ਜਨ ਪ੍ਰਤੀਨਿਧੀ ਵਜੋਂ ਹੋਵੇਗੀ ਮੇਰੀ ਪਹਿਲੀ ਯਾਤਰਾ, ਲੋਕ ਘੁਲਾਟੀਏ ਵਜੋਂ ਨਹੀਂ : ਪ੍ਰਿਯੰਕਾ ਗਾਂਧੀ

ਨਵੀਂ ਦਿੱਲੀ – ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਵਾਇਨਾਡ ਤੋਂ ਚੁਣੇ ਜਾਣ ‘ਤੇ ਇੱਕ ਜਨਤਕ ਨੁਮਾਇੰਦੇ ਵਜੋਂ ਇਹ ਉਹਨਾਂ ਦੀ ਪਹਿਲੀ ਫੇਰੀ ਜ਼ਰੂਰ ਹੋਵੇਗੀ ਪਰ ਇੱਕ ‘ਲੋਕ ਘੁਲਾਟੀਏ’ ਵਜੋਂ ਨਹੀਂ, ਕਿਉਂਕਿ ਲੋਕਤੰਤਰ, ਨਿਆਂ ਅਤੇ ਸੰਵਿਧਾਨ ਵਿੱਚ ਦਰਜ ਕਦਰਾਂ-ਕੀਮਤਾਂ ਲਈ ਲੜਨਾ ਉਨ੍ਹਾਂ ਦੇ ਜੀਵਨ ਦੀ ਨੀਂਹ ਹੈ। ਪ੍ਰਿਅੰਕਾ ਗਾਂਧੀ ਨੇ 23 ਅਕਤੂਬਰ ਨੂੰ ਵਾਇਨਾਡ ਹਲਕੇ ਤੋਂ ਕਾਂਗਰਸ ਉਮੀਦਵਾਰ ਵਜੋਂ ਨਾਮਜ਼ਦਗੀ ਦਾਖ਼ਲ ਕੀਤੀ ਸੀ। ਉਹਨਾਂ ਨੇ ਸ਼ਨੀਵਾਰ ਨੂੰ ਵਾਇਨਾਡ ਦੇ ਲੋਕਾਂ ਨੂੰ ਲਿਖੇ ਇੱਕ ਖੁੱਲੇ ਪੱਤਰ ਵਿੱਚ ਕਿਹਾ ਕਿ ਉਹ ਉਹਨਾਂ ਦੇ ਨਾਲ ਮਿਲ ਕੇ ਕੰਮ ਕਰੇਗੀ ਅਤੇ ਉਹਨਾਂ ਦੀ ਦਰਪੇਸ਼ ਚੁਣੌਤੀਆਂ ਨੂੰ ਹੱਲ ਕਰਨ ਵਿੱਚ ਉਹਨਾਂ ਦੀ ਮਦਦ ਕਰੇਗੀ।ਲੋਕਾਂ ਨੂੰ ਉਸ ਦਾ ਸਮਰਥਨ ਕਰਨ ਦੀ ਅਪੀਲ ਕਰਦੇ ਹੋਏ ਕਾਂਗਰਸ ਨੇਤਾ ਨੇ ਕਿਹਾ ਕਿ ਸੰਸਦ ਮੈਂਬਰ ਚੁਣੇ ਜਾਣ ਤੋਂ ਬਾਅਦ, ਉਨ੍ਹਾਂ ਦੇ ਕੰਮ ਨਾਲ ਵਾਇਨਾਡ ਦੇ ਲੋਕਾਂ ਨਾਲ ਉਨ੍ਹਾਂ ਦੇ ਸਬੰਧ ਹੋਰ ਗੂੜ੍ਹੇ ਹੋਣਗੇ ਅਤੇ ਉਹ ਉਨ੍ਹਾਂ ਦੀ ਲੜਾਈ ਲੜਨ ਲਈ ਹਰ ਸੰਭਵ ਕੋਸ਼ਿਸ਼ ਕਰਨਗੇ। ਉਹਨਾਂ ਕਿਹਾ ਕਿ ਵਾਇਨਾਡ ਦੇ ਲੋਕ ਇਸ ਯਾਤਰਾ ਵਿੱਚ “ਮੇਰੇ ਮਾਰਗਦਰਸ਼ਕ ਅਤੇ ਅਧਿਆਪਕ” ਹੋਣਗੇ। ਪ੍ਰਿਯੰਕਾ ਗਾਂਧੀ ਨੇ ਕਿਹਾ, ‘ਇਸ ਯਾਤਰਾ ਵਿੱਚ ਤੁਸੀਂ ਮੇਰੇ ਮਾਰਗਦਰਸ਼ਕ ਅਤੇ ਅਧਿਆਪਕ ਹੋਵੋਗੇ, ਜੋ (ਮੈਨੂੰ ਉਮੀਦ ਹੈ ਕਿ) ਇੱਕ ਜਨ ਪ੍ਰਤੀਨਿਧੀ ਵਜੋਂ ਮੇਰੀ ਪਹਿਲੀ ਯਾਤਰਾ ਹੋਵੇਗੀ ਪਰ ਇੱਕ ਲੋਕ ਘੁਲਾਟੀਏ ਵਜੋਂ ਮੇਰੀ ਪਹਿਲੀ ਯਾਤਰਾ ਨਹੀਂ ਹੋਵੇਗੀ। ਲੋਕਤੰਤਰ, ਨਿਆਂ ਅਤੇ ਸਾਡੇ ਸੰਵਿਧਾਨ ਵਿੱਚ ਦਰਜ ਮੁੱਲਾਂ ਲਈ ਲੜਨਾ ਮੇਰੇ ਜੀਵਨ ਦੀ ਨੀਂਹ ਰਹੀ ਹੈ।’ ਉਹਨਾਂ ਨੇ ਆਪਣੇ ਪੱਤਰ ਵਿਚ ਕਿਹਾ ਮੈਂ ਤੁਹਾਡੇ ਸਮਰਥਨ ਨਾਲ ਸਾਡੇ ਸਾਰਿਆਂ ਦੇ ਭਵਿੱਖ ਲਈ ਇਸ ਲੜਾਈ ਨੂੰ ਅੱਗੇ ਵਧਾਉਣ ਲਈ ਉਤਸੁਕ ਹਾਂ ਅਤੇ ਜੇਕਰ ਤੁਸੀਂ ਮੈਨੂੰ ਆਪਣਾ ਸੰਸਦ ਮੈਂਬਰ ਬਣਾਉਣਾ ਚਾਹੁੰਦੇ ਹੋ ਤਾਂ ਮੈਂ ਤੁਹਾਡੀ ਧੰਨਵਾਦੀ ਹੋਵਾਂਗੀ। ਰਾਹੁਲ ਗਾਂਧੀ ਇਸ ਲੋਕ ਸਭਾ ਚੋਣਾਂ ਵਿੱਚ ਵਾਇਨਾਡ ਦੇ ਨਾਲ-ਨਾਲ ਉੱਤਰ ਪ੍ਰਦੇਸ਼ ਦੇ ਰਾਏਬਰੇਲੀ ਤੋਂ ਵੀ ਚੁਣੇ ਗਏ ਸਨ।