾਂ ਜਿਨ੍ਹਾਂ ਦੀਆਂ ਅਸ਼ਲੀਲ ਫ਼ੋਟੋਆਂ ਅਡਲਟ ਪਲੇਟਫ਼ਾਰਮਾਂ ’ਤੇ ਪੋਸਟ ਕੀਤੀਆਂ ਗਈਆਂ ਸਨ। ਉਸ ਦੇ ਸਾਰੇ ਪੀੜਤਾਂ ਦੀ ਪਛਾਣ ਅਦਾਲਤ ਦੇ ਹੁਕਮ ਦੁਆਰਾ ਸੁਰੱਖ਼ਿਅਤ ਕੀਤੀ ਗਈ ਸੀ, ਜਿਸ ਨੂੰ ਸਰਕਾਰੀ ਵਕੀਲਾਂ ਨੇ ਉਸ ਦੇ ਅਪਰਾਧਾਂ ਦੇ ਜਿਣਸੀ ਤੱਤ ਦੇ ਮੱਦੇਨਜ਼ਰ ਗੁਪਤ ਰੱਖਣ ਦੀ ਬੇਨਤੀ ਕੀਤੀ ਸੀ।
ਵਕੀਲਾਂ ਨੇ ਕਿਹਾ ਕਿ ਇੱਕ ਮਦਦਗਾਰ ਨੇਟੀਜਨ ਦੇ ਰੂਪ ਵਿੱਚ ਈਸਵਰਨ ਪੀੜਤਾਂ ਨੂੰ ਇੱਕ ਸੰਦੇਸ਼ ਦੇ ਨਾਲ ਫ਼ਿਸ਼ਿੰਗ ਲਿੰਕ ਭੇਜਦਾ ਸੀ ਜਿਸ ਵਿੱਚ ਦੱਸਿਆ ਜਾਂਦਾ ਸੀ ਕਿ ਉਨ੍ਹਾਂ ਦੀਆਂ ਨਜ਼ਦੀਕੀ ਫ਼ੋਟੋਆਂ ਔਨਲਾਈਨ ਪੋਸਟ ਕੀਤੀਆਂ ਗਈਆਂ ਹਨ। ਕੁੱਝ ਮਾਮਲਿਆਂ ਵਿੱਚ ਉਸ ਨੇ ਪੀੜਤ ਦੇ ਸੋਸ਼ਲ ਮੀਡੀਆ ਵੇਰਵਿਆਂ ਦੇ ਆਧਾਰ ਤੇ ਸੰਭਾਵੀ ਲੌਗਇਨ ਪ੍ਰਮਾਣ ਪੱਤਰ ਬਣਾਉਣ ਲਈ ਇੱਕ ਵੈੱਬਸਾਈਟ ਦੀ ਵਰਤੋਂ ਕੀਤੀ ਅਤੇ ਫ਼ਿਰ ਉਨ੍ਹਾਂ ਦੇ ਖਾਤਿਆਂ ਤਕ ਪਹੁੰਚ ਕੀਤੀ।
ਸਿੰਗਾਪੁਰ ’ਚ ਔਰਤਾਂ ਦੀਆਂ ਅਸ਼ਲੀਲ ਤਸਵੀਰਾਂ ਦੇ ਮਾਮਲੇ ’ਚ ਭਾਰਤੀ ਮੂਲ ਦੇ ਇੰਜੀਨੀਅਰ ਨੂੰ 11 ਮਹੀਨੇ ਦੀ ਸਜਾ
