ਬਾਇਡਨ ਦੇ ਜਹਾਜ਼ ’ਚੋਂ ਚੀਜ਼ਾਂ ਚੁਰਾਉਣ ਲਈ ਪੱਤਰਕਾਰਾਂ ਨੂੰ ਚੇਤਾਵਨੀ

ਮਿਸੀਸਾਗਾ -ਲੰਘੇ ਫ਼ਰਵਰੀ ਮਹੀਨੇ ’ਚ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ”S ਦੇ ਪੱਛਮੀ ਤੱਟ ਦਾ ਦੌਰਾ ਕੀਤਾ ਸੀ। ਉਸ ਤੋਂ ਬਾਅਦ ਉਨ੍ਹਾਂ ਦੇ ਜਹਾਜ਼ ਏਅਰਫ਼ੋਰਸ ਵਨ ’ਚ ਮੌਜੂਦ ਸਮਾਨ ਦੀ ਗਿਣਤੀ ਕੀਤੀ ਗਈ ਤਾਂ ਉਸ ਵਿਚਲੀਆਂ ਕਈ ਚੀਜ਼ਾਂ ਗ਼ਾਇਬ ਸਨ। ਉਸ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ ਗਿਆ ਕਿ ਉਹ ਅਮਰੀਕੀ ਰਾਸ਼ਟਰਪਤੀ ਦੇ ਸਰਕਾਰੀ ਜਹਾਜ਼ ਤੋਂ ਯਾਦਗਾਰੀ ਚਿੰਨ੍ਹ ਚੋਰੀ ਕਰਨ ਤੋਂ ਗ਼ੁਰੇਜ਼ ਕਰਨ। ਰਾਸ਼ਟਰਪਤੀ ਦੇ ਜਹਾਜ਼ ’ਚੋਂ ਬ੍ਰੈਂਡਿਡ ਸਿਰਹਾਣੇ ਦੇ ਕਵਰ, ਗਲਾਸ, ਸੁਨਿਹਰੀ ਰਿੰਮ ਵਾਲੀਆਂ ਪਲੇਟਾਂ ਸਮੇਤ ਕਈ ਕੁਝ ਹੈ ਜੋ ਮਿਲ ਨਹੀਂ ਰਿਹਾ। ਇਸ ਮਾਮਲੇ ’ਚ ਉਨ੍ਹਾਂ ਪੱਤਰਕਾਰਾਂ ’ਤੇ ਸ਼ੱਕ ਕੀਤਾ ਜਾ ਰਿਹਾ ਹੈ ਜੋ ਰਾਸ਼ਟਰਪਤੀ ਨਾਲ ਉਨ੍ਹਾਂ ਦੇ ਜਹਾਜ਼ ਏਅਰਫ਼ੋਰਸ ਵਨ ’ਚ ਸਫ਼ਰ ਕਰਦੇ ਹਨ।
ਪੱਤਰਕਾਰਾਂ ਨੂੰ ਚੇਤਾਵਨੀ
ਜਹਾਜ਼ ’ਚੋਂ ਸਮਾਨ ਗੁਆਚਣ ਦਾ ਪਤਾ ਲੱਗਣ ਤੋਂ ਬਾਅਦ ਵ੍ਹਾਈਟ ਹਾਊਸ ਦੀ ਕਵਰੇਜ ਕਰਨ ਵਾਲੇ ਪੱਤਰਕਾਰਾਂ ਦੇ ਸੰਗਠਨ ਦਾ ਵ੍ਹਾਈਟ ਹਾਊਸ ਕੋਰਸਪੌਂਡੈਂਟਸ ਐਸੋਸੀਏਸ਼ਨ ਨੇ ਚਿਤਾਵਨੀ ਦਿੱਤੀ ਹੈ ਕਿ ਰਾਸ਼ਟਰਪਤੀ ਦੇ ਜਹਾਜ਼ ਤੋਂ ਸਮਾਨ ਲੈ ਕੇ ਜਾਣ ਦੀ ਸਖ਼ਤ ਮਨਾਹੀ ਹੈ। ਪਿਛਲੇ ਮਹੀਨੇ, ਐਸੋਸੀਏਸ਼ਨ ਨੇ ਪੱਤਰਕਾਰਾਂ ਨੂੰ ਇੱਕ ਈਮੇਲ ਲਿਖੀ ਸੀ ਜਿਸ ’ਚ ਕਿਹਾ ਗਿਆ ਸੀ ਕਿ ਇਸ ਤਰ੍ਹਾਂ ਦਾ ਵਿਵਹਾਰ ਪ੍ਰੈੱਸ ਪੂਲ ਲਈ ਠੀਕ ਨਹੀਂ। ਪ੍ਰੈੱਸ ਪੂਲ ’ਚ ਉਹ ਪੱਤਰਕਾਰਾਂ ਸ਼ਾਮਿਲ ਗਿਣੇ ਜਾਂਦੇ ਹਨ ਜਿਨ੍ਹਾਂ ਕੋਲ ਏਅਰ ਫ਼ੋਰਸ ਵਨ ’ਚ ਅਮਰੀਕੀ ਰਾਸ਼ਟਰਪਤੀ ਦੇ ਨਾਲ ਯਾਤਰਾ ਕਰਨ ਦੀ ਸਰਕਾਰੀ ਪ੍ਰਵਾਰਨਗੀ ਹੁੰਦੀ ਹੈ। ਈਮੇਲ ’ਚ ਕਿਹਾ ਗਿਆ ਹੈ ਕਿ ਇਸ ਕਿਸਮ ਦੇ ਵਿਵਹਾਰ ਨੂੰ ਰੋਕਣਾ ਚਾਹੀਦਾ ਹੈ। ਕਈ ਵਾਰ, ਰਾਸ਼ਟਰਪਤੀ ਦੇ ਨਾਲ ਯਾਤਰਾ ਕਰਨ ਵੇਲੇ ਪੱਤਰਕਾਰਾਂ ਨੂੰ M&M ਚਾਕਲੇਟਾਂ ਦਾ ਇੱਕ-ਇੱਕ ਪੈਕੇਟ ਦਿੱਤਾ ਜਾਂਦਾ ਹੈ ਜਿਸ ’ਤੇ ਰਾਸ਼ਟਰਪਤੀ ਦੀ ਮੋਹਰ ਹੁੰਦੀ ਹੈ। ਪਰ ਰਿਪੋਰਟਾਂ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਦੇ ਜਹਾਜ਼ ’ਚੋਂ ਚੱਮਚ, ਪਲੇਟਾਂ, ਕਟਲਰੀ ਜਾਂ ਹੋਰ ਚੀਜ਼ਾਂ ਲੈ ਕੇ ਜਾਣਾ ਇੱਕ ਆਮ ਗੱਲ ਹੈ ਅਤੇ ਅਜਿਹਾ ਹੁੰਦਾ ਰਹਿੰਦਾ ਹੈ।
ਚੋਰੀ ਦੀਆਂ ਚੀਜ਼ਾਂ
ਦਾ ਸੰਗਿ੍ਰਹ
ਵਾਇਸ ਔਫ਼ ਅਮੈਰੀਕਾ ਦੇ ਵ੍ਹਾਈਟ ਹਾਊਸ ਦੇ ਪੱਤਰਕਾਰ ਮੀਸ਼ਾ ਕੋਮਾਡੋਵਸਕੀ ਨੇ ਆਪਣੀ ਯਾਤਰਾ ਦੌਰਾਨ ਰਾਸ਼ਟਰਪਤੀ ਦੇ ਜਹਾਜ਼ ਤੋਂ ਇਕੱਠੀਆਂ ਕੀਤੀਆਂ ਚੀਜ਼ਾਂ ਦਾ ਇੱਕ ਪ੍ਰਭਾਵਸ਼ਾਲੀ ਸੰਗ੍ਰਹਿ ਬਣਾਇਆ ਹੋਇਆ ਹੈ। ਮੀਸ਼ਾ ਏਅਰ ਫ਼ੋਰਸ ਵਨ ਦੇ ਲੋਗੋ ਵਾਲਾ ਇੱਕ ਪੇਪਰ ਕੱਪ ਹੱਥ ’ਚ ਫ਼ੜ ਕੇ ਕਹਿੰਦਾ ਹੈ, “ਇਨ੍ਹਾਂ ਚੀਜ਼ਾਂ ਨੂੰ ਇਕੱਠਾ ਕਰ ਕੇ ਮੈਂ ਨਾ ਤਾਂ ਕੁਝ ਗ਼ਲਤ ਕੀਤਾ ਹੈ ਅਤੇ ਨਾ ਹੀ ਕਿਸੇ ਨੂੰ ਸ਼ਰਮਿੰਦਾ।”ਉਹ ਅੱਗੇ ਕਹਿੰਦੈ, “ਮੈਂ ਇਸ ਪੇਪਰ ਕੱਪ ਨੂੰ ਸੁੱਟਣਾ ਭੁੱਲ ਗਿਆ ਸੀ।”ਮੀਸ਼ਾ ਕੋਮਾਡੋਵਸਕੀ ਕੋਲ ਰਾਸ਼ਟਰਪਤੀ ਦੀ ਮੋਹਰ ਵਾਲਾ ਚਾਕਲੇਟਾਂ ਦਾ ਇੱਕ ਪੈਕੇਟ ਵੀ ਹੈ ਜਿਸ ’ਤੇ ਰਾਸ਼ਟਰਪਤੀ ਬਾਇਡਨ ਦੇ ਦਸਤਖ਼ਤ ਹਨ। ਉਹ ਕਹਿੰਦਾ ਹੈ, “ਇਹ ਬਜ਼ਾਰ ’ਚੋਂ ਮਿਲਣ ਵਾਲੀਆਂ ਆਮ ਚਾਕਲੇਟ ਹਨ, ਪਰ ਇਨ੍ਹਾਂ ਨੂੰ ਇੱਕ ਚੰਗੇ ਡੱਬੇ ’ਚ ਪੈਕ ਕੀਤਾ ਗਿਆ ਹੈ।”
ਹਵਾਈ ਦਫ਼ਤਰ
ਏਅਰ ਫ਼ੋਰਸ ਵਨ ਨੂੰ ਰਾਸ਼ਟਰਪਤੀ ਦਾ ਹਵਾ ’ਚ ਉਡਦਾ ਦਫ਼ਤਰ ਵੀ ਕਿਹਾ ਜਾਂਦਾ ਹੈ। ਵ੍ਹਾਈਟ ਹਾਊਸ ਵਲੋਂ ਵੀ ਇਸ ਨੂੰ ਹਵਾ ’ਚ ਰਾਸ਼ਟਰਪਤੀ ਦੇ ਦਫ਼ਤਰ ਵਜੋਂ ਪਰਿਭਾਸ਼ਿਤ ਕੀਤਾ ਜਾਂਦਾ ਹੈ। ”S ਰਾਸ਼ਟਰਪਤੀ ਦੇ ਏਅਰਕ੍ਰਾਫ਼ਟ ’ਚ ਚਾਰ ਹਜ਼ਾਰ ਵਰਗ ਫ਼ੁੱਟ ਦੀ ਫ਼ਲੋਰ ਸਪੇਸ ਹੈ ਅਤੇ ਉਸ ਦੀਆਂ ਤਿੰਨ ਮੰਜ਼ਿਲਾਂ ਹਨ।
ਉਸ ਦੀਆਂ ਪ੍ਰਭਾਵਸ਼ਾਲੀ ਸਹੂਲਤਾਂ ’ਚ ਰਾਸ਼ਟਰਪਤੀ ਲਈ ਇੱਕ ਵਿਸ਼ਾਲ ਸੁਈਟ, ਇੱਕ ਔਪਰੇਟਿੰਗ ਟੇਬਲ ਦੇ ਨਾਲ ਇੱਕ ਮੈਡੀਕਲ ਸਟੇਸ਼ਨ, ਇੱਕ ਕਾਨਫ਼ਰੰਸ ਅਤੇ ਡਾਇਨਿੰਗ ਰੂਮ, ਭੋਜਨ ਤਿਆਰ ਕਰਨ ਲਈ ਦੋ ਥਾਵਾਂ ਜਿਥੇ ਇੱਕ ਵਕਤ ’ਤੇ 100 ਲੋਕਾਂ ਦਾ ਖਾਣਾ ਤਿਆਰ ਕੀਤਾ ਜਾ ਸਕਦਾ ਹੈ ਅਤੇ ਪ੍ਰੈੱਸ ਦੇ ਨਾਲ-ਨਾਲ ਖ਼ਾਸ ਲੋਕਾਂ, ਜਿਵੇਂ ਸੁਰੱਖਿਆ ਅਤੇ ਸਕੱਤਰੇਤ ਸਟਾਫ਼, ਲਈ ਵਿਸ਼ੇਸ਼ ਜਗ੍ਹਾ ਮੌਜੂਦ ਹੈ।
ਫ਼ੌਜੀ ਤਕਨੀਕ
ਇਸ ਜਹਾਜ਼ ਨੂੰ ਉੱਨਤ ਐਵੀਔਨਿਕਸ ਅਤੇ ਸੁਰੱਖਿਆ ਉਪਾਵਾਂ ਕਰ ਕੇ ਇੱਕ ਫ਼ੌਜੀ ਜਹਾਜ਼ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ। ਯਾਨੀ ਇੱਕ ਅਜਿਹਾ ਜਹਾਜ਼ ਜੋ ਹਵਾਈ ਹਮਲੇ ਦਾ ਸਾਹਮਣਾ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਇਸ ਜਹਾਜ਼ ’ਚ ਤੇਲ ਵੀ ਹਵਾ ’ਚ ਹੀ ਭਰਿਆ ਜਾ ਸਕਦਾ ਹੈ, ਸੋ ਇਹ ਅਸੀਮਿਤ ਸਮੇਂ ਲਈ ਹਵਾ ’ਚ ਉੱਡਣ ਦੀ ਸਮਰੱਥਾ ਰੱਖਦਾ ਹੈ। ਐਮਰਜੈਂਸੀ ਸਥਿਤੀ ’ਚ ਅਜਿਹੀ ਸਮਰੱਥਾ ਵਾਲੇ ਜਹਾਜ਼ ਦੀ ਹੀ ਲੋੜ ਹੁੰਦੀ ਹੈ। ਏਅਰ ਫ਼ੋਰਸ ਵਨ ਸੁਰੱਖਿਅਤ ਸੰਚਾਰ ਉਪਕਰਣਾਂ ਨਾਲ ਵੀ ਲੈਸ ਹੈ ਜਿਸ ਨਾਲ ਜਹਾਜ਼ ਨੂੰ ਇੱਕ ਮੋਬਾਈਲ ਕਮਾਂਡ ਸੈਂਟਰ ਵਜੋਂ ਕੰਮ ਕਰਨ ਦੀ ਇਜਾਜ਼ਤ ਮਿਲਦੀ ਹੈ। ਜਹਾਜ਼ ’ਚ 85 ਔਨਬੋਰਡ ਟੈਲੀਫ਼ੋਨਜ਼, ਦੋ-ਤਰਫ਼ਾ ਰੇਡੀਓ ਅਤੇ ਕੰਪਿਊਟਰ ਕੋਨੈਕਸ਼ਨਜ਼ ਹਨ। ਏਅਰ ਫ਼ੋਰਸ ਵਨ ’ਚ, ਰਾਸ਼ਟਰਪਤੀ ਸਾਹਮਣੇ ਬੈਠਦੇ ਹਨ ਜਦੋਂ ਕਿ ਪੱਤਰਕਾਰਾਂ ਲਈ ਜਹਾਜ਼ ਦੇ ਪਿਛਲੇ ਹਿੱਸੇ ’ਚ ਇੱਕ ਗੈਲਰੀ ਹੈ।