ਦੇਸ਼ ਦੇ ਕੁੱਲ ਬੈਂਕ ਖਾਤਿਆਂ ਵਿੱਚ ਔਰਤਾਂ ਦੀ ਹਿੱਸੇਦਾਰੀ 39.2 ਪ੍ਰਤੀਸ਼ਤ ਹੈ। ਇਸ ਦੇ ਨਾਲ ਹੀ, ਭਾਰਤ ਵਿੱਚ ਬੈਂਕ ਖਾਤਿਆਂ ਵਿੱਚ ਜਮ੍ਹਾ ਕੀਤੇ ਗਏ ਪੈਸੇ ਵਿੱਚ ਔਰਤਾਂ ਦਾ ਯੋਗਦਾਨ 39.7 ਪ੍ਰਤੀਸ਼ਤ ਹੈ। ਇਹ ਜਾਣਕਾਰੀ ਐਤਵਾਰ ਨੂੰ ਸਰਕਾਰ ਨੇ ਦਿੱਤੀ। ਸਰਕਾਰ ਨੇ ਕਿਹਾ ਕਿ ਪੇਂਡੂ ਖੇਤਰਾਂ ਵਿੱਚ ਖੋਲ੍ਹੇ ਗਏ ਬੈਂਕ ਖਾਤਿਆਂ ਵਿੱਚ ਔਰਤਾਂ ਦਾ ਹਿੱਸਾ 42.2 ਪ੍ਰਤੀਸ਼ਤ ਹੈ।
ਪਿਛਲੇ ਕੁਝ ਸਾਲਾਂ ਵਿੱਚ ਡੀਮੈਟ ਖਾਤਿਆਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ, ਜੋ ਕਿ ਸਟਾਕ ਮਾਰਕੀਟ ਵਿੱਚ ਵੱਧ ਰਹੀ ਭਾਗੀਦਾਰੀ ਨੂੰ ਦਰਸਾਉਂਦਾ ਹੈ। 31 ਮਾਰਚ, 2021 ਤੋਂ 30 ਨਵੰਬਰ, 2024 ਤੱਕ ਡੀਮੈਟ ਖਾਤਿਆਂ ਦੀ ਕੁੱਲ ਗਿਣਤੀ 3.32 ਕਰੋੜ ਤੋਂ ਵਧ ਕੇ 14.30 ਕਰੋੜ ਹੋ ਗਈ, ਜੋ ਕਿ ਚਾਰ ਗੁਣਾ ਤੋਂ ਵੱਧ ਵਾਧਾ ਦਰਸਾਉਂਦੀ ਹੈ। ਪੁਰਸ਼ ਖਾਤਾ ਧਾਰਕਾਂ ਦੀ ਗਿਣਤੀ ਲਗਾਤਾਰ ਮਹਿਲਾ ਖਾਤਾ ਧਾਰਕਾਂ ਨਾਲੋਂ ਵੱਧ ਰਹੀ ਹੈ, ਪਰ ਔਰਤਾਂ ਦੀ ਭਾਗੀਦਾਰੀ ਵਿੱਚ ਵੀ ਵਾਧਾ ਹੋਇਆ ਹੈ।
ਅੰਕੜਾ ਅਤੇ ਪ੍ਰੋਗਰਾਮ ਲਾਗੂਕਰਨ ਮੰਤਰਾਲੇ ਦੇ ਅਨੁਸਾਰ, “ਪੁਰਸ਼ ਡੀਮੈਟ ਖਾਤਿਆਂ ਦੀ ਗਿਣਤੀ 2021 ਵਿੱਚ 2.65 ਕਰੋੜ ਤੋਂ ਵੱਧ ਕੇ 2024 ਵਿੱਚ 11.53 ਕਰੋੜ ਹੋ ਗਈ, ਜਦੋਂ ਕਿ ਇਸੇ ਸਮੇਂ ਦੌਰਾਨ ਮਹਿਲਾ ਡੀਮੈਟ ਖਾਤਿਆਂ ਦੀ ਗਿਣਤੀ 66 ਲੱਖ ਤੋਂ ਵੱਧ ਕੇ 2.7 ਕਰੋੜ ਹੋ ਗਈ।” ਅੰਕੜਿਆਂ ਦੇ ਅਨੁਸਾਰ, “2021-22, 2022-23 ਅਤੇ 2023-24 ਦੇ ਸਾਲਾਂ ਦੌਰਾਨ ਨਿਰਮਾਣ, ਵਪਾਰ ਅਤੇ ਹੋਰ ਸੇਵਾ ਖੇਤਰਾਂ ਵਿੱਚ ਔਰਤਾਂ ਦੀ ਮਲਕੀਅਤ ਵਾਲੇ ਅਦਾਰਿਆਂ ਦੀ ਪ੍ਰਤੀਸ਼ਤਤਾ ਵਿੱਚ ਵਾਧਾ ਹੋਇਆ ਹੈ।”
ਪਿਛਲੇ ਕੁਝ ਸਾਲਾਂ ਵਿੱਚ, ਧਫੀੀਠ ਦੁਆਰਾ ਮਾਨਤਾ ਪ੍ਰਾਪਤ ਸਟਾਰਟਅੱਪਸ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ ਜਿਨ੍ਹਾਂ ਵਿੱਚ ਘੱਟੋ-ਘੱਟ ਇੱਕ ਮਹਿਲਾ ਡਾਇਰੈਕਟਰ ਹੈ, ਜੋ ਕਿ ਮਹਿਲਾ ਉੱਦਮਤਾ ਵਿੱਚ ਇੱਕ ਸਕਾਰਾਤਮਕ ਰੁਝਾਨ ਨੂੰ ਦਰਸਾਉਂਦਾ ਹੈ। ਅਜਿਹੇ ਸਟਾਰਟਅੱਪਸ ਦੀ ਕੁੱਲ ਗਿਣਤੀ 2017 ਵਿੱਚ 1,943 ਤੋਂ ਵਧ ਕੇ 2024 ਵਿੱਚ 17,405 ਹੋਣ ਦਾ ਅਨੁਮਾਨ ਹੈ। ਵੋਟਰਾਂ ਦੀ ਕੁੱਲ ਗਿਣਤੀ 1952 ਵਿੱਚ 17.32 ਕਰੋੜ ਤੋਂ ਵਧ ਕੇ 2024 ਵਿੱਚ 97.8 ਕਰੋੜ ਹੋ ਗਈ। ਇਸ ਤੋਂ ਇਲਾਵਾ, ਮਹਿਲਾ ਵੋਟਰ ਰਜਿਸਟ੍ਰੇਸ਼ਨ ਵਿੱਚ ਭਾਰੀ ਵਾਧਾ ਦੇਖਿਆ ਗਿਆ ਹੈ।
ਪ੍ਰਾਇਮਰੀ ਅਤੇ ਹਾਇਰ ਸੈਕੰਡਰੀ ਪੱਧਰ ‘ਤੇ ਲੰਿਗ ਸਮਾਨਤਾ ਸੂਚਕਾਂਕ (ਘਫੀ) ਲਗਾਤਾਰ ਇੱਕੋ ਜਿਹਾ ਰਿਹਾ ਹੈ, ਜੋ ਕਿ ਮਜ਼ਬੂਤ ਔਰਤਾਂ ਦੇ ਦਾਖਲੇ ਨੂੰ ਦਰਸਾਉਂਦਾ ਹੈ। ਉੱਚ ਪ੍ਰਾਇਮਰੀ ਅਤੇ ਐਲੀਮੈਂਟਰੀ ਪੱਧਰ ‘ਤੇ ਉਤਰਾਅ-ਚੜ੍ਹਾਅ ਆਏ ਹਨ, ਪਰ ਇਹ ਬਰਾਬਰੀ ਦੇ ਨੇੜੇ ਰਿਹਾ ਹੈ। ਅੰਕੜਿਆਂ ਦੇ ਅਨੁਸਾਰ, 15 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਵਿਅਕਤੀਆਂ ਲਈ ਆਮ ਸ਼ਬਦਾਂ ਵਿੱਚ ਕਿਰਤ ਸ਼ਕਤੀ ਭਾਗੀਦਾਰੀ ਦਰ 49.8 ਪ੍ਰਤੀਸ਼ਤ (2017-18) ਤੋਂ ਵਧ ਕੇ 60.1 ਪ੍ਰਤੀਸ਼ਤ (2023-24) ਹੋਣ ਦਾ ਅਨੁਮਾਨ ਹੈ।