ਨਵਾਂ ਫੁਟਸਕ੍ਰੇਅ ਹਸਪਤਾਲ, ਜਿਸ ‘ਤੇ 1.5 ਬਿਲੀਅਨ ਡਾਲਰ ਖਰਚ ਹੋਇਆ, ਦੇ ਵਿੱਚ ਹੁਣ ਇੱਕ ਅਜਿਹੀ ਮੈਡੀਕਲ ਇਮੇਜਿੰਗ ਮਸ਼ੀਨ ਲਗਾਈ ਗਈ ਹੈ ਜੋ ਦੁਨੀਆਂ ਵਿੱਚ ਪਹਿਲੀ ਵਾਰ ਵਰਤੀ ਜਾ ਰਹੀ ਹੈ। ਨਵਾਂ ਕੈਨਨ ਅਲਫੇਨਿਕਸ ਇਨਸਾਈਟ ਐਂਜੀਓ-ਸੀਟੀ ਸਕੈਨਰ ਮਿਹਨਤੀ ਡਾਕਟਰਾਂ ਲਈ ਤੇਜ਼, ਸੁਰੱਖਿਅਤ ਦੇਖਭਾਲ ਪ੍ਰਦਾਨ ਕਰਨਾ ਆਸਾਨ ਬਣਾ ਰਿਹਾ ਹੈ ਅਤੇ ਖਾਸ ਕਰਕੇ ਐਮਰਜੈਂਸੀ ਵਿੱਚ। ਇਹ ਮਸ਼ੀਨ ਡਾਕਟਰਾਂ ਨੂੰ ਤੇਜ਼ ਅਤੇ ਸੁਰੱਖਿਅਤ ਤਰੀਕੇ ਨਾਲ ਮਰੀਜ਼ਾਂ ਦਾ ਇਲਾਜ ਕਰਨ ਵਿੱਚ ਮਦਦ ਕਰਦੀ ਹੈ।
ਇਹ ਮਸ਼ੀਨ ਸਰਜਰੀ ਦੌਰਾਨ ਸਾਫ਼ ਅਤੇ ਵਿਸਥਾਰ ਵਾਲੀਆਂ ਤਸਵੀਰਾਂ ਦਿੰਦੀ ਹੈ। ਇਸ ਨਾਲ ਸਮੱਸਿਆ ਜਲਦੀ ਪਤਾ ਲੱਗਦੀ ਹੈ ਅਤੇ ਇਲਾਜ ਵੀ ਜਲਦੀ ਹੋ ਸਕਦਾ ਹੈ। ਇਹ ਟੈਕਨੋਲੋਜੀ ਦੋ ਕਿਸਮ ਦੀਆਂ ਸਕੈਨਾਂ ਨੂੰ ਇਕੱਠੇ ਕਰਦੀ ਹੈ। ਇਸ ਨਾਲ ਡਾਕਟਰ ਇੱਕੋ ਸਮੇਂ, ਇੱਕੋ ਕਮਰੇ ਵਿੱਚ ਦੋਵੇਂ ਤਰ੍ਹਾਂ ਦੇ ਟੈਸਟ ਕਰ ਸਕਦੇ ਹਨ। ਇਹ ਮਸ਼ੀਨ ਓਪਰੇਸ਼ਨ ਥੀਏਟਰ ਦੇ ਨੇੜੇ ਹੈ, ਇਸ ਕਰਕੇ ਡਾਕਟਰ ਤੁਰੰਤ ਆਪਣੇ ਫੈਸਲੇ ਬਦਲ ਸਕਦੇ ਹਨ ਅਤੇ ਨਵੇਂ ਤਰੀਕੇ ਅਪਣਾ ਸਕਦੇ ਹਨ। ਹਸਪਤਾਲ ਦੇ ਕੁੱਝ ਸਭ ਤੋਂ ਬਿਮਾਰ ਮਰੀਜ਼ਾਂ ਲਈ, ਇਹ ਹਾਈਬ੍ਰਿਡ ਟੈਕਨੋਲੋਜੀ ਇੱਕ ਗੇਮ ਚੇਂਜਰ ਹੈ। ਅਜਿਹੇ ਮਰੀਜ਼ਾਂ ਨੂੰ ਹੁਣ ਵੱਖ-ਵੱਖ ਦਿਨਾਂ ‘ਤੇ ਸਕੈਨ ਨਹੀਂ ਕਰਵਾਉਣੇ ਪੈਂਦੇ ਅਤੇ ਓਪਰੇਸ਼ਨ ਦਾ ਸਮਾਂ ਵੀ ਘੱਟ ਹੁੰਦਾ ਹੈ, ਜਿਸ ਨਾਲ ਬੇਹੋਸ਼ੀ ਦੀ ਦਵਾਈ ਘੱਟ ਲੱਗਦੀ ਹੈ।
ਇਹ ਟੈਕਨੋਲੋਜੀ ਡਾਕਟਰਾਂ ਨੂੰ ਬਹੁਤ ਹੀ ਵਿਸ਼ੇਸ਼ ਜਾਂ ਇੱਕ-ਵਾਰੀ ਪ੍ਰਕਿਰਿਆਵਾਂ ਕਰਨ ਵਿੱਚ ਮਦਦ ਕਰੇਗੀ। ਇਹਨਾਂ ਵਿੱਚ ਅੰਦਰੂਨੀ ਖੂਨ ਵਹਿਣ ਨੂੰ ਰੋਕਣਾ, ਖੂਨ ਦੀਆਂ ਨਾੜੀਆਂ ਨੂੰ ਖੋਲ੍ਹਣਾ, ਕੈਂਸਰ ਨੂੰ ਖਤਮ ਕਰਨਾ ਜਾਂ ਛੋਟੀਆਂ ਲੀਕ ਹੋਣ ਵਾਲੀਆਂ ਲਿੰਫੈਟਿਕ ਨਾੜੀਆਂ ਦੀ ਮੁਰੰਮਤ ਕਰਨਾ ਸ਼ਾਮਲ ਹੈ।
ਵਿਕਟੋਰੀਆ ਸਰਕਾਰ ਨੇ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਨਵਾਂ ਫੁਟਸਕ੍ਰੇਅ ਹਸਪਤਾਲ ਖੋਲ੍ਹਿਆ ਸੀ। ਇਸ ਨਾਲ ਪੱਛਮੀ ਇਲਾਕਿਆਂ ਦੇ ਲੋਕਾਂ ਨੂੰ ਘਰ ਦੇ ਨੇੜੇ ਹੀ ਇਲਾਜ ਮਿਲ ਰਿਹਾ ਹੈ ਅਤੇ ਸਰਕਾਰ ਸਿਹਤ ਸੇਵਾਵਾਂ ਦੇ ਵਿੱਚ ਨਿਵੇਸ਼ ਕਰ ਰਹੀ ਹੈ।
ਇਸ ਵਾਰੇ ਵਿੱਚ ਸਿਹਤ ਮੰਤਰੀ ਹੈਰੀਅਟ ਸ਼ਿੰਗ ਨੇ ਕਿਹਾ ਹੈ ਕਿ, “ਸਰਕਾਰ ਯਕੀਨੀ ਬਣਾ ਰਹੀ ਹੈ ਕਿ ਲੋਕਾਂ ਨੂੰ ਜ਼ਿੰਦਗੀ ਬਚਾਉਣ ਵਾਲੀ ਸੇਵਾ ਲਈ ਨਵੀਂ ਟੈਕਨੋਲੋਜੀ ਮਿਲੇ। ਤੇਜ਼ ਅਤੇ ਉੱਤਮ ਇਮੇਜਿੰਗ ਨਾਲ ਡਾਕਟਰ ਜਲਦੀ ਫੈਸਲੇ ਕਰ ਸਕਦੇ ਹਨ ਅਤੇ ਸੁਰੱਖਿਅਤ ਇਲਾਜ ਦੇ ਸਕਦੇ ਹਨ।”
ਫੁਟਸਕ੍ਰੇਅ ਦੀ ਮੈਂਬਰ ਕੇਟੀ ਹਾਲ ਨੇ ਕਿਹਾ ਹੈ ਕਿ, “ਸਾਡਾ ਸਿਹਤ ਪ੍ਰਣਾਲੀ ਦੁਨੀਆ ਦਰਜੇ ਦੀ ਹੈ, ਇਸ ਲਈ ਇਹ ਠੀਕ ਹੈ ਕਿ ਨਵੇਂ ਫੁਟਸਕ੍ਰੇਅ ਹਸਪਤਾਲ ਵਿੱਚ ਦੁਨੀਆ ਦੀ ਪਹਿਲੀ ਟੈਕਨੋਲੋਜੀ ਹੋਵੇ।”