ਕਾਬੁਲ – ਪੱਛਮੀ ਅਫ਼ਗਾਨਿਸਤਾਨ ਦੇ ਹੇਰਾਤ ਸ਼ਹਿਰ ’ਚ ਹੋਏ ਇਕ ਭਿਆਨਕ ਧਮਾਕੇ ’ਚ ਘਟੋ-ਘੱਟ ਸੱਤ ਲੋਕ ਮਾਰੇ ਗਏ ਜਦੋਂਕਿ ਨੌਂ ਲੋਕ ਜ਼ਖ਼ਮੀ ਹੋ ਗਏ। ਕਿ ਧਮਾਕਾ ਇਕ ਮਿੰਨੀ ਬੱਸ ’ਚ ਹੋਇਆ ਸੀ। ਮਰਨ ਵਾਲਿਆਂ ’ਚ ਚਾਰ ਔਰਤਾਂ ਸ਼ਾਮਲ ਹਨ। ਫ਼ਿਲਹਾਲ ਕਿਸੇ ਵੀ ਸਮੂਹ ਨੇ ਧਮਾਕੇ ਦੀ ਜ਼ਿੰਮੇਵਾਰੀ ਨਹੀਂ ਲਈ। ਪਿਛਲੇ ਸਾਲ ਅਗਸਤ ’ਚ ਅਫ਼ਗਾਨਿਸਤਾਨ ’ਤੇ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਤੋਂ ਹੁਣ ਤਕ ਦੇਸ਼ ਭਰ ’ਚ ਦਰਜਨਾਂ ਧਮਾਕੇ ਹੋ ਚੁੱਕੇ ਹਨ, ਜਿਨ੍ਹਾਂ ’ਚ ਕਈ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਅਜਿਹੀਆਂ ਕਈ ਵਾਰਦਾਤਾਂ ਦੀ ਜ਼ਿੰਮੇਵਾਰੀ ਅਤਵਾਦੀ ਸੰਗਠਨ ਇਸਲਾਮਿਕ ਸਟੇਟ ਨੇ ਲਈ ਹੈ। ਪਿਛਲੇ ਹਫ਼ਤੇ ਹੀ ਨਾਂਗਰਹਾਰ ਸੂਬੇ ਦੇ ਲਾਲਪੁਰਾ ਇਲਾਕੇ ’ਚ ਇਕ ਗੈਸ ਟੈਂਕ ’ਚ ਹੋਏ ਧਮਾਕੇ ’ਚ ਨੌਂ ਬੱਚੇ ਮਾਰੇ ਗਏ ਸਨ, ਜਦੋਂਕਿ ਚਾਰ ਜ਼ਖ਼ਮੀ ਹੋਏ ਸਨ।
ਅਫ਼ਗਾਨਿਸਤਾਨ ਦੇ ਹੇਰਾਤ ’ਚ ਹੋਏ ਧਮਾਕੇ ’ਚ ਸੱਤ ਦੀ ਮੌਤ, ਨੌਂ ਜ਼ਖ਼ਮੀ
