ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੀ ਪਤਨੀ ਮੇਲਾਨੀਆ ਅੱਜ ਦੋ ਦਿਨਾਂ ਭਾਰਤ ਦੌਰੇ ‘ਤੇ ਪਹੁੰਚ ਰਹੇ ਹਨ। ਉਹ ਪਹਿਲਾਂ ਅਹਿਮਦਾਬਾਦ ਜਾਣਗੇ ਅਤੇ ਫਿਰ ਦਿੱਲੀ ਲਈ ਰਵਾਨਾ ਹੋਣਗੇ। ਸਾਰੀ ਦੁਨੀਆ ਟਰੰਪ ਦੇ ਇਸ ਦੌਰੇ ਨੂੰ ਦੇਖ ਰਹੀ ਹੈ। ਦਰਅਸਲ, ਇਕ ਛੋਟੇ ਜਿਹੇ ਦੇਸ਼ ਦੀ ਮਾਡਲ ਤੋਂ ਅਮਰੀਕਾ ਦੀ ਸੁਪਰਪਾਵਰ ਵੋਮੈਨ ਬਣਨ ਲਈ ਮੇਲਾਨੀਆ ਦਾ ਸਫ਼ਰ ਬਹੁਤ ਦਿਲਚਸਪ ਰਿਹਾ ਹੈ। ਜਿਆਦਾਤਰ ਲੋਕ ਡੋਨਾਲਡ ਟਰੰਪ ਬਾਰੇ ਤਾਂ ਬਹੁਤ ਕੁੱਝ ਸੁਣਦੇ ਅਤੇ ਜਾਣਦੇ ਹਨ, ਪਰ ਮੇਲਾਨੀਆ ਬਾਰੇ ਬਹੁਤ ਘੱਟ ਲੋਕ ਹੀ ਜਾਣਦੇ ਹਨ। ਆਓ ਅਮਰੀਕਾ ਦੀ ਪਹਿਲੀ ਮਹਿਲਾ ਮੇਲਾਨੀਆ ਟਰੰਪ ਦੀ ਜਿੰਦਗੀ ਦੇ ਸਫ਼ਰ ਦੇ ਬਾਰੇ ਵਿੱਚ ਵਿਸਥਾਰ ਦੇ ਵਿੱਚ ਜਾਣਦੇ ਹਾਂ।
ਮੇਲਾਨੀਆ, ਡੋਨਾਲਡ ਟਰੰਪ ਦੀ ਤੀਜੀ ਪਤਨੀ ਹੈ। ਮੇਲੇਨੀਆ ਦਾ ਜਨਮ 1970 ਵਿੱਚ ਸਲੋਵੇਨੀਆ ਵਿੱਚ ਹੋਇਆ ਸੀ। ਮੇਲਾਨੀਆ ਸਲੋਵੇਨੀਅਨ ਮਾਡਲ ਵੀ ਰਹੀ ਹੈ ਅਤੇ ਉਸਨੇ 16 ਸਾਲ ਦੀ ਉਮਰ ਵਿੱਚ ਮਾਡਲਿੰਗ ਦੀ ਸ਼ੁਰੂਆਤ ਕੀਤੀ ਸੀ।
ਮਲੇਨੀਆਂ-ਟਰੰਪ ਮੁਲਾਕਾਤ
ਮੇਲਾਨੀਆ ਦੀ 1998 ਵਿਚ ਨਿਊਯਾਰਕ ਵਿਚ ਇਕ ਫੈਸ਼ਨ ਵੀਕ ਪਾਰਟੀ ਦੇ ਦੌਰਾਨ ਡੋਨਾਲਡ ਟਰੰਪ ਨਾਲ ਮੁਲਾਕਾਤ ਹੋਈ ਸੀ। ਟਰੰਪ ਉਸ ਸਮੇਂ ਰਾਜਨੀਤੀ ਵਿਚ ਨਹੀਂ ਸਨ ਅਤੇ ਇਕ ਰੀਅਲ ਅਸਟੇਟ ਦੇ ਬਾਦਸ਼ਾਹ ਵਜੋਂ ਜਾਣੇ ਜਾਂਦੇ ਸਨ। ਫੈਸ਼ਨ ਵੀਕ ਦੌਰਾਨ ਹੀ ਟਾਈਮਜ਼ ਸਕੁਏਰ ਦੇ ਕਿੱਟ ਕੈਟ ਕਲੱਬ ਵਿਖੇ ਇੱਕ ਪਾਰਟੀ ਵੀ ਹੋਈ ਜਿੱਥੇ ਟਰੰਪ ਦੀ ਨਜ਼ਰ ਮੇਲਾਨੀਆ ‘ਤੇ ਪਈ। ਜਦੋਂ ਡੋਨਾਲਡ ਟਰੰਪ ਮੇਲਾਨੀਆ ਨੂੰ ਪਹਿਲੀ ਵਾਰ ਮਿਲੇ ਸਨ, ਉਸ ਸਮੇਂ ਉਹ ਪਹਿਲਾਂ ਹੀ ਦੋ ਵਾਰ ਵਿਆਹੇ ਹੋਏ ਸਨ ਅਤੇ ਆਪਣੀ ਦੂਜੀ ਪਤਨੀ ਮਾਰਲਾ ਮੈਪਲ ਤੋਂ ਤਲਾਕ ਹੋਣ ਵਾਲੇ ਸਨ। ਉਸ ਸਮੇਂ ਡੋਨਾਲਡ ਟਰੰਪ ਦੀ ਉਮਰ 52 ਸਾਲਂ ਅਤੇ ਮੇਲਾਨੀਆ ਦੀ ਉਮਰ 28 ਸਾਲ ਸੀ। ਇੱਥੋਂ ਦੋਵਾਂ ਵਿਚਕਾਰ ਫ਼ੋਨ ਨੰਬਰ ਦਾ ਆਦਾਨ-ਪ੍ਰਦਾਨ ਹੋਇਆ। ਜਾਣਕਾਰੀ ਅਨੁਸਾਰ ਦੋਵਾਂ ਦੀ ਪਹਿਲੀ ਤਰੀਕ ਮੁਲਾਕਾਤ ਤੋਂ ਇਕ ਹਫਤੇ ਬਾਅਦ ਸ਼ੁਰੂ ਹੋਈ ਸੀ। ਇਹ ਉਹ ਦੌਰ ਸੀ ਜਦੋਂ ਮੇਲਾਨਿਆ ਅਤੇ ਟਰੰਪ ਦਾ ਰੋਮਾਂਸ ਪੂਰੇ ਜੋਰਾਂ-ਸ਼ੋਰਾਂ ਨਾਲ ਅਮਰੀਕਾ ਵਿਚ ਸੀ ਅਤੇ ਦੋਹਾਂ ਦੀਆਂ ਮੁਲਾਕਾਤਾਂ ਚਰਚਾ ਦਾ 
ਵਿਸ਼ਾ ਬਣਨੀਆਂ ਸ਼ੁਰੂ ਹੋ ਗਈਆਂ।
ਇਕੱਠੇ ਰਹਿਣ ਦੇ ਪੰਜ ਸਾਲਾਂ ਬਾਅਦ ਵਿਆਹ
ਟਰੰਪ ਅਤੇ ਮੇਲਾਨੀਆ ਨੇ ਪੰਜ ਸਾਲ ਦੇ ਰਿਸ਼ਤੇ ਤੋਂ ਬਾਅਦ ਵਿਆਹ ਕਰਵਾ ਲਿਆ। ਦੋਵਾਂ ਨੇ 2004 ਵਿਚ ਕੁੜਮਾਈ ਕਰਵਾਈ ਅਤੇ 2005 ਵਿਚ ਵਿਆਹ ਕਰਵਾ ਲਿਆ। ਮੰਗਣੀ ਦੇ ਦੌਰਾਨ ਟਰੰਪ ਨੇ ਕਿਹਾ ਕਿ ਉਸ ਦੀ ਸਫਲਤਾ ਦੇ ਵਿੱਚ ਮੇਲਾਨੀਆ ਦਾ ਵੀ ਵੱਡਾ ਹੱਥ ਸੀ। ਰਿਪੋਰਟਾਂ ਦੇ ਅਨੁਸਾਰ ਟਰੰਪ ਨੇ ਡੇਢ ਮਿਲੀਅਨ ਡਾਲਰ ਦੀ ਹੀਰੇ ਦੀ ਮੁੰਦਰੀ ਮੇਲਾਨੀਆ ਨੂੰ ਪਾ ਕੇ ਵਿਆਹ ਦਾ ਦੀ ਪੇਸ਼ਕਸ਼ ਕੀਤੀ ਸੀ।
ਬਿਲ ਗੇਟਸ ਅਤੇ ਹਿਲੇਰੀ ਕਲਿੰਟਨ ਵਿਆਹ ਵਿੱਚ ਸ਼ਾਮਲ ਹੋਏ
2005 ਵਿੱਚ ਮੇਲਾਨੀਆ ਅਤੇ ਟਰੰਪ ਦਾ ਵਿਆਹ ਹੋਇਆ ਸੀ। ਇਹ ਵਿਆਹ ਪਾਮ ਬੀਚ ‘ਤੇ ਹੋਇਆ ਸੀ ਤੇ ਇਸ ਵਿਆਹ ਵਿੱਚ ਕਈ ਵੱਡੇ ਚਿਹਰਿਆਂ ਨੇ ਵੀ ਸ਼ਿਰਕਤ ਕੀਤੀ। ਵਿਆਹ ਦੇ ਵਿੱਚ ਬਿਲ ਗੇਟਸ ਅਤੇ ਹਿਲੇਰੀ ਕਲਿੰਟਨ ਨੇ ਵੀ ਸ਼ਿਰਕਤ ਕੀਤੀ। 2006 ਵਿੱਚ ਮੇਲਾਨੀਆ ਯੂ ਐਸ ਦੀ ਨਾਗਰਿਕ ਬਣ ਗਈ ਅਤੇ ਉਸਨੇ ਇੱਕ ਪੁੱਤਰ ਨੂੰ ਜਨਮ ਦਿੱਤਾ। ਮੇਲਾਨੀਆ ਨੂੰ 2001 ਵਿਚ ਗ੍ਰੀਨ ਕਾਰਡ ਮਿਲਿਆ ਅਤੇ ਵਿਆਹ ਤੋਂ ਇਕ ਸਾਲ ਬਾਅਦ 2006 ਵਿਚ ਉਹ ਅਮਰੀਕਨ ਨਾਗਰਿਕ ਬਣ ਗਈ।
ਇਸ ਤੋਂ ਪਹਿਲਾਂ ਮੇਲਾਨੀਆ ਉਦੋਂ ਵੀ ਸੁਰਖੀਆਂ ਵਿੱਚ ਆਈ ਸੀ ਜਦੋਂ ਅਮਰੀਕਾ ਦੀ ਇੱਕ ਅਖਬਾਰ ਨੇ ਉਸ ਦੀਆਂ ਕੁੱਝ ਤਸਵੀਰਾਂ ਪ੍ਰਕਾਸ਼ਤ ਕੀਤੀਆਂ ਸਨ। ਉਸ ਸਮੇਂ ਟਰੰਪ ਦੇ ਬੱਚੇ ਇਵਾਂਕਾ ਅਤੇ ਡੋਨਾਲਡ ਜੂਨੀਅਰ ਛੋਟੇ ਸਨ। ਇੱਕ ਇੰਟਰਵਿਊ ਵਿੱਚ ਮੇਲਾਨੀਆ ਨੇ ਕਿਹਾ ਸੀ ਕਿ ਉਹ ਆਪਣੇ ਆਪ ਨੂੰ ਇਵਾਂਕਾ ਦੀ ਮਾਂ ਨਹੀਂ ਸਗੋਂ ਇੱਕ ਦੋਸਤ ਦੇ ਰੂਪ ਵਿੱਚ ਵੇਖਦੀ ਹੈ। ਮੇਲਾਨੀਆ ਅਤੇ ਡੋਨਾਲਡ ਟਰੰਪ ਦੇ ਬੇਟੇ ਦਾ ਨਾਮ ਬੈਰਨ ਟਰੰਪ ਹੈ।
2016 ਵਿੱਚ ਬਣੀ ਪਹਿਲੀ ਮਹਿਲਾ
ਸਾਲ 2016 ਵਿਚ ਟਰੰਪ ਅਮਰੀਕਾ ਦੇ 45ਵੇਂ ਰਾਸ਼ਟਰਪਤੀ ਬਣ ਗਏ ਅਤੇ ਮੇਲਾਨੀਆ ਅਮਰੀਕਾ ਦੀ ਫਸਟ ਲੇਡੀ (ਪਹਿਲੀ ਔਰਤ) ਬਣੀ। ਟਰੰਪ ਨੇ ਸੱਤਾ ਸੰਭਾਲਣ ਤੋਂ ਬਾਅਦ ਹੁਣ ਤੱਕ 23 ਦੇਸ਼ਾਂ ਦਾ ਦੌਰਾ ਕੀਤਾ ਹੈ। ਭਾਰਤ ਦੱਖਣ ਏਸ਼ੀਆ ਦਾ ਦੂਜਾ ਦੇਸ਼ ਹੈ ਜਿਥੇ ਰਾਸ਼ਟਰਪਤੀ ਟਰੰਪ ਅਤੇ ਪਹਿਲੀ ਔਰਤ ਮੇਲਾਨੀਆ ਟਰੰਪ ਦੌਰੇ ‘ਤੇ ਆ ਰਹੇ ਹਨ। ਮੇਲਾਨੀਆ ਟਰੰਪ ਆਪਣੀ ਸੁੰਦਰਤਾ ਦੇ ਕਾਰਨ ਦੁਨੀਆ ਭਰ ਦੇ ਵਿੱਚ ਛਾਈ ਰਹਿੰਦੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਡੋਨਾਲਡ ਟਰੰਪ ਦਾ ਪਹਿਲਾ ਵਿਆਹ ਇਵਾਨਾ ਨਾਲ ਹੋਇਆ ਸੀ ਅਤੇ ਉਨ੍ਹਾਂ ਦੇ ਤਿੰਨ ਬੱਚੇ ਹਨ। ਇਵਾਨਾ ਤੋਂ ਉਸ ਦੇ ਤਲਾਕ ਤੋਂ ਬਾਅਦ ਟਰੰਪ ਨੇ ਮਾਰਲਾ ਮੈਪਲਜ਼ ਨਾਲ ਵਿਆਹ ਕਰਵਾ ਲਿਆ ਜਿਸਦੀ ਇਕ ਧੀ ਹੈ, ਟਿਫਨੀ ਟਰੰਪ। ਬਾਅਦ ਵਿਚ ਟਰੰਪ ਨੇ ਉਸ ਨੂੰ ਤਲਾਕ ਦੇ ਦਿੱਤਾ ਅਤੇ ਮੇਲਾਨੀਆ ਨਾਲ ਵਿਆਹ 
ਕਰਵਾ ਲਿਆ।
ਮੇਲਾਨੀਆ ਅਤੇ ਡੋਨਾਲਡ ਟਰੰਪ ਦੇ ਭਾਰਤ ਦੌਰੇ ‘ਤੇ ਉਹ ਸੋਮਵਾਰ ਨੂੰ ਅਹਿਮਦਾਬਾਦ ਦੇ ਸਰਦਾਰ ਵੱਲਭਭਾਈ ਪਟੇਲ ਕੌਮਾਂਤਰੀ ਹਵਾਈ ਅੱਡੇ ‘ਤੇ ਉਤਰਨਗੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹਵਾਈ ਅੱਡੇ ‘ਤੇ ਟਰੰਪ ਦਾ ਸਵਾਗਤ ਕਰਨਗੇ। ਇਸ ਤੋਂ ਬਾਅਦ ਇਕ ਵਿਸ਼ਾਲ ਰੋਡ ਸ਼ੋਅ ਆਯੋਜਿਤ ਕੀਤਾ ਜਾਵੇਗਾ ਅਤੇ ਅਮਰੀਕਨ ਰਾਸ਼ਟਰਪਤੀ ਸਾਬਰਮਤੀ ਆਸ਼ਰਮ ਪਹੁੰਚਣਗੇ।
ਡੋਨਾਲਡ ਟਰੰਪ ਭਾਰਤ ਦੇ ਤਿੰਨ ਸ਼ਹਿਰਾਂ ਦਾ ਦੌਰਾ ਕਰਨਗੇ। ਅਹਿਮਦਾਬਾਦ ਤੋਂ ਇਲਾਵਾ ਉਹ ਆਗਰਾ ਅਤੇ ਦਿੱਲੀ ਵੀ ਜਾਣਗੇ। ਆਗਰਾ ਵਿਚ ਉਹ ਤਾਜ ਮਹੱਲ ਦਾ ਦੌਰਾ ਕਰਨਗੇ। ਟਰੰਪ ਲਗਭਗ 35 ਘੰਟੇ ਭਾਰਤ ਵਿਚ ਬਿਤਾਉਣਗੇ। ਭਾਰਤ 24 ਵਾਂ ਦੇਸ਼ ਹੈ ਜਿਸ ਦੇ ਦੌਰੇ ‘ਤੇ ਟਰੰਪ ਆ ਰਹੇ ਹਨ।
