ਕੈਨੇਡੀਆਈ ਮੂਲ ਦੀ ਨਿ੍ਰਤਿਕਾ, ਮਾਡਲ ਅਤੇ ਅਦਾਕਾਰਾ ਨੌਰਾ ਫ਼ਤੇਹੀ

ਨੌਰਾ ਫ਼ਤੇਹੀ ਇੱਕ ਮੋਰੱਕਨ ਕੈਨੇਡੀਆਈ ਮੂਲ ਦੀ ਨਿ੍ਰਤਿਕਾ, ਮਾਡਲ ਅਤੇ ਅਦਾਕਾਰਾ ਹੈ। ਉਸਨੇ ਆਪਣਾ ਬਾਲੀਵੁੱਡ ਫਿਲਮ ਕੈਰੀਅਰ ਰੋਰ: ਟਾਈਗਰਸ ਔਫ ਦਾ ਸੁੰਦਰਬਨਸ ਤੋਂ ਕੀਤਾ ਸੀ।ਉਸਦੀ ਅਗਲੀ ਫਿਲਮ ਕ੍ਰੇਜ਼ੀ ਕੁੱਕੜ ਫੈਮਿਲੀ ਸੀ। ਉਸਨੇ ਕੁਝ ਤੇਲਗੂ ਫਿਲਮਾਂ ਟੈਂਪਰ, ਬਾਹੁਬਲੀ ਅਤੇ ਕਿੱਕ 2 ਸੀ। ਉਸਨੇ ਇੱਕ ਮਲਿਆਲਮ ਫਿਲਮ ਡਬਲ ਬੈਰੇਲ ਵਿੱਚ ਵੀ ਕੰਮ ਕੀਤਾ। ਉਸਨੇ 2015 ਵਿੱਚ ਕਲਰਸ ਦੇ ਇੱਕ ਰਿਆਲਟੀ ਸ਼ੋਅ ਬਿੱਗ ਬੌਸ ਵਿੱਚ ਵੀ ਪ੍ਰਤਿਭਾਗੀ ਵਜੋਂ ਭਾਗ ਲਿਆ ਸੀ। 2016 ਵਿੱਚ, ਉਸ ਨੇ ਰਿਐਲਿਟੀ ਟੈਲੀਵਿਜ਼ਨ ਡਾਂਸ ਸ਼ੋਅ ਝਲਕ ਦਿਖਲਾ ਜਾ ਵਿੱਚ ਹਿੱਸਾ ਲਿਆ। ਉਹ ਬਾਲੀਵੁੱਡ ਫ਼ਿਲਮ ‘ਸੱਤਿਆਮੇਵ ਜਯਤੇ’ ਵਿੱਚ ਦਿਖਾਈ ਦਿੱਤੀ ਜਿਸ ਵਿੱਚ ਉਹ ਗਾਣੇ “ਦਿਲਬਰ” ਦੇ ਦੁਬਾਰਾ ਬਣਾਏ ਸੰਸਕਰਣ ਵਿੱਚ ਦਿਖਾਈ ਦਿੱਤੀ।ਇਸ ਗਾਣੇ ਨੇ ਰਿਲੀਜ਼ ਦੇ ਪਹਿਲੇ 24 ਘੰਟਿਆਂ ਵਿੱਚ ਯੂਟਿਊਬ ‘ਤੇ 20 ਮਿਲੀਅਨ ਵਿਊਜ਼ ਪਾਰ ਕਰ ਲਏ, ਜਿਸ ਨਾਲ ਇਹ ਭਾਰਤ ਵਿੱਚ ਇੰਨੀ ਵੱਡੀ ਗਿਣਤੀ ਪ੍ਰਾਪਤ ਕਰਨ ਵਾਲਾ ਪਹਿਲਾ ਹਿੰਦੀ ਗੀਤ ਬਣ ਗਿਆ। ਉਸ ਨੇ ਦਿਲਬਰ ਗਾਣੇ ਦਾ ਅਰਬੀ ਸੰਸਕਰਣ ਜਾਰੀ ਕਰਨ ਲਈ ਮੋਰੱਕੋ ਦੇ ਹਿੱਪ-ਹੋਪ ਸਮੂਹ ਫਨੇਅਰ ਨਾਲ ਵੀ ਸਹਿਯੋਗ ਕੀਤਾ। 2019 ਵਿੱਚ, ਉਸ ਨੇ ਤਨਜ਼ਾਨੀਆ ਦੇ ਸੰਗੀਤਕਾਰ ਅਤੇ ਗੀਤਕਾਰ ਰਾਏਵਨੀ ਨਾਲ ਮਿਲ ਕੇ ਆਪਣਾ ਪਹਿਲਾ ਅੰਤਰਰਾਸ਼ਟਰੀ ਅੰਗਰੇਜ਼ੀ ਡੈਬਿਊ ਗਾਣਾ ਪੇਪੇਟਾ ਰਿਲੀਜ਼ ਕੀਤਾ। ਫ਼ਤੇਹੀ ਇੱਕ ਮੋਰੱਕੋ ਪਰਿਵਾਰ ਤੋਂ ਆਈ ਹੈ ਅਤੇ ਉਸ ਦਾ ਜਨਮ ਅਤੇ ਪਾਲਣ-ਪੋਸ਼ਣ ਕੈਨੇਡਾ ਵਿੱਚ ਹੋਇਆ ਸੀ, ਹਾਲਾਂਕਿ ਇੰਟਰਵਿਊਆਂ ਵਿੱਚ ਉਸ ਨੇ ਕਿਹਾ ਸੀ ਕਿ ਉਹ ਆਪਣੇ-ਆਪ ਨੂੰ “ਦਿਲੋਂ ਇੱਕ ਭਾਰਤੀ” ਸਮਝਦੀ ਹੈ। ਫ਼ਤੇਹੀ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਾਲੀਵੁੱਡ ਫਿਲਮ ‘ਰੋਅਰ: ਟਾਈਗਰਸ ਆਫ ਦ ਸੁੰਦਰਬਨਸ’ ਤੋਂ ਕੀਤੀ ਸੀ। ਉਸ ਤੋਂ ਬਾਅਦ ਉਸ ਨੂੰ ਪੁਰੀ ਜਗਨਨਾਧ ਦੀ ਤੇਲਗੂ ਫ਼ਿਲਮ ‘ਟੈਂਪਰ’ ਵਿੱਚ ਇੱਕ ਆਈਟਮ ਨੰਬਰ ਲਈ ਸਾਈਨ ਕੀਤਾ ਗਿਆ, ਜਿਸ ਨਾਲ ਤੇਲਗੂ ਵਿੱਚ ਉਸ ਦੀ ਸ਼ੁਰੂਆਤ ਹੋਈ।ਉਸ ਨੇ ਵਿਕਰਮ ਭੱਟ ਦੁਆਰਾ ਨਿਰਦੇਸ਼ਤ ਅਤੇ ਮਹੇਸ਼ ਭੱਟ ਦੁਆਰਾ ਨਿਰਮਿਤ ਫ਼ਿਲਮ ‘ਮਿਸਟਰ ਐਕਸ’ ਵਿੱਚ ਇਮਰਾਨ ਹਾਸ਼ਮੀ ਅਤੇ ਗੁਰਮੀਤ ਚੌਧਰੀ ਦੇ ਨਾਲ ਇੱਕ ਵਿਸ਼ੇਸ਼ ਭੂਮਿਕਾ ਵੀ ਨਿਭਾਈ ਹੈ। ਜੂਨ 2015 ਦੇ ਅਖੀਰ ਵਿੱਚ, ਉਸ ਨੇ ਇੱਕ ਤੇਲਗੂ ਫ਼ਿਲਮ ‘ਸ਼ੇਰ’ ਸਾਈਨ ਕੀਤੀ। ਅਗਸਤ 2015 ਦੇ ਅਖੀਰ ਵਿੱਚ, ਉਸ ਨੇ ਇੱਕ ਤੇਲਗੂ ਫ਼ਿਲਮ ‘ਲੋਫਰ’ ਸਾਈਨ ਕੀਤੀ ਜਿਸ ਦਾ ਨਿਰਦੇਸ਼ਨ ਪੁਰੀ ਜਗਨਨਾਧ ਨੇ ਕੀਤਾ ਜਿਸ ਵਿੱਚ ਵਰੁਣ ਤੇਜ ਦੇ ਨਾਲ ਅਭਿਨੇਤਰੀ ਸੀ।ਨਵੰਬਰ 2015 ਦੇ ਅਖੀਰ ਵਿੱਚ ਉਸ ਨੇ ਇੱਕ ਫ਼ਿਲਮ ‘ਓਪਿਰੀ’ ਸਾਈਨ ਕੀਤੀ। ਦਸੰਬਰ 2015 ਵਿੱਚ, ਫ਼ਤੇਹੀ ਨੇ ਬਿੱਗ ਬੌਸ ਦੇ ਘਰ ਵਿੱਚ ਪ੍ਰਵੇਸ਼ ਕੀਤਾ ਜੋ ਕਿ ਵਾਈਲਡ ਕਾਰਡ ਪ੍ਰਵੇਸ਼ ਦੇ ਰੂਪ ਵਿੱਚ ਆਪਣੇ ਨੌਵੇਂ ਸੀਜ਼ਨ ਵਿੱਚ ਸੀ। ਉਸ ਨੇ 12ਵੇਂ ਹਫ਼ਤੇ (ਦਿਨ 83) ਵਿੱਚ ਘਰੋਂ ਕੱਢੇ ਜਾਣ ਤੱਕ 3 ਹਫ਼ਤੇ ਘਰ ਦੇ ਅੰਦਰ ਬਿਤਾਏ। ਉਹ 2016 ਵਿੱਚ ‘ਝਲਕ ਦਿਖਲਾ ਜਾ’ ਦੀ ਪ੍ਰਤੀਯੋਗੀ ਵੀ ਸੀ। ਉਸ ਨੇ ‘ਮਾਈ ਬਰਥ-ਡੇ ਵਿੱਚ ਅਭਿਨੈ ਕੀਤਾ ਜਿਸ ਵਿੱਚ ਉਹ ਸੰਜੇ ਸੂਰੀ ਦੇ ਨਾਲ ਮੁੱਖ ਅਦਾਕਾਰਾ ਦੀ ਭੂਮਿਕਾ ਨਿਭਾ ਰਹੀ ਹੈ। ਫਰਵਰੀ 2019 ਵਿੱਚ, ਉਸ ਨੇ ਇੱਕ ਵਿਸ਼ੇਸ਼ ਕਲਾਕਾਰ ਦੇ ਤੌਰ ‘ਤੇ ਰਿਕਾਰਡ ਲੇਬਲ ਟੀ-ਸੀਰੀਜ਼ ਦੇ ਨਾਲ ਇੱਕ ਇਕਰਾਰਨਾਮੇ ‘ਤੇ ਹਸਤਾਖਰ ਕੀਤੇ ਅਤੇ ਉਨ੍ਹਾਂ ਦੀਆਂ ਆਉਣ ਵਾਲੀਆਂ ਫਿਲਮਾਂ, ਸੰਗੀਤ ਵੀਡੀਓਜ਼, ਵੈਬ ਸੀਰੀਜ਼ ਅਤੇ ਵੈਬ ਫਿਲਮਾਂ ਵਿੱਚ ਪ੍ਰਦਰਸ਼ਿਤ ਹੋਵੇਗੀ। ਫਿਰ ਉਹ 2020 ਦੀ ਡਾਂਸ ਫਿਲਮ ‘ਸਟ੍ਰੀਟ ਡਾਂਸਰ 3 ਡੀ’ ਵਿੱਚ ਦਿਖਾਈ ਦਿੱਤੀ। 6 ਮਾਰਚ 2021 ਨੂੰ ਫ਼ਤੇਹੀ ਪਹਿਲੀ ਅਫ਼ਰੀਕੀ-ਅਰਬ ਔਰਤ ਕਲਾਕਾਰ ਬਣੀ ਜਿਸ ਦੇ ਗਾਣੇ “ਦਿਲਬਰ” ਨੇ ਯੂਟਿਊਬ ‘ਤੇ ਇੱਕ ਅਰਬ ਵਿਯੂਜ਼ ਪਾਰ ਕੀਤੇ।