ਇੰਡੋਨੇਸ਼ੀਆ ਦੇ ਦੱਖਣ-ਪੂਰਬੀ ਏਸ਼ੀਆ ਵਿੱਚ ਖੁਸ਼ੀ ਦੇ ਵਿਆਹ ਦੀ ਪ੍ਰਥਾ

ਜਕਾਰਤਾ – ਇੰਡੋਨੇਸ਼ੀਆ ਦੱਖਣ-ਪੂਰਬੀ ਏਸ਼ੀਆ ਵਿੱਚ ਸਥਿਤ ਇੱਕ ਮੁਸਲਿਮ ਬਹੁ-ਗਿਣਤੀ ਵਾਲਾ ਦੇਸ਼ ਹੈ। ਇੱਥੇ ਇੱਕ ਖਾਸ ਵਿਆਹ ਇਨ੍ਹੀਂ ਦਿਨੀਂ ਚਰਚਾ ਵਿੱਚ ਹੈ। ਦਰਅਸਲ, ਇੱਥੇ ਕੁੜੀਆਂ ਪੈਸਿਆਂ ਦੇ ਬਦਲੇ ਕੁਝ ਸਮੇਂ ਲਈ ਅਸਥਾਈ ਵਿਆਹ ਕਰਵਾ ਰਹੀਆਂ ਹਨ। ਇਸ ਵਿਆਹ ਨੂੰ ਖੁਸ਼ੀ ਦਾ ਵਿਆਹ ਕਿਹਾ ਜਾਂਦਾ ਹੈ। ਹਾਲਾਂਕਿ ਸੋਸ਼ਲ ਮੀਡੀਆ ‘ਤੇ ਇਸ ਪ੍ਰਥਾ ਦੀ ਕਾਫੀ ਆਲੋਚਨਾ ਵੀ ਹੋ ਰਹੀ ਹੈ।ਪੁਨਕਾਕ ਪਿੰਡ ਇੰਡੋਨੇਸ਼ੀਆ ਦੇ ਪੱਛਮ ਵਿੱਚ ਸਥਿਤ ਹੈ। ਇੱਥੇ ਅਰਬੀ ਪਕਵਾਨਾਂ ਦੀ ਬਹੁਤਾਤ ਹੈ। ਇਹੀ ਕਾਰਨ ਹੈ ਕਿ ਹਰ ਸਾਲ ਪੱਛਮੀ ਏਸ਼ੀਆ ਅਤੇ ਅਰਬ ਦੇਸ਼ਾਂ ਤੋਂ ਵੱਡੀ ਗਿਣਤੀ ਵਿੱਚ ਸੈਲਾਨੀ ਇੱਥੇ ਆਉਂਦੇ ਹਨ। ਇੱਥੋਂ ਦੇ ਕੋਟਾ ਬੁੰਗਾ ਸਥਿਤ ਇੱਕ ਰਿਜ਼ੋਰਟ ਵਿੱਚ ਸੈਲਾਨੀਆਂ ਨੂੰ ਇੱਕ ਏਜੰਸੀ ਰਾਹੀਂ ਸਥਾਨਕ ਔਰਤਾਂ ਨਾਲ ਮਿਲਾਇਆ ਜਾਂਦਾ ਹੈ। ਦੋਵਾਂ ਧਿਰਾਂ ਦੇ ਸਹਿਮਤ ਹੋਣ ਤੋਂ ਬਾਅਦ, ਇੱਕ ਗੈਰ ਰਸਮੀ ਵਿਆਹ ਸਮਾਰੋਹ ਕੀਤਾ ਜਾਂਦਾ ਹੈ।ਵਿਆਹ ਤੋਂ ਬਾਅਦ ਪਤੀ-ਪਤਨੀ ਇਕੱਠੇ ਰਹਿੰਦੇ ਹਨ। ਘਰ ਦਾ ਸਾਰਾ ਕੰਮ ਪਤਨੀ ਹੀ ਕਰਦੀ ਹੈ। ਪਰ ਜਦੋਂ ਉਸਦਾ ਪਤੀ ਇੰਡੋਨੇਸ਼ੀਆ ਛੱਡ ਜਾਂਦਾ ਹੈ, ਤਾਂ ਵਿਆਹ ਆਪਣੇ ਆਪ ਹੀ ਟੁੱਟ ਜਾਂਦਾ ਹੈ। ਇੰਡੋਨੇਸ਼ੀਆਈ ਕਾਨੂੰਨ ਤਹਿਤ ਖੁਸ਼ੀ ਦੇ ਵਿਆਹ ਨੂੰ ਮਾਨਤਾ ਨਹੀਂ ਦਿੱਤੀ ਗਈ ਹੈ।ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਮੁਤਾਬਕ, ਇੰਡੋਨੇਸ਼ੀਆ ਦੇ ਪੁੰਕਾਕ ਖੇਤਰ ਵਿੱਚ ਖੁਸ਼ੀ ਦੇ ਵਿਆਹ ਨੇ ਇੱਕ ਉਦਯੋਗ ਦਾ ਰੂਪ ਲੈ ਲਿਆ ਹੈ। ਪਹਿਲਾਂ ਪਰਿਵਾਰਕ ਮੈਂਬਰ ਜਾਂ ਜਾਣ-ਪਛਾਣ ਵਾਲੇ ਕੁੜੀਆਂ ਨੂੰ ਸੈਲਾਨੀਆਂ ਨਾਲ ਮਿਲਾਉਂਦੇ ਸਨ। ਪਰ ਹੁਣ ਇਹ ਇਕ ਉਦਯੋਗ ਵਾਂਗ ਬਣ ਗਿਆ ਹੈ। ਪਰਿਵਾਰ ਅਤੇ ਜਾਣ-ਪਛਾਣ ਵਾਲਿਆਂ ਦੀ ਥਾਂ ਏਜੰਸੀਆਂ ਨੇ ਲੈ ਲਈ ਹੈ।ਇੱਕ ਸਥਾਨਕ ਔਰਤ ਨੇ ਖੁਸ਼ੀ ਦੇ ਵਿਆਹ ਨਾਲ ਸਬੰਧਤ ਆਪਣਾ ਅਨੁਭਵ ਸਾਂਝਾ ਕੀਤਾ। ਇਸ ਔਰਤ ਦਾ ਨਾਂ ਕਾਹਯਾ ਹੈ। ਉਹ 17 ਸਾਲ ਦੀ ਉਮਰ ਵਿੱਚ ਪਹਿਲੀ ਵਾਰ ਦੁਲਹਨ ਬਣੀ ਸੀ। ਹੁਣ ਤੱਕ ਉਹ 15 ਤੋਂ ਵੱਧ ਵਾਰ ਖੁਸ਼ੀ ਦੇ ਵਿਆਹ ਕਰਵਾ ਚੁੱਕੀ ਹੈ। ਕਾਹਯਾ ਦਾ ਪਹਿਲਾ ਵਿਆਹ ਸਾਊਦੀ ਅਰਬ ਦੇ 50 ਸਾਲਾ ਵਿਅਕਤੀ ਨਾਲ ਹੋਇਆ ਸੀ।