ਜ਼ੇਲੇਂਸਕੀ ਨੇ ਰੂਸ ਨਾਲ ਸੰਘਰਸ਼ ਖ਼ਤਮ ਕਰਨ ਲਈ ਰੱਖੀ ਸ਼ਰਤ

ਕੀਵ – ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨੇ ਉੱਤਰੀ ਅਟਲਾਂਟਿਕ ਸੰਧੀ ਸੰਗਠਨ (ਨਾਟੋ) ਵਿਚ ਯੂਕ੍ਰੇਨ ਦੀ ਮੈਂਬਰਸ਼ਿਪ ਦੇ ਬਦਲੇ ਰੂਸ ਨਾਲ ਟਕਰਾਅ ਨੂੰ ਖ਼ਤਮ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਇੰਟਰਫੈਕਸ-ਯੂਕ੍ਰੇਨ ਨਿਊਜ਼ ਏਜੰਸੀ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਜ਼ੇਲੇਂਸਕੀ ਨੇ ਕਿਹਾ,”ਜੇ ਅਸੀਂ ਯੁੱਧ ਨੂੰ ਰੋਕਣਾ ਚਾਹੁੰਦੇ ਹਾਂ, ਤਾਂ ਸਾਨੂੰ ਯੂਕ੍ਰੇਨ ਦੇ ਖੇਤਰ ਨੂੰ ਨਾਟੋ ਦੀ ਛਤਰੀ ਹੇਠ ਆਪਣੇ ਨਿਯੰਤਰਣ ਵਿੱਚ ਰੱਖਣਾ ਹੋਵੇਗਾ। ਸਾਨੂੰ ਇਸ ਕਦਮ ਨੂੰ ਜਲਦੀ ਚੁੱਕਣ ਦੀ ਜ਼ਰੂਰਤ ਹੈ।” ਉਨ੍ਹਾਂ ਕਿਹਾ ਕਿ ਬਾਅਦ ਵਿਚ ਯੂਕ੍ਰੇਨ ਕੂਟਨੀਤਕ ਤੌਰ ‘ਤੇ ਉਨ੍ਹਾਂ ਖੇਤਰਾਂ ਨੂੰ ਵਾਪਸ ਲੈ ਸਕਦਾ ਹੈ ਜੋ ਹੁਣ ਰੂਸ ਦੁਆਰਾ ਨਿਯੰਤਰਿਤ ਹਨ। ਉਸਨੇ ਜ਼ੋਰ ਦੇ ਕੇ ਕਿਹਾ ਕਿ ਜੰਗਬੰਦੀ ਇਸ ਗੱਲ ਦੀ ਗਾਰੰਟੀ ਲਈ ਜ਼ਰੂਰੀ ਸੀ ਕਿ ਰੂਸ ਹੋਰ ਯੂਕ੍ਰੇਨੀ ਖੇਤਰ ਨੂੰ ਜ਼ਬਤ ਕਰਨ ਲਈ ਵਾਪਸ ਨਾ ਪਰਤੇ।