ਰਾਸ਼ਟਰਪਤੀ ਬਾਇਡਨ ਨੇ ਕੀਤੀ ਭਾਰਤੀ ਮੀਡੀਆ ਦੀ ਸਿਫ਼ਤ ਤਾਂ ਗੁੱਸੇ ਹੋਏ ਅਮਰੀਕੀ ਰਿਪੋਰਟਰ

ਵਾਸ਼ਿੰਗਟਨ – ਵ੍ਹਾਈਟ ਹਾਊਸ ਨੇ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਦੀ ਟਿੱਪਣੀ ਨੂੰ ਲੈ ਕੇ ਨਾਰਾਜ਼ ਅਮਰੀਕੀ ਮੀਡੀਆ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਰਾਸ਼ਟਰਪਤੀ ਦੀਆਂ ਟਿੱਪਣੀਆਂ ਦਾ ਮਤਲਬ ਸਖ਼ਤ ਸੁਰ ਨਹੀਂ ਸੀ। ਦੱਸ ਦੇਈਏ ਕਿ ਬਾਇਡਨ ਨੇ ਕਿਹਾ ਸੀ ਕਿ ਭਾਰਤੀ ਪ੍ਰੈਸ ਆਪਣੇ ਅਮਰੀਕੀ ਹਮਰੁਤਬਾ ਨਾਲੋਂ ਬਿਹਤਰ ਵਿਵਹਾਰ ਕਰਦੀ ਹੈ। ਰਾਸ਼ਟਰਪਤੀ ਬਾਇਡਨ ਨੇ ਸ਼ੁੱਕਰਵਾਰ ਨੂੰ ਵ੍ਹਾਈਟ ਹਾਊਸ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਆਪਣੀ ਪਹਿਲੀ ਵਿਅਕਤੀਗਤ ਦੁਵੱਲੀ ਮੁਲਾਕਾਤ ਦੌਰਾਨ ਭਾਰਤੀ ਪ੍ਰੈਸ ਦੀ ਪ੍ਰਸ਼ੰਸਾ ਕੀਤੀ ਅਤੇ ਇਸ ਨੂੰ ਅਮਰੀਕੀ ਮੀਡੀਆ ਨਾਲੋਂ “ਬਿਹਤਰ ਵਿਵਹਾਰ” ਦੱਸਿਆ। ਅਮਰੀਕੀ ਪੱਤਰਕਾਰਾਂ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਉਹ ਕਿਸੇ ਵਿਦੇਸ਼ੀ ਸਰਕਾਰ ਦੇ ਮੁਖੀ ਦੇ ਸਾਹਮਣੇ ਸਹੀ ਪ੍ਰਸ਼ਨ ਨਹੀਂ ਪੁੱਛਦੇ। ਵ੍ਹਾਈਟ ਹਾਊਸ ਦੀ ਪ੍ਰੈਸ ਸਕੱਤਰ ਜੇਨ ਸਾਕੀ ਨੇ ਸੋਮਵਾਰ ਨੂੰ ਅਮਰੀਕੀ ਪੱਤਰਕਾਰਾਂ ਬਾਰੇ ਬਾਇਡਨ ਦੀਆਂ ਟਿੱਪਣੀਆਂ ਨੂੰ ਲੈ ਕੇ ਕਈ ਪ੍ਰਸ਼ਨਾਂ ਦਾ ਸਾਹਮਣਾ ਕੀਤਾ। ਹਾਲਾਂਕਿ, ਰਾਸ਼ਟਰਪਤੀ ਦੀ ਟਿੱਪਣੀ ਦਾ ਬਚਾਅ ਵੀ ਉਨ੍ਹਾਂ ਨੇ ਕੀਤਾ। ਸਾਕੀ ਨੇ ਕਿਹਾ, ‘ਮੈਨੂੰ ਲਗਦਾ ਹੈ ਕਿ ਉਨ੍ਹਾਂ ਨੇ ਜੋ ਕਿਹਾ ਉਹ ਇਹ ਸੀ ਕਿ ਪੱਤਰਕਾਰ ਹਮੇਸ਼ਾ ਪੁਆਇੰਟ ‘ਤੇ ਨਹੀਂ ਹੁੰਦੇ। ਉਹ ਕਿਸੇ ਹੋਰ ਚੀਜ਼ ਬਾਰੇ ਗੱਲ ਕਰ ਰਹੇ ਸੀ। ਉਹ ਸ਼ਾਇਦ ਕੋਵਿਡ ਟੀਕਿਆਂ ਬਾਰੇ ਗੱਲ ਕਰਨਾ ਚਾਹੁੰਦੇ ਹਨ। ਕੁਝ ਪ੍ਰਸ਼ਨ ਇਸੇ ਸਬੰਧੀ ਸਨ ਅਤੇ ਕੁਝ ਪ੍ਰਸ਼ਨ ਹਮੇਸ਼ਾ ਉਸ ਵਿਸ਼ੇ ਬਾਰੇ ਨਹੀਂ ਹੁੰਦੇ ਜਿਸ ਬਾਰੇ ਉਹ ਉਸ ਦਿਨ ਗੱਲ ਕਰ ਰਹੇ ਹੁੰਦੇ ਹਨ।’ਉਨ੍ਹਾਂ ਕਿਹਾ ਕਿ ਮੈਨੂੰ ਨਹੀਂ ਲਗਦਾ ਕਿ ਇਹ ਮੀਡੀਆ ਦੇ ਲੋਕਾਂ ‘ਤੇ ਕੁਝ ਸਖ਼ਤ ਸੁਰ ਵਿੱਚ ਕਿਹਾ ਸੀ। ਵ੍ਹਾਈਟ ਹਾਊਸ ਦੀ ਬ੍ਰੀਫਿੰਗ ਵਿੱਚ, ਇੱਕ ਹੋਰ ਰਿਪੋਰਟਰ ਨੇ ਭਾਰਤੀ ਅਤੇ ਅਮਰੀਕੀ ਮੀਡੀਆ ਦੀ ਤੁਲਨਾ ‘ਤੇ ਇਤਰਾਜ਼ ਕੀਤਾ। ਰਿਪੋਰਟਰ ਨੇ ਕਿਹਾ, “ਰਿਪੋਰਟਰਜ਼ ਵਿਦਾਊਟ ਬਾਰਡਰਜ਼ (ਆਰਐਸਐਫ) ਦੇ ਅਨੁਸਾਰ, ਪ੍ਰੈਸ ਦੀ ਆਜ਼ਾਦੀ ਲਈ ਭਾਰਤੀ ਪ੍ਰੈਸ ਦੁਨੀਆ ਵਿੱਚ 142 ਵੇਂ ਸਥਾਨ ਉੱਤੇ ਹਨ। ਉਹ ਭਾਰਤੀ ਪ੍ਰੈਸ ਦੀ ਤੁਲਨਾ ਵਿੱਚ ਅਮਰੀਕੀ ਪ੍ਰੈਸ ਬਾਰੇ ਅਜਿਹਾ ਕਿਵੇਂ ਕਹਿ ਸਕਦੇ ਹਨ?’ ਇਸ ‘ਤੇ ਸਾਕੀ ਨੇ ਕਿਹਾ,’ ਮੈਂ ਤੁਹਾਨੂੰ ਸਿਰਫ਼ ਇਹੀ ਕਹਾਂਗੀ ਕਿ ਹੁਣ ਰਾਸ਼ਟਰਪਤੀ ਲਈ ਕੰਮ ਕਰਨ ਅਤੇ ਨੌਂ ਮਹੀਨਿਆਂ ਤੱਕ ਇਸ ਭੂਮਿਕਾ ‘ਤੇ ਸੇਵਾ ਕਰਨ ਤੋਂ ਬਾਅਦ ਇਹ ਨੋਟ ਕਰਦਿਆਂ ਕਿ ਉਹ 140 ਤੋਂ ਵੱਧ ਵਾਰ ਪ੍ਰੈਸ ਨਾਲ ਗੱਲ ਕਰਦੇ ਹਨ। ਉਹ ਨਿਸ਼ਚਤ ਰੂਪ ਤੋਂ ਪ੍ਰੈਸ, ਆਜ਼ਾਦ ਪ੍ਰੈਸ ਦੀ ਭੂਮਿਕਾ ਦਾ ਆਦਰ ਕਰਦੇ ਹਨ। ਦੱਸ ਦੇਈਏ ਕਿ RSF ਦੇ ਅਨੁਸਾਰ, ਅਮਰੀਕੀ ਮੀਡੀਆ ਪ੍ਰੈਸ ਦੀ ਆਜ਼ਾਦੀ ਦੇ ਮਾਮਲੇ ਵਿੱਚ 44 ਵੇਂ ਸਥਾਨ ‘ਤੇ ਹੈ।